InfoHub Logo

«Poezıa! Menimen egiz be ediń?!»
(Muqaǵalı Maqataevtyń ómiri men shyǵarmashylyǵyna arnalǵan ádebı – sazdy kesh)

Maqsaty: Muqaǵalı Maqataevtyń aqyndyq talantyn shákirt júregine uıalatý arqyly poezıany súıýge, ony baǵalaı bilýge, syrshyl da shynshyl aqyn óleńderiniń máni men mańyzyna úńildirýge, rýhanı tanymyn keńeıtýge yqpal etý.
Keshti jabdyqtaý: Muqaǵalı Maqataevtyń ómiri men shyǵarmashylyǵyna arnalǵan slaıd, kórme, býklet, aqyn týraly pikirler jazylǵan plakattar.
«Aryz jazyp keteıin» óleńi ( úntaspadan oınalyp turady)

1 - júrgizýshi: - Iá, bolashaqqa qara óleńmen aryz jazyp ketken has talant aqynnyń óleńi ǵoı bul.
Poezıa! Menimen egiz be ediń?!
Sen meni sezesiń be, nege izdedim?
Alaýyrtqan tańdardan seni izdedim,
Qaraýytqan taýlardan seni izdedim!

2 - júrgizýshi: - Qazaq poezıasynyń aspanynda erekshe nurlanyp, janyp, jarqyrap ótken birtýar aqyn Muqaǵalı Maqataev búgin – 9 aqpanda 80 jasqa tolady. Qudiretti poezıanyń has qalaýshysy atanǵan Muqaǵalı Maqataevtyń týǵan kúnin nege toılamasqa?!

1 - júrgizýshi: - Ózi tebirenip jyrlap ótken Qarasaz óńirinde, qunarly topyraqta, qasıetti mekende 1931 jyldyń aq qyraýly aqpan aıynda Muhamedqalı dúnıege kelgen eken.

2 - júrgizýshi: Sol kezde aýpartkomda óziniń bilimimen, adamgershiligimen kópke úlgi bolyp júrgen Muhamedqalı esimdi jigit bolypty. Sol jigitteı eline eleýli azamat bolsyn dep bul esimdi naǵashysy qoıǵan. Jeńgeleri paıǵambardyń aty atalatyn bul esimdi ataýǵa júreksinip, ony Muqaǵalı dep atap ketken eken. Aqynnyń ózi de eseıgen shaǵynda: Bul esimniń qadir - qasıetin túsinip, alyp júre alam ba?! Budan da Muqaǵalı bolyp qalǵanym durys shyǵar» dep qujatqa da osylaı jazdyryp alǵan deıdi. Endi Muqaǵalı atanyń ózine sóz bereıik.
Muqaǵalı: «Meniń anketam...»

1 - júrgizýshi: - Sábı bolǵyńyz kele me?
Aqyn: Sábı bolǵym keledi jańa týǵan,
Myna ómirge kirshiksiz jaratylǵan.
Án: «Sábı bolǵym keledi».

2 - júrgizýshi: - Muqaǵalı Tıyn ájesiniń baýyrynda ósti. Tıyn ájesi meıirli, kisiligi mol, adýyndy da bola biletin adam edi. Ájesine arnap aqyn óleń jazdy da, Nurǵısa Tilendıevten án jazýdy surady. Án tamasha bolyp shyqty. Ájem, uly ájem, eńbegiń aqtaldy» dep qatty qýandy, qýanyp turyp jylady da.
Án: «Sónbeıdi, áje, shyraǵyń».

1 - júrgizýshi: - Sahnaǵa Muqaǵalı aǵamen 10 jyl birge oqyǵan ári dosy, ári týysy Ábdike Asnovty shaqyramyz.
(Ábdike Asanov rólinde oqýshy).
Ábdike ata, Muqaǵalı aǵaǵa qatysty mektep ómirinen qandaı estelik aıtar edińiz? Muqaǵalı aǵa mektepte qalaı oqyǵan?
Ábdike Asanov: Muqaǵalı óte zerek, alǵyr bolatyn. Mekteptiń qabyrǵa gazetinde jaman oqıtyn balalardy «Tasbaqaǵa», al jaqsy oqıtyn oqýshylardy «Ushaqqa» mingizip, sýretterin salyp, astyna ataryn jazyp qoıatyn. Biz sol «Ushaqtan» túspesten maqtaý qaǵazymen bitirip shyqtyq.
2 - júrgizýshi: - Muqaǵalı aǵanyń bala kezdegi minez - qulqy, tártibi qandaı boldy?