InfoHub Logo

Qara mysyq ıesi sıpaǵan saıyn, súısine kózin syǵyraıtady. Pyr-pyr… Teledıdarǵa kózin ǵana qadap qoıyp, dıvanda otyrǵan qojaıynynyń aldynda búrsıgen qalpy. Pyr-pyr… Úı egesiniń tamyrlary adyraıyp ketken appaq kúrek qoldary basynan janap ótkende, sál eńkeıip, arqasyna qaraı oıysqanda eńsesin kóterip, kelesi sıpalaýdy kútedi. Jetinshi qabattaǵy páterde ekeýi jetimsirep… Qulaqqa qaraı jantalasatyn dybys joq: teledıdar bolar-bolmas mińgirleıdi, joǵarǵy jaǵy sál ashyq plasık terezeden qalanyń daýysy syǵylysyp kirip, talyp estiledi. Úı janýarynyń erkelegeni ǵana anyq. Pyr-pyr… Eki ǵashyqtyń aımalasyp jatqandaǵy diril únine uqsas.

Qara mysyqtyń ermek úshin «oınaı» turatyn tyshqandary joq. Jumyssyz. Ómirdiń beıqam bir tolqynyndaǵy janýardyń júrisi de, turysy da, baıaý. Mańǵazdana aıaǵyn aıqastyra basyp eki bólmeli páterdiń ishin aralap júredi de, qoıady. Esinep, qalǵyp-múlgip… Qarny terisinen shyqqan úlken qara teledıdardyń ústeline bir shyǵyp, art jaǵyndaǵy qýys-qýysyn qaraǵansyp, eki kisilik tósektiń astyn timiskilegensip, vana jaqtan áldene izdegensip, shaǵyn shkaf pen shıfoner jaqtan seziktengendeı, jatady da, sálden soń aınalyp kep, as bólmedegi tońazytqyshqa mıaýlaıdy. Qojaıyn úıde bolǵanda osylaı aldyna jata ketip, jalǵyzdyǵyn tynyshtyqqa aıyrbastaıdy.

Telefony shyryldaǵanda qara mysyq mán bermegensip, kózinashpastan, otyra bergen, alaıda ıesiniń tóbesinen quıryǵyna deıin sıpalaǵan qolyqaıtyp oralmady da, tutqany kóterdi, ári demi jıilep… Qojaıyn emes, baǵynyshty kisishe kóndige basyn ızegensip, áldenege kelisip otyr. Tutqany qoıǵannan keıin,telefonmen sóıleskenge deıingi sabyrmen emes, áldeqaıda asyqqan alaqanymen qaramysyqty shala-pula jalap ótti de, shıfonerden kıimderin aýystyryp, aınanyń aldyna kep, shashyn tarap, qara jempir, qara týflıin kıdi de, esikten attap shyqty. Ádettegishe, qojaıyn sol esikten shyqqan saıyn shyrt-shyrt etken dybys estildi.

Mysyq egesin shyǵaryp salǵan soń, eki-úsh márte terezege sekirip, jaqtaýyna áreń ilinedi de, qalaǵa qarap otyrdy. Tómende kishkentaı-kishkentaı túrli tústi áldeneler ary-beri sap túzep ketip jatyr. Ondaıǵa úırengen janýardyń kózi myna álemnen syrt aınalyp, oıǵa batqan adamsha áınektiń arǵyshetine uzaq telmirip turdy.

***

Qara mysyqtyń ıesi podezden shyǵa bere mújilgen beton baspaldaqqa qara týflıi tıdi de, aýlada otyrǵan eki kempirge bas ızeı amandasyp,turaqtaǵy kóligine bet alǵanda, qulaǵyn kempirlerdiń sózderi qýyp jetti.

— Osy ǵoı, á?

— Iá, osynyń áıeli.

— Áıeliniń júzi jyly, áp-ádemi edi ǵoı.

