InfoHub Logo

Sabaqtyń taqyryby: Prosenti qaıtalaımyz
Sabaqtyń maqsaty:
Bilimdilik: Prosentterdi esepteý biliktilikteri men daǵdylaryn pysyqtaý.
Damytýshylyǵy: Oqýshylardyń aqparatty synı kózqaraspen oı eleginen ótkize alý, túsindire alý, baǵalaı alý qabiletterin damytý.
Tárbıeliligi: temekiniń zıany týraly keń maǵlumat ala otyryp, ómirdegi jaman ádetterden boıyn aýlaq salýǵa, salaýatty ómir saltyn sanaly túrde tańdaı alýǵa tárbıeleý.
Sabaqtyń túri: Qaıtalaý sabaǵy.
Sabaqtyń tıpi: Integrasıalanǵan sabaq.
Sabaqtyń ádisi: Aqparattyq jáne problemalyq, damyta oqytý tehnologıasy.
Sabaqtyń kórnekiligi: Interaktıvti taqta, tapsyrmalar jazylǵan slaıdtar, baspasóz materıaldary, test materıaldary, baǵalaý jetondary, prezentasıa.

Sabaqtyń júrisi:
İ. Uıymdastyrý:
İİ. Sabaqtyń taqyrybyn ashý.
İİİ. Qorytyndylaý.
İÚ. Baǵalaý.
Oqýshylar, bizdiń búgingi sabaǵymyz «Memlekettik emtıhanǵa daıyndyqtyń joldary» atty mektebimizde ótip jatqan matematıka páni muǵalimderiniń aýdandyq semınary aıasynda ótkeli otyr.
Aldymyzda úlken synalar shaq kelip tur. Osy synǵa sapaly daıyndalý, jalpy ómirdiń ár túrli kezeńine saqadaı saı bolý úshin aldymen bizge densaýlyq kerek eken!
Búgingi sabaǵymyzdyń alǵy sózi retinde myna qanatty sózdi alyp otyrmyz:
Ómirdiń óz formýlasy bar, ol - densaýlyq...
Adam ómirine qaterli aýrýlar: Ókpe ragi, ókpeniń qabynýy, júrek qan tamyrlarynyń aýrýy, tynys joldarynyń aýrýy temekiniń kesirinen bolady eken. Temekiniń zıany týraly ne bilemiz? Temeki tartý kerek pe, álde ómir súrý kerek pe? Osy suraqqa jaýaptardy «prosentti qaıtalaımyz» taqyrybyndaǵy sabaǵymyzdan izdep kórelik. (prosenttiń anyqtamasy, sannyń prosentin tabý, prosenti boıynsha sandy tabý erejeleri qaıtalanady.)

• «Qandaı ǵylym bolmasyn onda qansha matematıka bolsa, sonshama shyndyq bolady» I. Kant
Oqýshy: Temeki tútiniń quramynda adam organızimine zıandy ýly zattar óte kóp: Olardyń eń bastylary nıkotın, sınıl qyshqyly, azot, efır maılary jáne ókpe ragine dýshar etetin radıoaktıvti elementter. Eń ýlysy – nıkotın.
1 - tapsyrma:
1 tal temekide 2 prosent nıkotın, sınıl qyshqyly nıkotınniń 1% teń bolsa, shylym shaıyry nıkotınnen 7, 5 ese kóp bolsa, kómirtegi totyǵy shylym shaıyrynyń 3/5 – ine teń bolsa, osy zıandy zattardyń temeki quramyndaǵy prosentin tabyńdar.
Dáriger:

