InfoHub Logo

Úndi jurtynyń bir adamy bir jaqtan úıine qaıtyp kelse, úıdiń qasyndaǵy aǵashtyń basyna keptirýge ilip qoıǵan eti joq. Aǵashtyń aınalasyn ábden júrip, qarap bolǵan soń, oramǵa shyǵyp jolaı daýystap suraıdy:
- Alasa boıly, qolynda qyskantaq myltyǵy bar, sońynda taraq-quıryq kishkentaı ıti bar, biri qart adam kórdińiz be? - dep. Bul kisini árkim kórgen eken, silteýmen baryp taýyp urysyn ustapty-mys. Aýyldas adamdary úndiden «urynyń túsi-túgin qaıdan bildińiz» dep surasypty. Sonda úndi aıtty deıdi:
- Urynyń alasa boıly ekenin bilgenim, meniń qolymmen ilgen etimdi, ol aǵashtan aıaǵynyń astyna tas qoıyp, sonyń ústine shyǵyp alypty. Qart ekenin bilgenim, júrgendegi izinen baıqadym - adymynyń arasy tym jaqyn eken. Myltyǵynyń qysqa ekenin: etimdi urlarda, myltyǵyn aǵashqa súıep qoıǵan eken, sonda myltyqtyń aýzy aǵashtyń kishkene qabyǵyn jyryp ketipti, jer men sol jyrylǵan qabyqtyń arasynan shamaladym. Urynyń qasynda ıti bar ekenin, jáne ol ıttiń ózi kishkentaı, quıryǵy taraq-kuıryq ekenin bilgenim, etimdi urlap jatqanda, ıt anadaı bir kumaıtyraq jerde otyrǵan eken; sonyń qumǵa túsip qalǵan izinen, jáne bylǵańdatqan quıryǵynyń tabynan baıqadym depti-mis.

---