InfoHub Logo

Qajymuqan arada eki-úsh aı ótkizip, Smaıyl men Jamaldyń Isabekti paıdalanǵan qarymtasyn qaıtarýdy oılap, jol tabady. On, on eki jastar shamasyndaǵy Esalyny (balýannyń inisi Eskermestiń balasy) shaqyryp alyp:

— Balam, Smaıyl men Jamalǵa bar. Biraq abaıla... Esikten ishke en de: «Apamdy sabap jatyr. Óltiretin boldy-aý.. Júrińdershi, aǵalar!» dep, ótirik jylaǵan bolyp, esikten dereý shyq ta, úıge qaraı júgire ber, — dep balany jumsaıdy.

Kóp uzamaı Smaıyl men Jamal da esikten apyl-ǵupyl ishke enedi. Sóıtse, balýan tonynyn oqtaýmen sabap jatqanyn, al Minaıdyń (Qajekeńniń áıeli) kúbide maı shaıqap turǵanyn kóredi. Ekeýi de ótkendegi qarymtany eske túsirgende:

— Áı, balýan-aı, seni eshkim ázildep jeńe almas, sirá, — degende Qajekeń keńk-keńk kúledi.

---