InfoHub Logo

«Psıhologıalyq KTK»
Maqsaty: toptyq ishki qarym - qatynasty damytý, toptyq is - áreketti qalyptastyrý, basqa adamdardyń kózqarasymen kelise bilý. Senimdilikti, birlikti arttyrý, topty jáne ár qatysýshyny seziný.
Qajetti qural - jabdyqtar: qaǵaz, qalam, flomasterler, boıalar, túrli - tústi jáne jaı qaryndashtar, sezim túrleri jazylǵan kartochkalar, kók jáne qyzyl tústi kartochkalar, teledıdar jáne sózder jazylǵan qaǵazdar.
Ár komandada 10 adamnan bolady.
KTK - ny bastamas buryn qatysýshy komanda múshelerimen boı sergitý jattyǵýlaryn júrgizý.

1 - Jattyǵý «Qyryqaıaqtyń júgirýi»
Jattyǵý barysy: Boı - boıymen bir qatarǵa turý. Eń birinshi turǵan oıynshy sol qolyn aıaǵynyń arasynan ótkizedi. Artynda turǵan qatysýshy onyń qolyn oń qolymen ustap, sol qolyn aıaǵynyń arasynan ótkizedi. Qalǵan qatysýshylar da osylaı jalǵastyrady. Mine, tolyq shynjyr paıda boldy. Endi shynjyr buzylmastaı etip, muqıatty túrde bólme ishinde sheńber jasap qozǵalady.

2 - jattyǵý «Amandasamyz»
Jattyǵý barysy: qazir biz óte tez qımyldaıtyn oıyn oınaımyz.
Eń aldymen barlyǵymyz bólme ishinde únsiz qalypta qozǵalysqa túsemiz. Men shshapalaq soǵý arqyly belgi bergen kezde óte shapshań qımylmen bir - birlerińizben amandasýlaryńyz qajet. Qalaı amandasý kerek ekenin men aıtyp turamyn. Ár kezde ár túrli adammen amandasý qajet. Endeshe bastaıyq, kózben amandasý, qolmen..., ıyqpen..., qulaqpen..., tizemen..., mańdaımen..., ókshemen..., arqamen.

3 - jattyǵý «Kim, ne...».
Jattyǵý barysy: Qatysýshylar oryndyqqa otyrady.
Júrgizýshi: Kimde ne bolsa, sol ornynan turady. (Qatysýshynyń boıyndaǵy erekshe qasıeti, súıikti isteri, tamaq jáne t. b.)
Mysaly: kim ózin kúshtimin dese, sol ornynan tursyn. Jattyǵý osylaısha jalǵasa beredi. Ári qaraı sońǵy tapsyrma: «Kim qyzyl tústi kartochka alsa, olar meniń sol jaǵyma, al kim kók tústi kartochka alsa, olar meniń oń jaǵyma turyńyzdar.» Mine, eki komanda quryldy.
Endi ádilqazy alqalaryn tanystyrý. Ádilqazy alqasy quramynda 3 adam bolýy shart. Ádilqazy múshelerine arnaıy daıyndalǵan hattama beriledi.
Ádilqazy alqalarynyń mindeti - kóńildi atmosfera ornatý, baldardy sanaý, komandalardyń konkýrstyq qoıylymdaryna óz pikirlerin bildirý, ýaqytty esepteý jáne jankúıerlerdiń tártibine kóńil bólý.

İ konkýrs «Komandany tanystyrý».
Júrgizýshi: Sizder ózderińizdi naǵyz komandamyz dep oılaısyzdar ma? Biraq, olaı emes. Sizder naǵyz komanda bolasyzdar, eger komandanyń kapıtany bolsa, komandanyń ataýy bolsa jáne sýreti bolǵan jaǵdaıda.
Tapsyrma: 15 mınýt ishinde komanda kapıtanyn taǵaıyndaýlaryńyz jáne komandanyń ataýyn, sýretin oılap tabýlaryńyz qajet.
Ádilqazy alqalary komandanyń aýyzbirshiligine kóńil aýdarýlaryńyz qajet.
Men sizderdiń aýyzbirshiligi zor komanda ekendikterińizdi dáleldeýlerińizge tilektespin.
Komandalar daıyn bolǵansha, jankúıerlermen oıyn oınaý.
1 - jattyǵý «Sýret birligi»
Barysy: Ár otyrǵan oqýshy ózi salǵysy kelgen beıneni ózderi oılap tabady. Birinshi otyrǵan oqýshyǵa taza bet, qaryndash beriledi. Ol sýretti bastap sala bastaıdy. Men «toqta» degen kezde ol salyp jatqan sýretin toqtatyp, kelesi oqýshyǵa beredi. Ol sýretti óz qalaýy boıynsha jalǵastyryp salady. Osylaısha oıyn sońǵy otyrǵan oıynshyǵa deıin jalǵasady.
Júrgizýshi: ýaqyt aıaqtaldy. Endi sóz kezegi komandalarǵa beriledi. Ár komandaǵa tanystyrý úshin 2 - 5 mınýt ýaqyt beriledi. Bul konkýrsqa qoıylatyn joǵary upaı - 3. Tanystyrý aıaqtalǵannan keıin sóz kezegi ádilqazy alqasyna beriledi.

