InfoHub Logo

Qazaqta birinshi balany ata-ájesiniń qolyna berip tárbıeleý, burynnan kele jatqan salt. Bul saltty qazir bireý burys dese ekinshisi durys dep jatady. Ata ájesiniń qolynda ósken bala olardy ata anasyndaı kórip, qurmetteıtin bolady. Bala jastaıynan, ómir kórgen adamdardyń qolynda ósken soń, oıy da túzý bolmaq. Kóp qazaq balalary aýylda, atalary men ájeleriniń qolynda tárbıe kórgennen keıin olardy qurmetteýdi, paryz retinde kóremiz. Al ósken soń qalaǵa kelip bilim alyp, damýǵa talpynýǵa tyrysý úshin olardy qaldyryp ketip jatamyz. Sol sebepti kóp qarttar ózderi jalǵyz qalady. Kóp jaǵdaıda olardy balasy da, nemeresi de umytyp, kórispeı ketedi. Bul olar úshin óte aýyr soqqy. Olardyń jastary úlken bolǵan soń, aýyryp bir zeınetaqy ǵa ómir súredi. Qazaqstandaǵy áıelder zeınetkerlikke 58 jastan, al erler 60 jastan bastap shyǵady. Oǵan deıin olar jumys istep, óz nandaryn tabýyna týra keledi. Zeınetaqy dárige, azyq túlikke jáne úıge tóleý úshin tipti jetpeı jatady. Sol sebepti dalada qysy, jazy demalmaı gúl, kıim, kókónis satyp aqsha taýyp otyratyn qarttardy jıi kóremiz. Bul qoǵamnyń durys jumys istemeıtinin dáleldeıdi. Qazaqstanda 67 den kóp qarttar úıi bar, jáne ol jerde 12 myńnan astam qarttar ómir súredi. Búl kórsetkish jyl saıyn kóbeıip jatyr. Ol kisilerde amal joq. Bunyń bárin ózgertý úshin, biz bir memleket bolyp úlken jumys jasaýymyz kerek. Mysaly eń tómengi zeınetaqy 100-150 myń arasynda bolyp, balalarǵa qarttardy qurmetteýdi 1 synyptan bastap úıretip, qarttarǵa kómek deıtin uıymdar kóbirek ashylyp, ómir súrý jaǵdaıyn jasap bersek, ol kisilerge de bizdiń elde turý baqyt bolar edi. Bul máselege kóbisi mán bermıinshe, qazir bolyp jatqan jaǵdaı jalǵasa bermek. »Úlkenge qurmet, kishige izet» demekshi, biz ol kisilerge barsha qumetimizdi kórsetip, jaǵdaı jasap berýimiz kerek. Sebebi olar bizdi osy dárejege jetýimizge kómektesti. Bizdiń jastar dep maqtana alatyndaı, el bolýymyz bolashaqqa mańyzdy.

Zeken Aıdana

---