InfoHub Logo

Súleıman Demırel ýnıversıtetiniń Pánaralyq zertteýler ortalyǵynda «Otandyq bilim berýdi modernızasıalaý jaǵdaıynda kóptildi İT mamanynyń quziretti ınovasıalyq modelin ázirleý jáne engizý» granttyq jobasy aıasynda «Qazirgi IT-bilim berýdegi quzyrettilikke negizdelgen tásildeme» praktıkalyq semınary ótti. Jobanyń ǵylymı jetekshisi – Astana IT ýnıversıtetiniń rektory Qanat Qojahmet jáne jobanyń birlesken avtory jáne atqarýshy dırektory – Rahıma Jýmalıeva.

Ótkizilgen semınar «Sıfrlyq Qazaqstan» memlekettik baǵdarlamasyn jáne «Rýhanı Jańǵyrý» qoǵamdyq sanany jańǵyrtýǵa arnalǵan baǵdarlamasyn iske asyrýǵa baǵyttalǵan. Semınar bolashaq IT-mamanynyń quzyrettilikterin qalyptastyrý jáne damytý turǵysynan IT-bilim berýdegi quzirettilikke negizdelgen tásildemeni talqylaý maqsatynda uıymdastyryldy.

Semınarǵa stýdentter, magıstranttar, doktoranttar jáne SDÝ oqytýshylary qatysty.

Semınar jumysyn quttyqtaý sózderimen SDÝ Ǵylym departamentiniń dırektory, PhD Shıralı Kadyrov ashty.

Qaýymdastyrylǵan profesor, PhD Jýmalıeva R.Z. «Kóptildi IT-mamanynyń ınovasıalyq quzyrettilik modelin qurýdyń tujyrymdamalyq negizderi» taqyrybynda baıandama jasady jáne de kóptildi IT-mamanynyń ınovasıalyq quzyrettilik modelin, IT-mamanynyń quzirettilikterin qalyptastyrý men damytýdyń negizgi qaǵıdalary, sondaı-aq tilderdi deńgeılik oqytý tujyrymdamasy usynyldy. Sondaı-aq, qazaqstandyq bilimniń modernızasıasy jaǵdaıynda quzirettiliktiń qalyptasýy men damýy onyń mynadaı qurylymdyq elementteriniń sıkldik tutasýy negizinde júzege asyrylady: tanymdyq belsendilik (tanymdyq), yntalandyrýshy belsendilik (yntalandyrýshy) jáne refleksıalyq belsendilik (refleksıalyq) komponentter.

Qaýymdastyrylǵan profesor, PhD Izekenova A.K. kásipkerlik oılaýdy damytýdyń mańyzdylyǵy týraly «Qazirgi bilim berýdegi kásipkerlik daǵdylar (quzirettilikter)» trenıńin ótkizdi. Kásipkerlik daǵdylardy oqytý praktıkasy, sondaı-aq aıtylǵan prosesti júrgizýge qajetti oqytý quraldary usynyldy. Jahandaný, ózgermelilik jáne aqparattyq tehnologıanyń tez ósip kele jatqan róli jaǵdaıynda ýnıversıtet klasıkalyq áleýmettik ınstıtýttan bilim ekonomıkasynyń sýbektisine aýysýda. Jańa býyn ýnıversıtetterindegi (U 3.0) zamanaýı bilim berý baǵdarlamalary dástúrli ádister men oıyndandyrý bilim berýdi úılestirip stýdentterge kásipkerlik oılaý daǵdylaryn qalyptastyrýǵa jáne kez-kelgen tapsyrmany jan-jaqty sheshýge kómektesedi. Trenıń stýdentterge «jumsaq daǵdylardy» odan ári damytýǵa múmkindik beretin zamanaýı ýnıversıtettegi kásipkerlik oılaýdy damytýdyń quzirettilik tásilin qarastyrdy.

Tehnıkalyq ǵylymdar kandıdaty, asıstent profesor Týlemısova G.E. «IT-menedjeriniń quzyrettilikterin qalyptastyrý» atty uıymdastyrylǵan  master-klassta sıfrlyq ekonomıkadaǵy IT-mamandardy Chief Digital Officer atty laýazymǵa daıyndaý ádisnamasy usynyldy. Bul másele beıindi mamandarǵa (Chief Digital Officer) suranystyń artýyna baılanysty týyndady. Sondyqtan, IT-mamandardy daıyndaý kezinde mamandandyrý pánderi boıynsha «hard skills»-terdi oqytýmen qatar, topty basqarý, sheshim qabyldaý jáne ýaqytty basqarý sıaqty bıznesti basqarý («soft skills») daǵdylaryn ilgeriletý qajet. Atalǵan daıyndyq kásibı deńgeıde júrgizilip, «IT-ınfraqurylym» kýrsynda bıznes basqarýdy oqytý ádistemesi SDÝ-degi alǵashqy kásibı qadam bolyp tabylady.

PhD doktorant Sýltanova N.J. «Neırondyq jelilerdi qoldana otyryp, qazaq tiliniń sóz formalaryna morfologıalyq taldaý jáne ony mashınalyq aýdarmaǵa qoldaný» taqyrybyndaǵy trenıńte mashınalyq aýdarmanyń anaǵurlym durys bolýy maqsatynda qazaq tilindegi mátindi óńdeýdiń ózektiligi qarastyryldy. Prezentasıa barysynda kompúterlik ǵylymdardaǵy aglútınatıvti tilderge morfologıalyq taldaý jasaýdyń negizgi tehnologıalary talqylandy. Sonymen qatar, neırondyq jelilerdi paıdalaný, sonymen qatar mashınalyq aýdarma úshin morfologıalyq taldaý júıelerin qoldaný usynyldy. Nátıjeler neırondyq jeli tásiliniń tıimdiligin dáleldedi. Usynylǵan tehnologıa zamanaýı IT-mamandardy daıarlaýda qajetti jáne mańyzdy ekendigi týraly aıtyldy.

«Qazirgi IT-bilim berýdegi quzyrettilikke negizdelgen tásildeme» semınarynyń sońynda qatysýshylar men baıandamashylar IT-bilim berýdiń ózekti máseleleri boıynsha pikir almasty.

Semınar dostyq, shyǵarmashylyq, iskerlik atmosferada ótti, ashyq suhbat qurýǵa múmkindik berdi, ári qaraı jumys isteýge jáne oqýǵa, sonymen qatar alǵan bilimdi is júzinde qoldanýǵa yntalandyrdy.

Qaýymdastyrylǵan profesor, PhD Jýmalıeva R.Z.

Pánaralyq zertteýler ortalyǵy, SDÝ

---