InfoHub Logo

Taqyryby: «Jeltoqsanda muzǵa aınalǵan kóktemder!»
Maqsaty: Elin, jerin, tilin qurmetteıtin, óz Otanyn súıetin azamat qalyptastyr, ot júrekti, er minezdi ul - qyzdardyń erlik isterine máńgi qurmet kórsetýge baýlý. Óz Otanynyń namysyn qorǵaı biletin azamat qalyptastyrý.

Kórnekiligi: Jeltoqsan qurbandarynyń sýretteri, kitap kórmesi.
Interaktıvti taqta, Slaıdtar, vıdeolar

1 - júrgizýshi:
Qurmetti qonaqtar, ustazdar, oqýshylar! Qazaqstan Respýblıkasynyń Táýelsizdik kúni shyn júrekten quttyqtaımyz!
Men - qazaqpyn myń ólip, myń tirilgen,
Jórgegimde tanystym muń tilimen.
Jylaǵanda júregim kún tutylyp,
Qýanǵanda kúlkimnen tún túrilgen.

2 - júrgizýshi:
Men - qazaqpyn, bıikpin, baıtaq elmin,
Qaıta týdym, ómirge qaıta keldim.
Men myń da bir tirildim máńgi ólmeske,
Aıta bergim keledi, aıta bergim!
Qaıran, qazaq eli… etkizetin syrǵa, muńǵa toly tarıhı paraqtaryń qanshama áli. Oǵan kýá myna jatqan keń sary dala, zańǵar taýlar, ózen - kólder, qum - shólder, tarıhı eskertkishter: mazarlar, qıraǵan ejelgi qalalardyń orny. Ǵasyrlar boıy ata - babamyzdyń qany tamǵan topyraq ısi múńkip tur.

1 - júrgizýshi:
Qazaq halqy bul dúnıede ne kórmedi? Sonaý «Aqtaban shubyryndy, Alqakól sulama» zamanynan bastap, qoısha qyrylǵan «repressıa» jyldaryna deıingi aralyqta halqymyzdyń osynaý keń jahan dalada ómir súrýi, ne joıylyp ketý qaýpi turǵan edi.

2 - júrgizýshi:
Qansha azapqa túsip, qýǵyn - súrginge ushyrasa da, qazaqtyń úsh júzi qaıta birigip, jońǵarlarǵa kúırete soqqy berdi. Qanshama qıyndyqqa moıymaı Qazaǵym táýelsizdikke qol jetkizdi.
Osyndaı nurly kúnge qol jetkizgenimiz Jeltoqsan oqıǵasynyń nátıjesi.

1 - júrgizýshi:
Erlerdi umytsa da el, sel umytpas,
Erlerdi umytsa da el, jel umytpas,
El úshin janyn qıyp, jaýdy qýǵan
Erlerdi umytsa da el, bel umytpas
El úshin tókken erler qanyn jutyp,
Erlerdi umytsa da el, jer umytpas
Arqanyń seli, jeli, shóli, beli, -
Erlerdi umytpasa el umytpas, - dep Maǵjan Jumabaev aǵamyz aıtqandaı dúnıeni dúr silkindirip, qazaq eliniń bostandyq týyn kótergen erlerimiz máńgi este qalary sózsiz.
Búgingi «Ulytaýlar alasarmaıdy,
Uly esimder umytylmaıdy», degen rýbrıkamen ótiletin «Jeltoqsanda muzǵa aınalǵan kóktemder!»» atty tárbıe saǵatymyzdy ashyq dep jarıalaımyz.

2 - júrgizýshi:
Qurbandarym, jazyqsyz qurbandarym
Bet baǵdaryn baqıǵa burǵandarym,
Qaraly jyldardaı bop qaraýytyp,
Halqymnyń máńgi esinde turǵandarym
Qurbandarym, jazyqsyz qurbandarym,
Keýdemdegi qolamta qozdatqanym
Tunshyqsa da túrmede tozbapty ánim.
Jazyqsyz japa shegip bul jalǵannan,
Jaltaqtap kete barǵan bozdaqtarym.
Kórinis: «Elim - aı» ániniń áýenimen jaımen, ortada Ana otyrady. Sahna syrtynan Qaırattyń rýhy: Elbeń, elbeń júgirgen
Ebelek otqa semirgen
Arǵymaq mingen jaratyp
Aqsaýyt kıgen temirden
Alataýdaı babalar
Arýaǵyńmen jebeı kór! – degen
Qaırattyń daýysy estildi.
Ana: Oıpyrmaı, bıikten qulaǵan taý sýyndaı býyrqanǵan tasqyndy bul
ún kimdiki ózi? Jas tulpar tuıaǵynyń dúbiri estilgendeı me ózinen?
Oqystan shyqqan aıqaı – shýdy, sol shýǵa búıiri qyzǵan dara bozdyń shabysyndaı myna úndi qaıdan estigen edim? Oıpyrmaı, ıa, ıa, sol daýys qoı mynaý, Qaırattyń daýysy ǵoı, tanydym. Toqyraýdyń toǵysharlary tobyqtan qaǵyp qulatqan Qaıratymyzdyń úni ǵoı bul. Ia, ıa, dál sol!
Qalaı bolyp edi ózi?!