InfoHub Logo

Sirá, bizdiń aramyzda kez-kelgen ótinishke op-ońaı joq dep aıta alatyn adam joq shyǵar. Kez-kelgen adamda jáı ǵana bas tarta almaıtyn sıtýasıalar bolady.

Jaqyn týysyń senen qomaqty aqsha surap tur, biraq sen telefonyńnyń jańa modeline qyzyǵyp tursyń.

Kúıeýińniń anasy úıine qonaqqa shaqyryp jatyr, biraq sen qurbylaryńmen kezdesýdi bir apta buryn josparlap qoıǵansyń.

Poıyzdaǵy úlken ájeı senen astyńǵy oryndy suraıdy, biraq ol seniń ústingi orynnan qorqatynyńdy bilmeıdi.

Iá, osyndaı jaǵdaılarmen jıi kezdesken kezde, ózimizdi jáı ǵana aqkóńilmiz dep jubatamyz. Alaıda, bul shynymen aqkóńildiliktiń shyńy ma? 

"Joq" - dep aıta almaýdyń birneshe sebepteri bolady:

- Meıirimdi, aqjúrek adam bolyp kóringisi kelý;
- Basqa adamnyń kóńil kúıin túsirip alýdan qorqý;
- Barlyǵyna jaǵymdy bolǵysy kelý;
- Qarym-qatynasty buzyp alamyn ba degen qorqynysh;
Osy sezimderdiń barlyǵy adamdy erkinsizdik pen senimsizdikke alyp keledi.

"Joq" dep aıtýǵa bolady.
Sizdiń bastartýyńyz jáı ǵana ótinishti oryndaýǵa shamańyz nemese ýaqytyńyz joq ekenin bildiredi.

- Maǵan qaryzǵa aqsha bere turshy.
- Joq, bere almaımyn, sebebi dál qazir ol aqsha ózime kerek.

Esińizde bolsyn, adamdarmen tek qana ózińizden artylatyn resýrstarmen bólisýge bolady. 

"Joq" dep aıtýdy aınanyń aldynan bastańyz.
"Keshir, ázirge meniń qolym bos emes"
"Qazir meniń múmkinshiligim joq, biraq oılanyp kóreıin"

Siz bere alatyndaı, kómektiń basqa nusqasyn usynyp kórińiz:
"Saǵan 10 myń emes, 5 myń bere alamyn"
"Búgin qolym bos emes. Kınoǵa erteń barsaq qalaı bolady?"

"Joq" dep aıtýdyń basty erejesi ol - ózińdi kináli sezinbeý!

Iaǵnı, aqyryn-aqyryn osyndaı tásildermen bas tartý. "Joq" dep múmkindiginshe jıi aıtý kerek dep oılamańyz. Eger siz árqashan jáne bárine ońaı bas tartsańyz, siz jalǵyz qalýyńyz múmkin.

Qaldybekova Maıa

---