InfoHub Logo

— Sálemetsiz be, myrza, quzyryńyzǵa quldyq! Qalaı kún kórip jatyrsyń deısiz be? Qudaıǵa shúkir. Áıteýir tyrpyldap júrip jatyrmyn ǵoı. Jármeńkeden jármeńkege, bazardan bazarǵa júgiremin... Jas bolsa qyryqqa taıap qaldy - tynym tappaı bezektegenimdi kórip myqty eken dep oılap qalmańyz. Janymdy saqtaıtyn baspanamnyń baryna da qudaıǵa razymyn - ózegim talyp, óleıin dep jetemin, áıteýir óz úıim ǵoı... biraq ol da qaıbir jetisip tur deısin, shynymdy aıtsam, tiri pendeniń basyna salmasyn, jalǵyzdyqtan jarylyp kete jazdaımyn. Slobodkanyń tirshiligin ózińiz bilesiz: qapyryq ystyq, qurǵaqshylyq, kún de batyp bermeıdi... Úı bolsa qańyrap tur, qatyn ólgen, balalardy da o dúnıege attandyryp jibergem, jalǵyz sheshem ǵana qalqaıyp júr. Biraq sońǵy kezde ol da syr bere bastady: shama ketken, aıaǵyn zorǵa súıretedi, qulaq kereń, kóz kórmeıdi, esten aıyrylyp aljyp otyr, júdegeni sonshalyq, dep qazir tabytqa sala salsań da sıa ketedi. Kezinde qandaı áıel edi deseńizshi! Kórik deseń kórki bar, ajary aıdan appaq! Al qazir dym da joq, syrǵaýyl bop qaldy.

---