InfoHub Logo

BIOAQPARATTANÝ JÁNE SINERGETIKA TEHNOLOGIASY BOIYNSHA

AÝYZSHA - 1 SABAǴY
Taqyryby: Qabdesh Jumadilov «Qazdar qaıtyp barady»
8 - synyp
Sabaqtyń maqsaty: Oqýshylardy mátin mazmunyn ózdikterimen jete túsine bilýge jeteleý, logıkalyq jáne synı turǵydan oılaý shapshańdyǵyn, sózdik qoryn, aqparattyq quzyrettiligin damytý, adamgershilikke tárbıeleý.

Sabaqtyń barysy:
I. Uıymdastyrý kezeńi motıvasıa
1. Karta boıynsha jumys jasaý retin túsindirý. 63% anyqtaý, jazý ( bala sanyna baılanysty anyqtalady)
2. Ujymdy belsendirý úshin kóshbasshyǵa sóz berý.
3. OOM ( orynǵa otyrǵyzý matrısa) boıynsha jumys
A V S D E F

II. Úı tapsyrmasy: tekserilmeıdi
III. Jańa sabaq:
2. Kiltti sózderdi taqtaǵa jazý, maǵynasyn túsindirý.
Tirek sózder: Tarbaǵataı silemderi, taǵdyr, Kúrgeıtas, qorjyn, amanat, kásip.
1. Este saqtaý 7 sóz – 30 sek.
2. Tirek sózder jabylady. ( Oqýshylar taqtadaǵy barlyq sózderdi esterinde saqtaýy tıis)
3. Dápterge este saqtaýlary boıynsha jazý, sózderdiń retin saqtamaı jazýlaryna bolady ( ýaqyt este saqtaý ýaqytyna teń 30 sek), ýaqyt aıaqtalǵanda qalamdy qoıý.
4. Kórshisimen dápter aýystyrý. (Tekserý, sanaý, dápterdi qaıtyp berý)
5. Normaǵa saı este qalǵan sózderdi aıtqan oqýshyǵa
OOM uıashyǵyna alǵashqy plús belgisi qoıylady.
6. Oqýlyqpen jumys: Mátindi túsinip oqý, suraqqa jaýap alynatyny eskertiledi.
Mátindi oqyp shyǵý úshin ýaqyt beriledi. (8 - synyp úshin mátinniń bir paraǵyna 4 mın)
7. Qarama - qarsy suraqtar qoıý: OOM uıashyǵyna ekinshi plús belgisi qoıylady.

1. Oqıǵa qaı mezgilde boldy? (kúz mezgili)
2. Basynan bult ketpeıtin shyń? (Etikshi shyńy)
3. Qart neni talshyq qyp kele jatty? (bir ýys malta)
4. Ózenge túse beris alańqaıda neni kórdi? (adamnyń qý basyn)
5. Qart Alladan neshe kúndik ǵumyr surady? (2 kúndik)
6. Sómkeni neden jasady? (eshkiniń terisinen)
7. Malta neden jasalady? (sútten)
8. Qart qaıda bet aldy? (týǵan jerine)
9. Qart maltany nege quıyp aldy? (torsyqqa)
10. Osy saparǵa neshe jyl daıyndaldy? (40 jyl)
11. Qart nemeresin qalaı baqty? (arqasyna kóterip júrip)
12. Nemeresi mektepke barǵanda ne istedi? (toı jasady)
13. Qartty osyndaı qıyn sheshimge jetelegen qandaı kúsh? (týǵan jerine degen saǵynysh)
14. Tús kezinde qartqa ne kezdesti? (kókjal qasqyr)
15. Qart qandaı jerdi panalady? (quz jartasty)
16. Qandaı áreket jasady? (birneshe úlken tasty qasyna ákep aldy)
17. Ózenniń aǵysy qandaı? ( óte qatty)
18. Ózen qalaı aǵyp jatty? (doldana aǵyp jatty)
19. Taýly ólkede kún qalaı batady? (erte)
20. Tóleýtaı kim? (nemeresi)
21. Týystary qalaı qaıtys boldy? (qalyń súzekten)
22. Qart nemen aınalysty?( ańshylyqpen)
23. Túzdegi qarttyń ermegi? (qara myltyq)
24. Úıdegi ermegi? (qara dombyra, nemeresi)
25. Qarttyń boıyndaǵy eń asyl qasıet? (shydamdylyq)
26. Nege qatty ókinýshi edi? (nemeresin saqtaı almaǵanyna)
27. Qarttyń sońǵy armany? (týǵan jerge jetý)
28. Nemeresi qalaı ósti? (zerek bolyp)