Qojaıynnyń qýraǵan sarǵysh japyraqtardy syndyrǵan júrisiózgermedi, tipten ishinde de, alaı-dúleı sezim bolmady, óıtkeni daýysty-daýyssyz áripterden quralǵan sózderdi sol kúıi, qalaı estidi, solaı sanasynyń qar aqaltasyna tyǵyp jiberdi. Mıynyń oılap, saralap, saraptaıtyn sahnasynyń artymen bildirtpeı aparyp, kúmp etkizdi. Onyń qaıyry mynada: jol boıy oılanyp, basyqatyp, júregi aýyrmaıdy. Qojaıyn jetinshi qabattaǵy páterine kirgende ǵana oılanady, al podezdten attaǵanda, oı-órisin avtomatty rejımge qoıyp,«qaıtalaý» degen knopkany basa salar edi de, denesin «jumysty bitirýge» jumsaıdy. Qaýmalaǵan, shýlaǵan kólikter, keptelis, radıodaǵy áýen oǵan túk teáser etpeıtin.

Toqsan birinshi jyly zaýyttan shyǵyp, taǵdyr aıdap Qazaqstanǵa kelgen kóligin dyr etkizip otaldyrdy da, abaılap artqa júrip,aınalardan kóz mólshermen eseptep, aýladan úlken kóshege jol tartty. Kóliginiń jyly eski bolǵanymen, ishi-syrty jyp-jyltyr tuǵyn. Radıodan súıiktisiniń mahabbatyn qaıyrshy sekildi qol jaıa suraǵan áldekimniń áni áýelep jatyr. Kóshe ortasynda ıelerin arqalap, nebir sebeptermen qalanyń jan-jaǵyna asyqqantúrli-tústi mashınalar. Jol jıeginde qol sozǵan pasajırlerge asyǵyp, kese kóldeneń shyǵa keletinder de, olarǵa ashýlanyp, sıgnalyn uzaǵynan basyp, kólik terezesiniń arǵy shetinen aýyzdaryn jybyrlata ótkender de, baǵdarshamǵa toqtaǵanda, tóbesindegi jasyl jaryqtyń janýyna sonsha úńilgender de, bıik mashınada otyryp, keleńsizdikterdi elemeıtinder de, mýzykany bar daýysyna qoıyp,tejegishti taqalǵanda basatyndar da, kúıgelektigin shylymmen kúıdiretinder de,bári-bári áldeqaıda ár túrli maqsattyń artynan ergen. Kósheni jaǵalaı ornalasqan trotýardan jaıaý júrginshiler tómen-joǵary aǵylýda. Analarynyń jatyrynan qashypshyǵyp, tabytyna baǵyt alǵan pendeler qala kóshesinde sabylysyp...

Ol jıyrmaǵa tola qoımaǵan boıjetkenge jalǵa bergen páterine jetkenshe úsh kórinisti sanasynyń qara qaltasyna tyǵyp qoıdy. Alǵashqysy baǵdarshamnyń birinde toqtap turǵanda, jol jıegindegi terasada otyrǵan erkekpen áıeldiń tamaqty qomaǵaılana aýyzdaryna tyqpalaǵany. Kelesisi — jaıaý júrginshilerge arnalǵan jolaq joldan qushaqtasa ótip bara jatqan qyz ben jigit, ásirese jigittiń kózindegi jylmysqy jymıys… Sońǵysy — trassanyń oń jaǵyndabaıaý kele jatqan Qojaıynnyń jolyn kesip, qol sozǵan pasajırdi budan qyzǵanǵan kólik júrgizýshisi. Janynan ótip bara jatyp kóz tastaǵan edi, álgi taksısttiń eregesýge daıyn kózqarasy...

***

Kezinde áıeli ekeýi turǵan páterdiń qońyraýyn basqanda, esiktiń arǵy shetinen edendi tabanymen syryp beri qaraı júrgen dybys shyqty. Syrp-syrp… Kiltteıtin jerden shyrt-shyrt… Tánine jabysyp qalǵan qyzyl halattyń ishinde túk joq sıaqty, sebebi úrlenip alǵan keýdesinde kishkentaı eki núkte qyltıyp tur. Iyǵynan sál asatyn sary shashy dymqyl, uıysyp qalǵan. Sap-sary moınynyń jelke tusyndaǵy maıda-maıda balapan shashtary keýip úlgergen.

