InfoHub Logo

Sabaqtyń taqyryby: Qaǵazdan buıymdar jasaý
Sabaqtyń maqsaty: qaǵazdan buıymdar jasaý týraly málimet berý.
Bilimdilik: oqýshylardyń burynnan alǵan bilim, bilik, daǵdy mashyqtaryna súıene otyryp, qaǵaz plasıkasymen jumys isteý tásilderin meńgertý.
Damytýshylyq: oqýshylardyń logıkalyq qabiletin arttyrý, dúnıetanymyn keńeıtý, shyǵarmashylyq sheberligin qalyptastyrý.
Tárbıelik: adam men tiri tabıǵat arasyndaǵy baılanys týraly maǵlumat bere otyryp, qorshaǵan ortany qorǵaýǵa, ásemdikti sezine bilýge, eńbeksúıgishtikke tárbıeleý.
Sabaqtyń túri: jańa sabaq
Sabaqtyń ádisi: túsindirý, oı qozǵaý, syzbalar, oı shaqyrý, syn turǵysynan oılaý, kýbızm, raft ádisi, taldaý, jınaqtaý.
Sabaqtyń kórnekiligi: oqýlyq, torǵaılar, kóbelekter, qyzǵaldaqtar, sýreti, beınesóz, jumbaq, ınteraktıvti taqta, plakat.
Pánaralyq baılanys: eńbek, dúnıetaný, til sabaǵy

Sabaqtyń barysy:
Uıymdastyrý bólimi:
a) nazaryn sabaqqa aýdarý
á) sabaqqa qajetti quraldaryn daıyndaý

Psıhologıalyq daıyndyq.
Túıe bozdap, qoı qozdap qorada shý,
Kóbelek pen qustar da saıda dý - dý.
Gúl men aǵash maıysyp qaraǵanda,
Sybdyr qaǵyp, burańdap aǵady sý.

«Qyzǵaldaqtar» toby
Kelipti kóktem
Kórikti netken!
Qyzǵaldaq gúldep,
Kún nuryn tókken.

«Kóbelekter» toby
İzdep - izdep ne kerek,
Taptym bir gúl keremet.
Gúl degenim biraq ta,
Bolyp shyqty kóbelek.

«Qustar» toby
Dala gúlge bólendi
Qýanyshqa keneldi
Orman, toǵaı, baqtarda
Qustar saıraı jóneldi.
Jańa sabaq.
Oı qozǵaý.

Appaq ulpa betine,
Ásem beıne salamyz.
Sóz, sóılemdi, mátindi,
alammen kórkem jazamyz. (qaǵaz)
«Kýbızm» ádisi. Sandy kýbıkti laqtyrý arqyly túsken sannyń astyna jasyrylǵan suraqtarǵa jaýap berý.
«Qyzǵaldaqtar» tobyna qaǵazdyń shyǵý tarıhy týraly aıtý.
«Kóbelekter» tobyna qaǵazdyń qasıetter týraly aıtý.
«Qustar» tobyna qaǵazdyń qajettiligi týraly aıtý.

Beınesóz sheshý (slaıdtan kórsetý)
Balalar qandaı sóz shyqty? (oqýshylar jaýaby)
Endeshe búgingi sabaǵymyzdyń taqyryby qaǵazdan buıymdar jasaý. (slaıdpen kórsetý)
Kirispe.
Jalpy qaǵazdy kitap shyǵarýǵa qoldanýmen qatar uly sýretshiler ony sýret salýǵa paıdalanady. Keıin kele sýretshi konstrýktor, dızaınshylar túrli qaǵazdan ádemi zattar men buıymdar jasaýdy oılap tapty. Japon elinde qaǵaz plasıkasy paıda boldy, ol «orıgam» dep atalady.

Qaǵaz plasıkasymen jumys isteý úshin eń aldymen qaǵazdy durys búkteý, qattaý jáne ıý tásilderin meńgerý kerek. Jumys isteýge óte qolaıly bolyp keletin túrli tústi qaǵazdardy paıdalanǵan jón.
Qaǵazdan ár túrli buıymdar jasaýdy sender 1 - synyptan bastap úırenip kelesińder. Qaǵazdan jeke - dara qarapaıym jándikter men qustardyń beınesin jasap úırendińder. Endi solardyń kúrdeli túrlerine kóshemiz.
Sújettik kórinisti ár túrli qaǵazdardy búkteý arqyly jasap kóreıik. Gúlge qonǵan kóbelek bir tústi bolmaýy tıis. Sonymen qatar olardyń ishinen ereksheligine de jete nazar aýdarýymyz kerek. Árbir kóbelektiń pishindik ereksheligine jáne formasyna baılanysty qaǵazdy uqypty búkteý arqyly kóbelektiń kólemdi formasyn jasaımyz. Munda sender birneshe kóbelekter men gúlderdiń túrin qaǵaz plasıkasynan jasap úılestirýleriń kerek.
Munda sender qaǵazben jumys isteýdiń kúrdeli túrimen tanysasyńdar. Qaǵazdy búkteý, oraý, ıýdiń birneshe qaıtalanyp keletin túrlerin kóremiz. Jumys isteý kezinde óte uqypty, muqıat bolmasańdar, shatasyp qalýlaryń múmkin. Sondyqtan árdaıym búkteıtin oryndar men qaǵaz oramdardy belgilep otyrǵan durys. Qaǵazdan jasalatyn buıymnyń kólemdik jaǵyna baılanysty qaǵaz beri ishke qaraı nemese keri búktelýi múmkin. Al keıde qaǵaz oramy birneshe ret qaıtalanyp kelýi de yqtımal. Sondyqtan búkteý tásilderinen shatyspaý úshin ony qaryndashpen úzik syzyqtar arqyly belgilegen oryndy.
Qaǵaz plasıkasymen jumys isteýge óte qolaıly bolyp keletin túrli tústi qaǵazdardy paıdalanady.
Oı shaqyrý.
Balalar qazir qandaı mezgil?
Kóktemde tabıǵatta qandaı ózgerister bolady? Suraǵy boıynsha toptaý ádisin paıdalanyp, bilgenderin qaǵazǵa túsirý.

Sýret boıynsha jumys.
Praktıkalyq áreket
Oqýshylardyń jumysyn sýretke ilý, qorǵaý.
Ról
Aýdıtorıa
Forma
Taqyryp
Kóktem kórinisin sýretteıtin óleńdi aıaqtaý.
....................... kóńildi,
....................... tógildi.
....................... ashylyp.
........................ kórindi.
Baǵalaý (ózin - ózi baǵalaý).
Tyńdaǵandaryńyzǵa rahmet!