8. Syn turǵysynan suraý «Iá» nemese «joq» jáne tolyq jaýap alý
OOM uıashyǵyna úshinshi plús belgisi qoıylady.
1. Oqıǵa jaz mezgilinde boldy? (joq, kúz)
2. Bul Altaı silemderiniń tusy (joq, Tarbaǵataı)
3. Qart Ustashy asýynyń bıigine kóterildi. (joq, Etikshi)
4. Qalyń jynysty qoınaýǵa jetkende kún jylynaıyn dedi. (ıá, kelisemin)
5. Qart sýsynyn shyny ydysqa quıyp aldy. ( joq, torsyqqa)
6. Quıyp alyp shyqqan shaıy eki kún buryn taýsylǵan (joq, aırany)
7. Malta sútten jasalady. (ıá, kelisemin)
8. Qart sharshamaı, tez - tez júrip keledi. ( joq, tizesi dirildep, zorǵa júrip keledi)
9. Qart osy saparǵa 40 jyl daıyndaldy (ıá)
10. Tús kezinde buǵan bir ıt kezdesti.(joq, qasqyr)
11. Qasqyrdy kórgen soń qart quz jartasty panalady. (ıá)
12. Shól mańaıda jatqan tastardy jınap aldy. (ıá)
13. Kókjal shaldy ańdyp jatyp aldy. (ıá)
14. Qart kókjalǵa kelideı tasty domalatyp jiberdi.( ıá)
15. Ózenge túse beris alańqaıda otyryp ol qoıdyń qý basyn kórdi. (joq, adamnyń basyn)
16. Taýly ólkede kún erte batady. (ıá)
17. Tóleýtaı qarttyń balasy.( joq, nemeresi)
18. Shaldyń týystary jol apatynan qaza boldy(joq, súzekten)
19. Qart eginshilikpen aınalysty (joq, ańshylyqpen)
20. Qarttyń úıdegi ermegi dombyrasy men nemeresi boldy. ( ıá)
21. Nemeresi mektepke barǵanda toı jasady.( ıá)
22. Qazdar mekenine qaıtady. (ıá)
23. Qart Qytaı jaqqa jol tartyp barady. (joq, týǵan eline)
24. Nemeresine sómke satyp áperdi (joq, eshkiniń terisinen tigip berdi)
25. Qarttyń aldynan malshy aýyldar kezdesti( joq, kóship ketken)
26. Ózen aǵysy qartty aǵyzyp áketti (joq, tastan ustap qaldy.)
27. Qarttyń boıyndaǵy erekshe qasıet – shydamdylyq(ıá)
28. Qashan úıreniskeninshe mektepke nemeresin ózi aparyp júrdi.(ıá)
9. Qutqarý suraǵy. Ekilik baǵa alǵan oqýshyǵa suraq qoıý arqyly úshtik baǵaǵa tartý. (Eger úsh mınýsy bolsa)
10. «Qasıetti týǵan jer» degen taqyrypqa esse jaz. (TSQ tekseriledi. Esse nemese shyǵarma túrinde jazýǵa bolady. Sóz qysqartylmaǵan túrde, túsinikti etip jazylady.)
• 5 mınýt ýaqyt beriledi.
• 63 sóz esepke alynady.
OOM uıashyǵyna tórtinshi plús belgisi qoıylady.
11. Jýrnalǵa baǵa qoıý; 4 belgi – «5», 3 belgi – «4», 2 belgi -«3», 1 belgi –«2»

12. Úı tapsyrmasy: 3 belgiden kem alǵan oqýshylarǵa úı tapsyrmasy beriledi. Mátindi oqý, mazmundaý.
13. Úıge tapsyrma: Qabdesh Jumadilov týraly tolyq málimet jınap kelý, atamekenge qashan oralǵany týraly málimet qaraý.

Astana qalasy,
№ 70 mektep - lıseıdiń muǵalimi
Baǵdat Qarajıgıtova