InfoHub Logo

Búgin úsh tildi bilim berý júıesine arnalǵan xalyqaralyq semınarda QR Bilim jáne ǵylym mınıstri Erlan Saǵadıev sheteldik qonaqtarǵa atalǵan bastamany iske asyrý jaıynda aıtyp berdi.

«Shynymdy aıtsam, ýaqyt qysyp jatyr. Biz atalǵan bastamanyń iske asýyna qatty alańdap, júıkemiz juqaryp júr. Alaıda bizdiń balalarymyz esh alańdap jatqan joq. Sebebi olar daıyn ekenderin biledi. Al, bizdiń zertteýimizge sáıkes, ata-analar men balalardyń basym bóligi úsh tildi oqytýdy qoldap otyr», - deıdi E.Saǵadıev.

Onyń aıtýynsha, búginde osy saladaǵy negizgi máselelerdiń biri - muǵalimderdiń daıyndyǵy. 2019 jylǵa deıin aǵylshyn tilinde sabaq beretin 16 000 muǵalim qajet bolady.

«Árıne, kóp nárse árbir muǵalimniń til bilý deńgeıine baılanysty bolmaq. Bizdińshe, 9 aıdan keıin ustazdar shet tilde sabaq oqytýǵa daıyn bolady. Sóz joq, jańa júıege kóshkennen keıin bilim berýdiń sapasyn joǵaltyp almaýymyz qajet. Sol sebepti tildi úırený máselesi ǵana emes, sol tilde oqytylatyn pándi jetik meńgerý jumysyna da basa nazar aýdarǵan jón. Ol úshin tıisti saraptamalar júrgiziledi», - dep atap kórsetti mınıstr.

Aıta keteıik, búgingi semınar barysynda joǵary bilim jáne joǵary oqýdan keıingi bilim berý departamentiniń dırektory Darxan Axmed-Zakı oqytýshylardyń aǵylshyn tilinde sabaq berýge áli daıyn emes ekenin jetkizdi.

---