Qojaıyn odan aldymen sálemdesýdi kútken, biraq ekeýiniń kózi túıiskende baryp oıynan adasyp qaldy, óıtkeni boıjetkenniń janary «aldymda adam tur» dep toqtaǵan joq. Qojaıyn osy qyzdan úshinshi ret baıqady: alǵash páter kiltin bergende, keıin ekinshi aıdyń tólemaqysyn alǵanda da… Myna qyzdyń janary kisige toqtamaıdy. Ien daladan kóz qadaıtyn nárse tappaı turǵan kisishe janary súzip ótedi. Eshteńege bógelmeıdi de. Áıtpese, Qojaıyn osy páterdiń aldyna kelgende óziniń ústemdigin seziner edi, ári osy qyzdyń aldynda turǵan barlyq kvartıranttar onyń aldynda ımenetin. Al myna boıjetken tuzdaı kók kózimen kórmegendeı syńaı tanytady. Tipten Qojaıyn óziniń osy álemde bar ekenine kúmándanyp qalardaı… Quddy bir qyzdyń oıynan qurastyryp alǵan pendesi sekildi. Muhıt tústes kózine batyrady da tastaıdy. Qyryqqa taqaǵan Qojaıyndyda, onyń artynda turǵan dálizdiń qabyrǵasyn da, lazer sekildi tesip ótip, ozon qabatyn oıyp, haostan biraq shyǵatyndaı… İrkilmeıtin kózqaras. Ol ózin Qojaıynqylyp ustaǵandyqtan, aına-kóz ony osy úıdiń egesi retinde ózine shaǵylystyra kórsetýi kerek edi, alaıda kók kózdiń ishinde bári tuıyqtalyp, keskin keriqaıtpaı, jutylyp...

«Beri júr» degendeı, esikti ashyq qaldyryp, boıjetken ózi ájethana men vana jaqqa aıaǵymen edendi syryp bet alǵanda ǵana ol shashyrap ketken oılaryn jınady da, «jumys babymen kelgen Qojaıyn» rejımine aýysty.

Ájethana men vananyń tar bólmesinde ekeýi qysylysa kirgende, qojaıynnyń tabany sýlanyp, jerge qarasa, túıilgen dymqyl sary sharf jatyr eken. Boıjetken birden eńkeıip sary sharfpen edendi asyǵys súrtken boldyda, vanaǵa syǵyp aldy. Kezinde jubaıy kir jaıatyn jyly sý keletin ıreleńdegen kúmis tústes qubyr julynyp túsipti. Janaryna kúmán toltyryp alyp, Qojaıyn «trýbasyndy» dep shaqyrǵan páterdi jalǵa alýshyǵa bir, synǵan qubyrǵa bir qaraǵanda-aq,sary qyz birden túsine qoıdy.

— Tóleımin, — dep qysqa qaıyrdy qyz. Daýysy da jıyrmaǵa tolmaǵan arýdikine uqsamaıdy, salmaqty… Basynan qar arylmaıtyn taýdyń ysqyryq jelindeı ún… Sýyq. Naqty. Ózine senimdi. Eshqandaı áıelge tán uıańdyq, qysylý, qymtyrylý joq, tek jalǵa berýshi men jalǵa alýshynyń arasyndaǵy kelisimshart sekildi qaraıtyndaı. Qojaıynnyń kúdiginen aınalyp ótip...

