InfoHub Logo

Bolashaq bizdiń kim jáne qalaı ómir súretinimizdiń kepili. Alaıda, durys alǵa umtylý úshin eń aldymen baǵyt  qajet. Bizdiń bolashaqqa qadam basýdaǵy eń basty maqsatymyz bilimdi, jan-jaqty damyǵan tulǵa bolyp qalyptasý. Bilim -óshpeıtin shyraq. Saǵat saıyn jańaryp jatqan zamanda bilim sapasynyń alar orny erekshe. Osy jolda tek elimizde ǵana emes, álemdik arenada ózin tanyta bilgen erekshe bilim ordasy – Ál-Farabı atyndaǵy QazUÝ. İri tulǵalarmen qatar qazirde mansaby órge domalaǵan bilikti mamandarda dál osy Ál-Farabı atyndaǵy QazUÝ túlekteri ekendigi kez-kelgen jas býyndy qýantary sózsiz. Sebebi, árbir stýdenttiń, árbir jas býynnyń armany óz eliniń damýyna úles qosa alatyn bilikti maman, betke ustar tulǵa bolyp qalyptasý.

Búginde bilim ordasynyń baǵyndyrǵan shyńdary jeterlik. Quacquarelli Symonds (QS) bedeldi halyqaralyq reıtıńtik agenttigi júrgizgen táýelsiz baǵalaý qorytyndysy boıynsha ál-Farabı atyndaǵy Qazaq ulttyq ýnıversıteti joǵary baǵa alyp, «QS Stars Rating System» halyqaralyq reıtıńisinde «Bes juldyz» joǵary marapatyna ıe boldy. QazUÝ – «Bes juldyz» marapatyna ıe bolǵan Ortalyq Azıa aımaǵyndaǵy alǵashqy jáne jalǵyz joǵary oqý orny.

Shyǵys Eýropa jáne Ortalyq Azıa elderi boıynsha QS World University Rankings (QS World University Rankings EECA 2020) reıtıńinde QazUÝ 16-oryndy ıelendi. Brıtandyq "Times Higher Education" agenttiginiń zertteý nátıjeleri boıynsha QazUÝ 1001-1200 pozısıasyn saqtap qaldy, Asia University Rankings reıtıńinde 401-500 - oryn, THE Emerging Economies rankings-351-400-oryn, the Impact Rankings reıtıńinde-801-1000 oryndy ıelendi.

Eń ekologıalyq ýnıversıtetterdiń "UI Green Metric Ranking of World Universities" jahandyq reıtıńinde ýnıversıtet 212-shi orynǵa ıe boldy. 

Ál-Farabı atyndaǵy QazUÝ quramyna 16-fakýltet, 32- zertteý ǵylymı ınstıtýty kiretin bilim ordasynda barlyq qajettilikter qamtamasyz etilgen. Qazirde QazUÝ aýmaǵy qala ishindegi ǵajaıyp qalashyq. Stýdenttik ómirdiń qyzyǵyn sezindirý maqsatynda árbir stýdent óz qabiletin kórsetip, damý úshin túrli uıymdar qurylǵan. Stýdentter birlese ártúrli is-sharalar uıymdastyryp, tipti elimizge paıdasy tıetin bastamalardy da qolǵa alýda. 

Ómir súr, úıren, iske asyr- Ál-Farabı atyndaǵy QazUÝ urany osy. Iá, osy jolda jastardyń bilim alý jolynda  kásibı oqytýshylardyń, tájirbıesi mol ári bilikti profesorlardyń eńbegi zor. Bul meken jastardyń arman júzege asatyn ǵajaıyp orta.

Bilimdiniń sózimen buzý ońaı tordy da,

Aqyl sózdi sińirseń, joǵalmaıtyn sol mura!, - dep Mahmýd Qashqarı bilim men aqyldyń kúshin bir aýyz sóz arqyly jetkizgendeı. Shynymen, bilim alýdan, bilimdi bolýdan eshqashan bas tartpaý qajet. Sebebi, búgingi bizge berilgen bilim alý múmkindigi erteńimizdiń negizi. QazUÝ- ómirlik sabaqtar, qyzyqty sátter, erekshe estelikter men naǵyz bilimniń mekeni.

Elge eńbegi sińgen talaı dúldúlder, asa kórnekti ǵylym men mádenıet qaıratkerleri bilim alǵan kıeli qara shańyraq Ál-Farabı atyndaǵy QazUÝ-dyń keleshegi kemel bolary anyq. Óziniń ımıjin qalyptastyryp qana qoımaı, álemdik arenada ózin tanyta alǵan bul ordanyń árbir shákirtiniń bolashaǵy jarqyn. Elimizdiń damýy men nyǵaıý jolynda berip jatqan árbir rýhanı bilimmen mol tájirıbeni júzege asyrý árbir stýdent paryzy.

Ashatov Ákejan Ibragımuly
Ál-Farabı atyndaǵy QazUÝ
Ekonomıka jáne Bıznes Joǵary Mektebi
"Esep jáne aýdıt" mamandyǵynyń  4-kýrs stýdenti
Jetekshi: aǵa oqytýshy  Isaeva A.A.

---