Muǵalim: Osy zıandy zattardyń áserinen temeki shegýshiler ár túrli aýrýlarmen aýyrady. Soǵan qaramastan nelikten temeki tartady eken degen suraq týyndaıdy. Ásirese jasóspirim kezden temeki tartýdy bastaıdy. Statısıkalyq málimet boıynsha jasóspirimderdiń arasynda temeki tartatyn uldar 60 %, qyzdar 40%.
2 - tapsyrma:
Eger mektepte 120 ul, 160 qyz bolsa, temeki shegetinderdiń sanyn anyqtańdar.
Muǵalim: Osy temeki shegen oqýshylar qandaı zardap shegedi dep oılaısyńdar?
Oqýshylar: Syrtqy túrleri buzylady, kórý, estý qabiletteri kemıdi, ishki aǵzalary buzylady, ashýlanshaq, sabyrsyz bolady, sabaq úlgerimderi tómendeıdi.
3 - tapsyrma:
20 adamnan turatyn temeki tartqandaryna 3 - 4 jyl bolǵan topty teksergen de olardyń 70% eki túrli aýrýmen, qalǵandary aýrýdyń bir túrimen aýratyny belgili bolǵan. Qanshasy aýrýdyń eki túrimen, qanshasy bir túrimen aýratynyn anyqtańdar.
4 - tapsyrma:
Temeki tartatyn jasóspirimder óz ómirin 15% kemitetinin bile me eken? Qazaqstandaǵy ómir súrýdiń ortasha uzaqtyǵy 66 jas bolsa, temeki tartatyn balalardyń ómir súrý uzaqtyǵyn anyqtańdar.
Oqýshy: Kóp jaǵdaıda temeki shegetin adamdar tek ózine ǵana emes, aınalasyndaǵy adamdarǵa da kesirin tıgizedi eken. Temeki tartatyndardyń januıasynda dúnıege kelgen balalar aýrýshań, ashýlanshaq boldy eken.
5 - tapsyrma:
Dúnıege kelgen sábıdiń ortasha salmaǵy 3 kg 500 gr bolý kerek. Eger ákesi temeki tartsa, onyń salmaǵy 125 gr kemip, al anasy tartsa 300 gr kemip týylady eken. Dúnıege kelgen sábıdiń neshe prosentke salmaǵyn joǵaltatynyn esepteńder:
A) ákesi tartsa.
B) anasy tartsa.

Muǵalim: Búkil dúnıejúzi temekimen kúresýde kóptegen elderde qyzmet oryndarynda balalar mekemelerinde temeki tartýǵa ruqsat etilmeıdi. Jumys berýshi temeki tartatyn adamdy jumysqa qabyldamaýy nemese jumystan shyǵaryp jiberýi múmkin.

6 - tapsyrma:
Eger temeki tartatyn hatshy 1 bette 1000 tańbany basqanda 4% qate jiberetin bolsa, barlyǵy qansha qate jiberetinin tabyńdar.
Muǵalim: Sonymen jumystan nege shyǵaryp jiberetini túsinikti bolǵan, bolar.
Úı tapsyrmasyn tekserý: (zertteý betshesi arqyly temeki tartatyn adamnyń januıa búdjetine keltiretin shyǵynyn esepteý)
Muǵalim: Sonymen prosentti esepteý arqyly temekiniń qanalyqty zıan ekenine kózimizdi jetkizdik.
• «Teorıany biletin, biraq ony is júzinde qoldana almaıtyn adamdar motorsyz mashına sıaqty» V. Karpınskıı
Muǵalim: Endi osy bilimimizdi test tapsyrmalarynda qalaı qoldanyp júrmiz?
Oqýshylar aldaryndaǵy test tapsyrmalary boıynsha prosentke berilgen esepterdiń shyǵarý joldaryn aýyzsha taldaıdy.
Muǵalim: Ótken aptada ótken № 30 ortalyqtyń test tapsyrmalaryn keıbir esepterdi taqtaǵa shyǵaraıyq.
Esepti shyǵaryp jaýabyn teksergende durys jaýaptyń artynan «Temeki shegý – azap shegý» degen sóılem shyǵady. Osy jerde «Buǵan kim kináli?» degen suraq qoıylyp oqýshylar óz oılaryn aıtady.
• «Eshkim de ózine – ózi baǵa berýdi úırenbeı turyp basqalardy baǵalaı almaıdy» I. Gete
Oqýshylar sabaqty túrli - tústi jetondar arqyly baǵalaıdy.
Qyzyl tús – Men sabaqqa qanaǵattandym, sabaq men úshin paıdaly boldy, sabaqta aıtylǵandar men oryndalǵan tapsyrmalardyń barlyǵyna túsindim, men sabaqta jaqsy jumys jasadym.
Jasyl tús – Sabaq men úshin qyzyqty boldy, men belsendilikpen qatystym, belgili bir dárejede men úshin paıdaly boldy, ornymnan jaýap berip keıbir tapsyrmalardy oryndaı aldym, sabaqta men ózimdi jaqsy sezindim
Sary tús – Men sabaqta aıtylǵandardyń ne týraly ekenin onsha túsine qoımadym, bul men úshin qajet emes, jaýap berýge daıyn bolmadym.
Úıge tapsyrma: test tapsyrmalarymen jumys.