— Santehnık shaqyrta salmadyńyz ba? — dedi Qojaıyn jyltyr qubyrdy qolyna alyp. Alaıda kók kóz qyz pysyldap demalǵan kúıi tura berdi. Jyltyr temir trýba ystyq sý qubyryna jalǵanǵan jerinen maıysyp, keńip ketkeneken. Ustap salyp kórip edi, qoqyldap tur. Tar keńistikti melshıe pysyldap demalǵan qyzdyń úni súıemeldep… Ýnıtazdyń ishinen shyqqan kishi dárettiń ıisi Qojaıynnyń murnyn qyshytyp… Bir oıy «qubyrdy aýystyrý» degen maqsattan sytylypshyǵyp, dárettiń ashshy ıisin qushyrlana ıiskegisi kep, bar nazaryn shashyp jibermek bop… Osy bir ıistiń ózgesheligi bardaı sezildi me, álde sanasynyń ash Qojaıyndy «erekshe ıis» dep aldaǵany ma?..

— Qazir kelemin, — dep,óziniń oılarynan ózi shoshyp, Qojaıyn mıyndaǵy geolokasıaǵa V núktesi qylyp jaqynmańdaǵy bazardy aldy da, esikten shyǵyp ketti.

***

Bazardan jańa qubyr men kóliginiń bagajynan ploskogýbs, kiltterin alyp, páterge kirgende, jatyn bólmedegi terezeniń aldyna qoıyp alǵan ústeliniń ústinde boıjetken… Arqasy joq oryndyqtan bókseleriniń ortasyn ajıyrylǵan qyzyl halaty kózine birden urdy… Qolyna qaǵaz ben qalam ustap, oıǵashomǵan kók kóz boıjetken buǵan burylmaı, onyń qashan keletinin, qashan ketetinin naqty biletindeı, elemeı otyra berdi.

Onyń demalysy sondaı qatty ma, álde, Qojaıynnyń eki qulaǵy sol jaqta boldy ma, áıteýir, qulaq túbinen pysyldaǵan ún ketpedi. Quddybir úıindegi qara mysyǵy tárizdi… Terezeniń aldynda búrisip alyp…Pysyldap...

Trýbany kiltpen burap, jalǵap jatqanda, kletkalary sólbólip, teri burq etip, tánin dymqyldandyryp jiberdi. Tar bólmeniń aýasy da aınalatyn jer tappaı onyń murnyn aınalshyqtap júrgendeı… Kirip-shyǵyp… Dárettiń ıisi men terdiń ıisi aralasyp, qulqynnyń qylyn shertkensıdi. Esteliktermen eliktirgisi kep, áıelimen osy páterdegi eski kórinisterdi kózaldyna ákepqoısyn… Biraq, Qojaıyn ol oılardyń bárin mıdyń qara qaltasyna tyqpashtap jatyp, trýbany jalǵady da, qural saımanyn jınap, dárethanadan shyǵyp, sol melshıgen kúıinen tanbaǵan qyzǵa qarata:

— Jeti myń! Kelesi aıdikimen qosa esepteımin, — dep, áıeline qatysty estelikteri bar páterden qashyp bara jatty.

***

Esigin ashqan kezde mıaýlap qara mysyq kútip otyr eken. Tabaldyryqtan attap basa sala, jumyspen ketken kisiniń keıipin úıinde qaramysyǵy bar, ajyrasqan erkekke aýystyrdy. Ári álemniń kindiginde turǵandaı ózinerkin sezinip… Osy núkteden qalanyń ár baǵytyna tartyp kete beredi, bastapqysyda, sońynda oralatyny da — osy páter. Bar jaýapkershilikti esiktiń syrtynatastap ketkendeı… Mamyrajaı kúıden tas-túıin bolǵan mıyndaǵy qara qaltabirtindep ashylyp… Beıne bir qumyrsqanyń ıleýindeı, biraq birte-birte qujynaı bastaıtyn tárizdi. Aq paraqqa tamyp ketken sıadaı jan-jaǵyna jaıylyp… Podezden shyǵa bergendegi eki kempirdiń retsiz áripteri mozaıka sekildi qurastyrylyp kirgen qulaqtan qaıtadan syrtqa shyǵyp, aýaǵa ilinetindeı. «Osynyń áıeli ketip qalypty», — dep pe edi, álde, «balaly bola almaǵan soń ketipti» degen be edi?..Qara qaltanyń qýysynda burynǵy áńgimelerdiń áripteri qalyp qoıyp, qazir birge shyǵyp jatyr ma, túsiniksizdeý, alaıda ol bárin aqtaratyn… Mıaýlaǵan mysyǵynyń buryshtaǵy ydysyna asyn salyp jatyp, aýladaǵy kempirlerdiń sózderin sanasynda shaınap… Súıemeldep, baıaý oınap turatyn fon mýzyka sekildi qosyp qoıyp…«Barlyq áıel ana bolǵysy keledi ǵoı»… «Múmkin, másele kúıeýinde emes shyǵar»...