«Qarsylastarmen amandasý»
Júrgizýshi: Meniń qolymda «Sóıleıtin taıaqsha» bar. Ol sizderge bir - birlerińizben amandasýǵa kómektesedi. «Sóıleıtin taıaqshany» bir - birlerińizge berý arqyly jyly lebizderińizdi komandaǵa nemese múshelerine aıtýǵa bolady. (Amandasý baǵalanbaıdy.)

İİ konkýrs «Sergitý»
Júrgizýshi: Biz KTK - ny jalǵastyramyz. Bizdiń kelesi konkýrsymyz «Sergitý» dep atalady. Bul konkýrsta komandanyń birligi baǵalanady.
1 - tapsyrma «Esepteý»
Júrgizýshi qazir men bir san aıtamyn, belgi bergen kezde komandadan sonsha adam ornynan turýy shart. Oryndaryńyzǵa men «Rahmet» degennen keıin ǵana otyrasyzdar. Endeshe bastaıyq 3.., 5.., 1.., 2.. jáne taǵy basqa. Jaqsy kórsetkish kórsetken komandaǵa 1 bal qoıylady.
Ádilqazy alqalarynyń mindeti - komandadaǵy ornynan turǵan adamdardyń sanyna, ıaǵnı atalǵan sanǵa sáıkes komanda músheleri oryndarynan turdy ma, soǵan kóńil bólý qajet.
2 - tapsyrma «Kórset».
Júrgizýshi: Qolymyzdy joǵary kóterip, suq saýsaq kórsetý. Belgi boıynsha qolymyzdy túsirip, komandanyń bir múshesin kórsetý. Qolymyzdy qalypty jaǵdaıǵa men «Rahmet» dep aıtqannan soń ǵana keltiremiz. 4 ret qaıtalanady. Eger komandadaǵy bir adamdy birneshe adam kórsetken bolsa, sol komandaǵa 1 upaı beriledi.
3 - tapsyrma «Muqıat tyńda».
Júrgizýshi: Komanda músheleriniń bári zaldan shyǵarylady da, tek bir ǵana oqýshy qaldyrylady. Zalda qalǵan komanda múshesine mátin oqylady. Bul mátindi ol komanda múshesiniń zalǵa kirgizilgen múshesine sol qalypta aıtyp berýge tyrysýy kerek. Osylaısha komandanyń sońǵy múshesi kirgenshe jalǵasady. Mátinniń mazmunyn dál jetkize bilgen komandaǵa 2 upaı beriledi. Qatysýshylardyń bári kelgennen keıin mátin tolyq oqylyp beriledi.
1 - mátin. Bizdiń synyp jetekshimiz Gúlshat Týleshovna búgingi tárbıe saǵatynyń bolmaıtynyn habarlady, sebebi 10 sáýir kúni saǵat 1400 - de joǵary synyp oqýshylary úshin arnaýly oqý ornynyń ókilimen «Kim qaıda oqýǵa barady?» atty taqyrypta kezdesý bolady. Tárbıe saǵaty qashan ótetinin tárbıe isi meńgerýshisimen kelise otyryp, habarlaıdy.
2 - mátin.
Janerke keldi. Ol mektepte biraz ýaqyt bolatynyn aıtty, sebebi orys tilinen synaq tapsyrady. Óıtkeni, onyń toqsandyq baǵasy 4 pen 5 bolyp talas bolyp tur. Ol saǵat 1500 - de bolatyn jattyǵý bastalǵansha qaıtyp oralýy kerek. Eger keshigip qalsa, onda trenerine sabaqtyń kúntizbesiniń ózgergenin habarlap aıtýy qajet.
Endi «Sergitý» konkýrsynyń qorytyndysyn jarıalaý úshin ádilqazy alqasyna sóz beriledi.

