InfoHub Logo

Sabaqtyń maqsaty: qaǵazdan jalaýsha jasaý týraly málimet berý.
Bilimdilik: oqýshylardyń burynnan alǵan bilim, bilik, daǵdy mashyqtaryna súıene otyryp, qaǵazdan jalaýsha jasaý tásilderin úıretý
Damytýshylyq: shydamdylyǵyn, uqyptylyǵyn, jumys ornyn durys uıymdastyrý sheberligin qalyptastyrý jáne qaýipsizdik erejelerin saqtaýǵa, quraldarmen jumys jasaýǵa ıkemdiligin damytý
Tárbıelik: Oqýshyǵa eńbekti óz betinshe jasaýǵa shyǵarmashylyq baǵytqa tárbıeleý
Sabaqtyń túri: jańa sabaq
Sabaqtyń ádisi: túsindirý, suraq jaýap, izdenis, praktıkalyq áreket, syn turǵysynan oılaý
Sabaqtyń kórnekiligi: slaıdtar, sózjumbaq, oqýlyq, jalaýsha túrleri, qaýipsizdik erejesi, sýretter, syzbalar.
Pánaralyq baılanys: til sabaǵy, matematıka, mýzyka, beıneleý
Sabaqtyń barysy: Uıymdastyrý bólimi:

Psıhologıalyq daıyndyq
Gúl ósirseń terlep,
Munyń aty eńbek.
Keste tikseń zerlep,
Munyń aty eńbek.
Qıyndyqtyń bárin,
Eńbek qana jeńbek.
- Búgingi eńbek sabaǵyna qandaı qajetti qural - jabdyqtardy paıdalanamyz? (slaıd kórsetý)
Olaı bolsa, osy qural - jabdyqtardy paıdalaný úshin, ótken taqyryptar boıynsha eske túsiremiz.
Qaıtalaý - bilim anasy

1. Qaǵazdy neden jasaıdy?
Qaǵaz aǵashtan, qamystan, sabannan eski qaǵazdy zatty óńdeý arqyly jasalady. Osylardyń ishinde qaǵaz jasaý úshin kóp aǵash paıdalanady. Ol úshin arnaıy quralmen úgindige aınaldyrady. Oǵan sý qosyp shylaıdy. Odan keıin osy qospany tuz qyshqyly nemese arnaıy aǵartqyshpen aǵartyp, úgindini ábden maıdalaıdy. Endi qaǵaz myqty bolyp ári jazǵan kezde sıa jaıylyp ketpes úshin jelim qosady. Sóıtip qospa ábden daıyn bolǵanda arnaıy qural arqyly ártúrli qalyńdatady, juqalaıdy, keptiredi. Eki betin úkkishten ótkizip, tazalap, ábden tegisteıdi. Ártúrli kólemdi orama jasaıdy nemese ártúrli pishinde kesip tutynýshyǵa joldaıdy.
2. Qaǵazdyń qandaı túrlerin bilesiń? Olardy ne úshin qoldanady?
Jazýǵa arnalǵan qaǵazdar, sýret salýǵa arnalǵan qaǵazdar, aq qaǵazdar, oraýǵa arnalǵan qaǵazdar, túrli - tústi qaǵazdar, qatyrma qaǵazdar.
3. Qaǵazdyń qandaı qasıetteri bar?
Qaǵaz - adam qolymen jasalatyn materıal. Onyń ózine tán qasıetteri bar. Ártúrli buıymdar jasaǵan kezde biz onyń qasıetterin bilýimiz kerek. Jyrtylady, búkteledi, ıiledi, ýmajdalady, janady, qıylady.
4. Jaı qaǵazben qatyrma qaǵazdyń qandaı aıyrmashylyǵy bar?
Jaı qaǵaz juqa, jumsaq bolyp keledi, qatyrma qaǵaz berik bolady. Ýmajdalmaıdy.
5. Qatyrma qaǵazdan jasalatyn buıymdardy ata.
Kitap muqabalary, papkalar, dári - dármek qoraptary, azyq - túlik qoraptary
6. Jumysshy syzyqtar degenimiz ne?
Jaı jáne túrli qatyrma qaǵazǵa belgileý jáne olardy qıý jumystaryn oryndaýda qoldanatyn syzyqtardyń shartty belgileri
7. Qaǵazdyń adam ómirindegi mańyzdylyǵy?
Biz qazir ómirimizde qaǵazsyz elestete almaımyz. Kúndelikti ómirde tirshiligimizde eń kóp qoldanatyn zattardyń biri osy qaǵaz, dápter, kitap, gazet - jýrnaldar bolyp tabylady.

Balalar, búgin bizder taqtadaǵy sózjumbaqty sheshsek, qaǵazdan ne jasaıtynymyzdy bilemiz.
Sózjumbaq

- Endeshe búgingi sabaǵymyzdyń taqyryby qaǵazdan jalaýsha jasaý.
Muǵalim: balalar, jalaýshany qaıdan kórip júrsińder?
Oqýshy:
Muǵalim: Jalaýshalar neden jasalady?
Oqýshy:
Muǵalim: Mereke kúnderinde kósheni, bólmelerdi bezendirý úshin qaǵazdan, matadan ártúrli shaǵyn jalaýshalar daıyndalady. Jalaýshalardy jipke tizip ilip qoıady. Ol bólmeler men kóshelerdi sánge bóleıdi. Jalaýshalardy qolǵa ustap júredi.

Qaýipsizdik erejesi:
. Eńbek sabaǵyna arnalǵan ushy doǵal qaıshyny paıdalan.
. Qaıshynyń ushyn joǵary qaratyp ustama.
. Qaıshyny ashyq kúıinde qaldyrma.
. Ekinshi adamǵa qaıshyny saby jaǵymen usyn.
. Qaıshymen qıý kezinde júrme, joldasyńa jaqyndama.
. Jumys sońynda qaıshyny qabyna salyp qoı.
. Jelimdi ıiskeýge bolmaıdy.

Praktıkalyq áreket
Sergitý sáti (mýzyka súıemeldeýimen)
Bala - bala balaqan.
Qane qaısy jalaýshań,
Jalaýshany qolǵa alyp.
Bı bıleıik aınalyp.

Top, top basaıyq,
Jalaýdan kún jasaıyq.
Jasa, jasa altyn kún,
Jasa, jasa jarqyn kún.
Sabaqty bekitý
Muǵalim: búgingi sabaqta qaǵazdan qandaı buıym jasadyq?
Oqýshy: qaǵazdan jalaýsha jasadyq.
Muǵalim: jalaýsha, shar týraly óleń, jańyltpash, jumbaq suraý.
(aýyzsha suralady)
- Balalar búgingi sabaq senderge unady ma?
- Qandaı kóńil - kúıde boldyńdar?
- Balalar óte jaqsy eńbektendińder!
Kórme uıymdastyrý (oqýshylardyń jumysy baǵalanady)
- Sabaq aıaqtaldy, saý bolyńdar!