Meńireıgen qalpy gaz-plıtaǵa sháıin qoıyp, tońazytqyshtan shujyq pen irimshikti alyp, jylt-jylt ete jalańdaǵan pyshaǵymen týrap, býfetten nandy ústelge ornalastyryp… Óziniń ash qarnyn ózi toıdyrmaq bolyp… Páterdegi áıeldiń de, erkektiń de rólin jalǵyz akter oınap júr...

— «Eger onyń ary taza bolsa, úıge talasar edi ǵoı», — deıdi oısha, onysy — kempirlerge bergen jaýaby, onyń ústine ol sezimderin syrtqa eksporttamaıdy, osylaı óz-ózin qamtamassyz etetini bolmasa.

Ysqyra qaınap, tógilýge shaq qalǵan sháýgimge qarap, ájethanaǵa kirgisi keldi. Ýnıtazǵa kózdep, shoryldatyp jatqanda murnyna sary jyly sýdyń ıisi jetkende baryp, jalǵa bergen páterdegi ıistiń budan ózge ekenin túsindi. Ári, bul taqyrypty ázirge jabyq qalpynda qaldyrý úshin, ájethanadan tezirek shyǵyp, qolyn jýyp, tamaqtanatynyn asyǵys oılaı bastady. Tamaq ishken soń, teledıdardy qosyp alyp, dıvanda mysyǵynyń qasynda jatsa...

***

Kúndiz kókte jalǵyz kún bolǵandyqtan oılary da jınaqylaý sıaqtanatyn, kesh bata yrjyń-yrjyń etetin alystaǵy jypyrlaǵan juldyzdar syqyldy Qojaıynnyń da oılary bir mezette san-saqqa alyp ushar edi. Kóptiń kózine kóringisi kelmeıtin oılary oıanyp… Terasada tamaqtanyp otyrǵan erkek pen áıeldiń, jolaq joldan qushaqtasa ótken qyz ben jigittiń, álgi taksısttiń ortaq nársesin izdep bir oı jolǵa attandy, onymen qatar áıeliniń bosanyp-bosanbaǵanyn joramaldap ekinshisi ketti, quıryǵyna basyn tyǵyp alyp, janynda pyryldap jatqan mysyǵyna tıgen alaqandarynan taǵy bir oı tutanyp… Mıyna tapsyrma berip qoıyp, oılaryn jaıyp jiberip, ózi dıvanda shalqasynan jatyr. Jalǵa bergen páterdegi álgi ıisti ańsaǵan bir oıy timiskilenip júrip, edende jatqan sary sharf pen synǵan trýbaǵa jetkende, jan-jaqqa saǵym qýyp ketken sanasy bir toqtamǵa kelip, bári tynyshtala qaldy. Synǵan qubyr men sary sharfty eshkimdi, eshteńeni misetutpaıtyn kók kózimen baılanystyryp alyp kelip, naqty bir toqtamǵa taqaldy da, Qojaıyn ornynan atyp turdy. Maýjyraǵan qara mysyq eki qulaǵyn tikireıtip, dıvanda áp-ádemi birge jatyp, aıaq-asty apyl-ǵupyl kıingen egesinen kóz almaı qarapturdy. Iesi syrtqa bettegende, artynan tura umtylyp, júgirgen edi, esik shyrt-shyrt etti. Qara mysyq qarańǵy bólmede terezeniń jaqtaýyna ekinshi ret sekirgende ilinip, maıda-maıda sarǵysh jaryqtar qaptaǵan qalaǵa qarap otyrdy.