İİİ konkýrs «Shyǵarmashylyq».
Júrgizýshi: Kelesi konkýrsymyz «Shyǵarmashylyq» dep atalady. Bul konkýrsta komandanyń fantazıasy, shyǵarmashyldyǵy, kórsetetin jumystarynyń erekshelikteri jáne árıne komandanyń birligi baǵalanady.
1 - tapsyrma «Erte, erte, ertede...»
Júrgizýshi: ár komandaǵa sózder qatary beriledi: aýla, aǵash, jańalyq, egistik, ózen, halyq. Komanda osy sózderdi paıdalanyp, áńgime nemese ertegi qurastyrýlary shart. Berilgen sózderdiń bárin paıdalaný qajet. Ýaqyty - 15 mınýt. Ýaqyt aıaqtalǵannan soń ár komanda óz jumystaryn oqıdy. Joǵary upaı - 4 bal.

Komandalar daıyn bolǵansha jankúıerlermen oıyn oınatylady.
Oıyn: «Zattyń qoldanylýy»
Oıyn barysy: Men bir zatty ataımyn, sizder sol zatty qalaı jáne qaıda paıdalanýǵa bolatynyn aıtýlaryńyz kerek. Mysaly: monshaq, kitap, gazet, sharf, sýquıǵysh, mashına jáne taǵy basqa.

2 - Tapsyrma «Sezimdi sýretteımin».
Júrgizýshi: komanda kapıtandary ortaǵa shaqyrylady, sezim túrleri jazylǵan kartochkalardyń bireýin tańdap alady. Komandanyń mindeti - sezimdi sýret arqyly kórsetý jáne osy sezimge baılanysty kishigirim qoıylym kórsetý. Ýaqyty: 20 mınýt. Ýaqyt aıaqtalǵan soń ár komanda óz jumystaryn kórsetedi: sýret, qoıylym. Joǵary upaı - 4 bal.
Sezim túrleri: mahabbat, qaıǵy, tańqalý, jekkórý, qýaný.
Komandalar daıyn bolǵansha jankúıerlermen oıyn oınaý.
Oıyn: «Sózden sóz qura»
Barysy: Sizderge bir sóz beriledi. Sol sózden kim kóp sóz shyǵarsa, sol jeńiske jetedi.
«Shyǵarmashylyq» konkýrsynyń qorytyndysyn habarlaý úshin sóz kezegi ádilqazy alqasyna beriledi.
Sońy.
Komandalardyń syılyǵy.
Júrgizýshi: Oıynymyzdyń sońynda men komandalarǵa shyndyqqa jatpaıtyn estelikke erekshe syılyq berýdi tapsyramyn. Ol syılyq týraly sózben aıtýdyń kajeti joq. Ony sózsiz, mımıka, qozǵalys arqyly kórsetý kerek. Kelesi komanda olarǵa berilgen syılyqtyń ne ekenin tabý kerek.
Endi, ár komanda ózderiniń bir - birine degen senimdilikteriniń, birlikteriniń joǵary ekenin jáne sol arqyly baqytty ekendikterińizdi kórsetý úshin «Biz bir - birimizge senemiz!» atty oıyn oınaımyz.
Barysy: Komanda múshelerine sáıkes aınaldyra oryndyq qoıylady. Top músheleri oryndyqqa otyryp, bir - biriniń tizelerine jatyp, qoldarynan ustaıdy. Sodan keıin oryndyqtar alynyp tastalady. Top músheleri dóńgelengen qalypta 10 - ǵa deıin turýlary kerek.
Mine, bizdiń «Psıhologıalyq KTK» konkýrsymyz aıaqtaldy. Sóz kezegi ádilqazy alqasyna beriledi.
Ádilqazy alqasy konkýrstyń qorytyndysyn jáne búgingi konkýrs týraly óz oılaryn aıtyp, madaqtamalardy tapsyrady jáne komandanyń keıbir múshelerine medal tapsyrylady.
- Naǵyz kóńildi qatysýshy;
- Naǵyz salmaqty qatysýshy;
- Sen bizdiń tiregimizsiń.
Ádilqazy alqasy sondaı - aq jankúıerlerdi de madaqtaıdy.
- Naǵyz belsendi jankúıer
- Naǵyz shýlaǵysh jankúıer
- Ádildik úshin kúresýshi.
Mine, qurmetti ustazadar, oqýshylar, bizdiń búgingi «Psıhologıalyq KTK» konkýrsymyz aıaqtaldy. Konkýrsqa qatysyp, belsendilik kórsetkenderińizge kóp - kóp rahmet.
«Biz birgemiz, sondyqtan biz baqyttymyz!»