InfoHub Logo

Bir kúni Napoleon dushpandarynyń áskerinen qashyp kele jatyp, bir dúkenge kiredi de, dúken satýshysyna ózin jasyrýyn ámir etedi. Satýshy ony birden yńǵaıly jerge kirgizip, jasyryp qoıady. Birshama sátten keıin izine túsip júgirip kelgen dushpandaryna: «Biraz ýaqyt buryn bireý bylaı qaraı júgirip ótti, ana jaqqa qashty!» dep aldap jiberedi.

Birazdan keıin artynsha Napoleonnyń sarbazdary jetip keledi. Dúken satýshysy bir ajaldan qalǵan Napoleonnan: «Keshiresiz, myrza, qyzyq bop tur, ólimge osynshama jaqyndaý qalaı eken, ómirińiz qyl ushynda turǵan sátte ne sezindińiz?» dep suraıdy. Napoleon birden ashýlanyp: «Sen ne meni mazaq etkeniń be, menimen bulaı sóılese alatyndaı sen kim ediń?» deıdi de áskerine ony atý jazasyna qoıýyn ámir etedi. Áskeri satýshynyń kózin baılap, dýalǵa arqasyn súıetip turǵyzady. Myltyqtar oqtalyp, tek «Atyńdar» degen buıryq berilý ǵana qalǵan edi. Sol sátte ıyq mańynan bir qol sozylyp kózindegi baılaýdy ashady. Baılaýdy ashqan Napoleon edi. Satýshyǵa bir sóılemmen bylaı dep jaýap beredi:

«Ómirdiń qyl ushynda turǵandaǵy sezim osyndaı bolady!»

---