***

Jalǵa berilgen páterdiń arendatoryn asylyp turǵan qalpynda kórýge degen daıyndyǵyn Qojaıyn esiktiń aldynda turyp bir qaıtalap aldy da, ekinshi kiltpen shyrt etkizip, ashty. Bólmeniń jaryǵy sóndirýli bolǵanymen, kósheniń sarǵysh jaryǵy terezeden talyp tógilip, úı ishi alakóleńke. Aıaǵynyń ushymen dárethana men vana jaqqa júrip, moınyn soza qarap edi, ishinen jaryǵy janyp tursa da, esigi jabyq ekenin baıqady. Esik pen jaqtaýynyń kirikpeı qalǵan jerinen sáýlesi qysylyp jarqyraıdy. Mysyq tabandap kep, shıqyldaǵan esigin tyǵylyp ashty, áıtkenmen daıyndalyp kelgeni beker bolyp shyqty, kók kóz qyz tek jaryqty óshirýdi umytqan sekildi. Biraq esiktiń ashylýymen birge tar bólmeden ishi pysqan ýnıtazdaǵy ashshy ıis qara mysyqtyń egesiniń murnyna jantalasa kire jóneldi. Álde, Qojaıyn qattyraq ıiskedi me, joq álgi ıis dárethanany alyp kettime, beımálim, biraq qushyryn qandyryp jiberdi. Ókpe men tanaýdyń arasyn túgel toltyryp tastaǵandaı… Aıaq kıimin sheshpegen qalpy, bildirtpeı jatyn bólmege endi. Kórpeniń astyndy pysyldap jatyr. Úıindegi pyryldap uıyqtaıtyn qaramysyǵyna uqsap ketti me, áıteýir súıkimdi bir sát… Shalqadan túsip… Biraq boıjetken sondaı jınaqy, beıne bir oıanyp ketse, ne isteý keregin anyq biletin kisishe…Aýzy da, kózi de tars jumýly, tiginen tik qatyp qalǵan. Eki qolyn asqazanynyń ústine aıqastyra asyp qoıyp...

Iis… Álsin-álsin… Alystan talyp jetedi… Qojaıynǵa qyzyq bolǵany — ashyq qaldyrǵan dárethanadan kelip jatyr ma, joq kórpeniń astynan ba?.. Vana jaqqa eńkeıip bir-eki márte murnymen soryp kórip edi, onsha bilinbeıtin sekildi, baıaý eppen burylyp, kórpege betin taqap, ıis izdegeni sol-aq eken, kórpeniń ishinen áldene jybyr etti. Qojaıynnyń kózi jetkeni — ıistiń qaınar bulaǵy matanyń astynda eken, ári dárethanadaǵydaı ashshy emes sıaqtyma?.. Bólek, dese de, uıqas… Kórpege qaıtadan basyn jaqyndatqanda, kóz qıyǵymen qyzdyń bet-álpetin ańdyp… Murnyna ıisti magnıtshe tartqanda, taǵy da kórpe astynan áldene jybyr etti de, qyzdyń oń janary syǵyraıyp ashylyp ,Qojaıynǵa syǵalaı bir qarady da, lezde tars etkizip juma qoıdy. Eshteńege bógelmeıtin kóz gaýhar tastaı jylt etip… Tómen jaqta timiskilenip júrgen qyryqqa taıaǵan erkekke kóz-sáýlesi tireldi, beıne bir mıllısekýndtarda sharftan izdegen ajalyn páter egesiniń qushaǵynan kórgendeı… Pysyldaǵan qyzdyń úni endi uıqydaǵy arýdiki emes, bóten erkekten jasqanǵan qorǵansyz qyz balanyń qorqynyshyna aınalyp… Súıkimdilik jantúrshigerlik úreıge boıalyp… Qojaıynnyń mańdaıynan sýyq ter burq ete qaldy. Lap berip… Eger qazir boıjetken atyp turyp, shyńǵyratyn bolsa, jańa salynǵan qubyrǵa sary sharfpen asylǵan qyzdy polısıa taýyp alyp, sýısıd dep qylmystyq isti jaba salýǵa bolady degenlek-legimen aǵylǵan oılaryn tejeı almaı...

