InfoHub Logo

Quzyrettilikterdi qalyptastyrý - jeke tulǵany damytýdyń basty kepili

Quzyrettilik - oqýshylardyń is - áreketin ámbebap tásilderin meńgerýden kórinetin bilim nátıjesi. Bilim mazmunyn jańalaý - negizgi maqsat. Basty maqsattyń biri - bilim ıgerý kezinde kútiletin nátıjeleoge qol jetkizý. Basty nazar muǵalimnen jeke tulǵaǵa aýysady. Jeke tulǵany buryn bilimdi qabyldaýshy, ózine sińirýshi rólin atqarsa, al endi jańa talap boıynsha ózdiginen bilim alýshy, úırene bilýshi retinde tanylady. Sondyqtan jeke tulǵanyń beınesin jańa zaman talabyna saı daıyndaýymyz kerek. Búginde bilim berý strategıasyn «quzyretti bilim berý» dep te atap júr. Jańa bilim berýdiń joldary qarastyrylýda. Quzyretti bilim berý tásilderi «quzyret, quzyrettilik» uǵymdarymen tikeleı baılanysty.

Órkenıetti elderde qoǵamdy aqparattandyrý keń óris alýda. Osyǵan baılanysty jańa aqparattyq tehnologıalar úlken sıpatqa ıe. Syrtqy ortadan aqparat alý, ony óńdeý oqýshy minezin qalyptastyrýdyń qaınar kózi bolyp tabylady. Aqparattardy óz betimen alýǵa, taldaýǵa, qaıta óńdeýge úıretý aqparatyq quzyrettilikti qalyptastyrýǵa negiz bolady. Munda oqýshylardyń óz betimen jumysyna kóp mán beriledi. Oqýshylar óz betterinshe jańa aqparattyq tehnologıalardyń kómegimen ǵalamtordan, túsindirme sózdikterden, túrli ádebıetterden aqparattar alyp, sabaq barysynda paıdalanady. Muǵalimniń basty maqsaty - oqýshyǵa bilimdi ózdiginen ıgerý amaldary men tásilderin úıretip, onyń ózindik dúnıetanymyn qalyptastyrýyna jaǵdaı jasaý, keńester jáne baǵyt - baǵdar berý.

Oqýshy synı turǵydan taldanǵan aqparattar negizinde sanaly sheshim qabyldaýǵa, óz betinshe maqsat qoıýǵa, josparlaýǵa, osy maqsattarǵa jetý úshin tanymdyq qyzmetterdi júzege asyrýǵa úırenedi. Logıkalyq operasıalardy (taldaý, jınaqtaý, qorytý, qurylymdaý, dáleldeý, modeldeý) materıaldardy júıeleýdi qoldana otyryp aqparattardy óńdeýge úırenedi. Tulǵa jan - jaqty bolý úshin onyń dúnıetanymy óte keń bolýy kerek. Tanymdyq quzyrettilikti qalyptastyrý aqparattardy izdep taýyp alý men aqparattardy almasýmen tyǵyz baılanysty. Ol tulǵanyń tanymyn keńeıtip qana qoımaı, quzyrly tulǵa bolýyna, ıaǵnı «segiz qyrly, bir syrly» bolýyna laıyqtaý maqsaty alǵa qoıylady.

Bilim ıgerý úderisiniń basty tulǵasy - úırenýshi degen ustanym - búgingi tanym ıdeıalaryn ustanatyn tehnologıalardyń basty ıdeıasy. Basty tujyrym - bilimdi ıgerýdiń nátıjege baǵyttalýy, kútiletin nátıjeni ala bilýi. Ol úshin oqýshy óziniń áreketi men onyń nátıjesin baǵalaýdy júzege asyrýǵa, tehnologıany tańdaýǵa múmkindik alýǵa quzyrly. Quzyrettilik kommýnıkatıvti baılanys arqyly júzege asady. Sóıtip, oqýshy óz pozısıasyn, basqa toptarmen baılanysqa túsip, qarym - qatynas jasaýdy úırenedi