InfoHub Logo

2016 jylǵy 6 jeltoqsanda Ekonomıkalyq yntymaqtastyq jáne damý uıymy (EYDU) 15 jastaǵy bilim alýshylardyń oqý jetistikterin baǵalaıtyn PISA-2015 halyqaralyq zertteýiniń nátıjesin resmı túrde jarıalady (negizgi baǵyty - jaratylystaný). Bul týraly QR BǴM baspasóz qyzmeti habarlaıdy.

PISA-2015 zertteýine barlyǵy álemniń 72 eliniń 500 000-nan astam 15 jastaǵy bilim alýshylary qatysty.

Qazaqstannyń atynan elimizdiń 16 óńiriniń 5 780 15 jastaǵy oqýshylary men stýdentteri qatysty (189 mektep jáne 27 kolej).

EYDU elderdi jınaǵan upaılary boıynsha reıtıńke bólmeıdi. EYDU negizgi maqsaty elderdiń bilim berý júıeleriniń úrdisin kórsetý.

PISA-2012 zertteýmen salystyrǵanda qazaqstandyq qatysýshylardyń barlyq baǵyttar boıynsha kórsetkishteri joǵarylady. Matematıka boıynsha nátıjelerdiń ósimi 28, al jaratylystaný boıynsha 31 upaıdy qurady.

Matematıka jáne jaratylystaný salasynda ósý úrdisi joǵary deńgeıde. 2012 jylǵy úrdis 2009 jylmen salystyrǵanda sáıkesinshe 27 jáne 25 upaılardy qurady.

PISA-2015 zertteýinde 15 jastaǵy bilim alýshylar upaılary ósiminiń eń joǵarǵy kórsetkishin oqý saýattylyǵy boıynsha kórsetti (+34).

Bul Elbasynyń tapsyrmasy boıynsha iske asyrylǵan "Oqýshylardyń fýnksıonaldyq saýattylyǵyn damytý jónindegi ulttyq ic-qımyl josparynyń" jáne mekteptegi bilim berýdiń jańartylǵan mazmunyna ótýge arnalǵan is-sharalar arqasynda múmkin boldy.

Osylaısha, Bilim berýdi jáne ǵylymdy damytýdyń memlekettik baǵdarlamasynyń, Bilim jáne ǵylym mınıstrliginiń 2014-2018 jyldarǵa arnalǵan strategıalyq josparynyń boljamdy kórsetkishteri kórsetilgen matematıka boıynsha 440 upaı (naqty 460), jaratylystaný boıynsha 430 (456), oqý saýattylyǵy boıynsha 400 (427) nysanaly ındıkatorlaryna qol jetkizildi.

Sondaı-aq, PISA-2015 jobasyna alǵash ret Nazarbaev zıatkerlik mektepteriniń barlyq 15 jastaǵy oqýshylary qatysty (2 061 adam). Nazarbaev zıatkerlik mektepteriniń oqýshylarynyń kórsetkishteri matematıka jáne jaratylystaný ǵylymdary boıynsha jetekshi bilim berý júıeleriniń (Sıngapýr, Gonkong, Makao, Qytaılyq Taıbeı, Japonıa jáne t.b.) birinshi ondyǵyna kiredi.

PISA-2015 zertteýinde Qazaqstannyń nátıjeleri jabyq suraqtar boıynsha kórsetilgen. Tolyq jáne tereń taldaý, naqty sheshimder men usynystar 2017 jylǵy Ulttyq esepte aıqyndalatyn bolady.

Anyqtama úshin:

TIMSS jáne PISA zertteýleriniń negizgi aıyrmashylyqtary zertteýdiń iriktemesi men ádisnamasyna baılanysty.

TIMSS zertteýine 4 jáne 8 synyp oqýshylary qatysady. Al PISA zertteýine tek 15 jastaǵy mektep (7-12 synyptar) jáne kolejderdiń bilim alýshylary qatysady.

TIMSS akademıalyq bilimdi baǵalaıdy (Ne? Qaıda? Qashan?), TIMSS zertteýi tapsyrmalarynyń 80%-y bilimdi kórsetýge baǵyttalǵan.

PISA zertteýi fýnksıonaldyq qabiletti baǵalaıdy - ártúrli ómirlik jaǵdaılarda bilimdi tıimdi paıdalaný, logıkalyq oılaý jáne negizgi qorytyndy jasaý (Nege? Ne úshin? Qalaı?), aqparattyq kesteler men dıagramalardy jáne t.b. túsindirý qabileti. PISA zertteýi suraqtarynyń 70%-y bilimdi paıdalana alý qabiletin baǵalaıdy.

---