Bul oqıǵany tirideı mıyndaǵy qara qaltasyna saldy daǵy, qyzdyń oıaý ekenin ańǵarmaǵansyp, tabanynyń ushymen oqıǵa ornynan qashyp shyǵyp, dálizben aıaq-qoly dirildeı baspaldaqqa bet alǵanda, shyrt-shyrt degen esik kilttegen dybysty estidi.

***

Tabaldyryqtan attaǵanda qara mysyq kire beriste eki qulaǵyn tikireıtip muny kútip otyrǵanyn kórdi de, tamyrlary adyraıǵan dir-dir etken qolymen menshigindegi janýardy búıirinen ustap kóterdi de, temir qara esikten shyǵaryp jiberdi. Mysyqpen birge Qojaıyn degen mártebesi de syrtta qalǵandaı… Esikti shyrt kilttegende jol boıy tógilýge shaq qalǵan qara qaltasyndaǵy oılary bosap shyǵyp, úıdiń ishine jaıylyp ketti. Jan-jaqtan shýyldasyp… Alǵash ret syrtqa shyqqan qara mysyqtyń mıaýlaǵany qara temirdiń arǵy shetinen emis-emis...

Aýladaǵy eki kempir onyń jeke ómirin ajaldary jetkenshe talǵajaý etip, terasada otyrǵan ash erkek pen áıel adam etin jeýge bilekterin sybana daıyndalyp, jolaq joldaǵy jigit qushaǵyndaǵy qyzdyń senimin shyńǵyrta zorlap, jolaýshyny qyzǵanǵan taksıst kózi qantalap, pyshaq ala júgirip… Tiri qalý úshin bárine daıar adamdardyń arasynda anadaıda bópesin qushaqtap, ómirge ǵashyq kózderimen jáýteńdep eks-áıeli tyǵylyp tur. Bóten erkegi baryn bilgen kúngideı kózderi aıanyshty… «Meni jibershi, ótinemin, maǵan senen eshteńe kerekemes. Eki úıge de talaspaımyn, eshteńeniń qajeti joq. Tek renjimeı, meni jibershi» degen myna álemnen baqyt izdegen janaryna móldirep qana jas tolyp…Maıda-maıda tastary anyq kórinetin bulaq ispetti. Dál sol sátte áıeliniń ómir súrýge degen qulshynysynyń quny bunyń búkil ǵumyrynan qymbatqa túskeni, ári mánderiniń quldyraýyna ákep soqqany sanasyn torlap...

Kózi qaraýyta bergende, ómir úshin kúreste birin-biritaptap jatqan qara qaltasynan shashylyp túsken adamdardyń ishinen mysyq sekildi timiskilenip, sary sharfpen asylyp ólgen jıyrmaǵa tolmaǵan qyzdyń etin ıiskelep júrgen ózin kórdi daǵy...

Mıaýlaǵan mysyqtyń únin báseńsitken temir esikke súıenip turyp, quıryǵyn jerge urdy. Tars etken dybys bul páterde sońǵy ret qashan shyqqany, belgisiz edi. Qushyrlana ıiskegish murnynan sý aǵa bastady. Tizesin qushaqtaǵan tamyrlary adyraıǵan qoldaryna jurtty jatyrqaǵysh bir tamshy jas aǵyp tústi. Eki… Úsh… Kómeıinen qusyq sekildi beıtanys jabaıy bir ún tógilip, qystyqqan óz dybysynan ózi shoshyp, kisi óltirýge daıyn oılaryn kórshileri bilip qoıardaı, aýzyn lezde alaqanymen jaba qoıyp, tunshyǵa qyńsylaı jóneldi. Dirildegen alaqany sál ashyla qalsa, óksik qashyp shyǵyp, joǵary jaǵy jartylaı ashyq turǵan plasık terezeden ótip, qalanyń shýylyna ilese ketedi.

---