InfoHub Logo

Qazirgi zaman pedagogtyń kásibı is - áreketiniń tabysty bolýy kóbinese ımıjge baılanysty.
Bolashaqta mektep muǵalimi qandaı bolýy tıis ekenin túsiný úshin, búgingi kúni orta bilim beretin oqý oryndarynda jas urpaqty oqytyp jáne tárbıelep júrgen muǵalim beınesin qaıta qaraýymyz kerek.

Bul oraıda tilge tıek bolatyny, pedagogtardyń biliktiliginiń tómendigi, shákirttermen aradaǵy pedagogıkalyq ádeptilik negizderi

qarym - qatynastardyń qajyrlyǵy jáne onyń barlyq ýaqytta saqtala bermeýi. Sondyqtan, muǵalimge tán pedagogtyq qarym - qatynas áreketiniń máni men mazmunyn ashyp, ustazdarǵa onyń negizgi sapalaryn qalyptastyrýymyz qajet sıaqty. Sonymen XXI ǵasyr pedagog ımıjine toqtalatyn bolsaq, ımıj – aǵylshyn tilinen aýdarǵanda «beıne», «keıip» degen maǵyna beredi.

Ustazdardyń arasynda aınalasyndaǵylarǵa ózi týraly jaqsy áser qaldyrýdy mańyzdy sanamaıtyndar da bar. Tipti, keıbir pedagogtar ımıjdiń mańyzdylyǵyna senbeıdi.

Basqa mamandyq ıelerine qaraǵanda muǵalim mamandyǵy erekshe, ol árdaıym úlken aýdıtorıa ishinde jáne kópshilik kóz aldynda.
Sonymen ımıj – sizdiń boıyńyzdaǵy talantyńyzdyń jarqyrap ashylýy, ózińiz týraly jaqsy pikir qalyptastyrý joly. Álemdik órkenıettiń standarttaryn usynatyn amerıkandyq psıhologtardyń pikirinshe, tamasha tabys fenomeni – adamnyń ımıji men onyń karerasymen tikeleı sabaqtas.
Eger olaı bolmasa, qoldan jasalǵan ımıjdiń kómegi tımesi anyq. Sondyqtan da kásibı mamandyǵyn
jan - jaqty meńgergen pedagog qana joǵary baǵalanyp, áriptesteri men shákirtteriniń ystyq yqylasyna bólenbek.
Jalpy, adamdardyń 85%- y bizben tanysqan alǵashqy bes sekýndta qaldyrǵan syrtqy áser boıynsha baǵa beredi dep eseptelinedi.
Sol sebepti pedagogqa ózin kórsete bilý, unaý, ózi týraly jaqsy pikir qaldyrýdyń mańyzy zor.

Tartymdy ımıj:
- Aınalasyndaǵy adamdardyń kóńilin aýlaý kepili;
- Kez kelgen jumysta jetistikke jetýdiń negizgi sharty.
Eger oqýshylar muǵalimniń jeke tulǵasyna qyzyqpasa pánge degen qyzyǵýshylyǵy da bolmaıdy degen baılamǵa kelýge bolady.

Sebebi, balanyń ómiriniń jartysy olarǵa bilim ǵana berip qoımaı, sonymen qatar olardy tárbıeleıtin jáne jeke tulǵa retinde qalyptastyratyn mektepte ótedi. Áleýmettik jáne balalyq shaqtan alǵan áserler men tájirıbeler úlken ómirge ótýine áser etedi. Muǵalimniń jeke basy oqýshynyń jeke tulǵa bolyp qalyptasýyna kómektesedi. Aqparattyń basym bóligin biz kórý arqyly alamyz, sondyqtan da bizdiń tartymdy beınemiz óte mańyzdy. Oǵan uqyptylyq, iskerlik stıl, máner, ádep, kúlki jatady. Ustaz ózin qalaı kóredi jáne ony oqýshylary qalaı elestetedi? Mektep ákimshiligi men oqýshylar syılaý úshin jáne is ońǵa basý úshin ne isteý kerek? Bar másele ımıjde.

- syrtqy beıne;
- verbaldy jáne verbaldy emes qarym - qatynasty paıdalaný quraly;
- ishki «Men» seziminiń kásibine sáıkestigi.

Syrtqy ımıjdi quraýshylarǵa:
- mımıka,
- daýys kúshi men tembri,
- kostúm,
- qımyl,
- máner.
Aınalańyzdaǵy adamnyń sanasyndaǵy sizdiń beıneńiz týraly kózqaras. Ol sizben júzdesýden keıingi syrtqy keıpińiz ben óz - ózińizdi ustaýyńyzdyń tárbıelik máni men sóılesý mánerińiz arqyly qalyptaspaq. Syrtqy beınemizdiń úılesimdi áser qaldyrý úshin verbaldy jáne verbaldy emes qatynas qajet:
• Mánerli sóıleý
• Kóndire bilý
• Stıl men kıim túsiniń psıhologıalyq áserin bilý
• Turǵan turysqa, mımıkaǵa jáne mánerge kóńil bólý
• Shydamdylyq
• Kórgishtik

Qazirgi qazaq qoǵamynda ustaz mamandyǵy óziniń mártebesin joǵaltyp otyr, ony ózimizge qaıtaryp alý kerektiginshe kúmán joq. Árıne memleket tarapynan qoldaý kórsetilý kerek.
Biraq ustazdyń ımıjdiń jáne ata - analar men oqýshylardyń pedagogqa degen kózqarasyn tek ekonomıkalyq faktor ǵana anyqtaı almaıdy ǵoı. Osyǵan oraı pedagogtyń ózi ne isteı aldy?
Bul suraqqa jaýap izdeıtin bolsaq, onda bylaı jaýap berer edik.

Pedagogtyń mártebesi men bedeli onyń jeke ımıjine baılanysty.
Jalpy ımıjdiń quramyna tómende kórsetilgen elementterdi jatqyzýǵa bolady:
- Qyzmettik qarym - qatynas etıketi ( korporatıvtik erejelerdi ustaný)
- vızýaldi belgiler - boıdyń, dene bitimiń, shash úlgisiniń úılesimdiligi.
- Ózine sáıkes stıldi anyqtaıtyn elementter: kıim, aıaq kıim, aksesýarlar
- til tabysý bilý qabileti aýyzsha jáne jazbasha tildesý, daýys erekshiligi.

Sonymen, pedagogtyń ımıji mynandaı quramnan turady:

Jeke jáne tulǵalyq qasıetter
Kommýnıkatıvtik qasıetter
Kásibı is - árekettiń jáne minez - qulyqtyń erekshelikteri.

Jańa qoǵam pedagogtyń ımıjine jańa talaptar qoıady, biraq zamandar boıy ustazdyń boıynda ózgermeıtin mynandaı qasıetter bar:
- balalardy jaqsy kórý
- meıirimdilik
- shynaıylyq
- tildese alý ıkemdiligi