InfoHub Logo

Qarttarym, aman-saý júrshi

Bı «Shahrızada»
1-júrgizýshi
Ótkizgen shákirtimen qys jazdaryń
Kóp pe eken aıtar bizge muń nazdaryń
Eńbegimen bólengen nur alǵysqa
Armysyzdar! Ardager ustazdarym!

2-júrgizýshi
Dúnıege keler bir ret
Darıa keýde taý – músin
Quryshtaı kúıgen qudiret
Qarttarym, aman –saýmysyń?
1-júrgizýshi
Ózderiń bolsań janynda
El ishi jomart, eńseli
Dán ısi sińgen qanynda
Dalamnyń bir-bir bólshegi

2-júrgizýshi
Ardagerler ardaqty asyl jandar
Shákirtimen mereıi tasyǵandar
Bilimniń sáýlesi mol nur kóshinde
Shýaq bop, shapaǵat bop shashylǵandar, –deı otyryp keshimizdi ádemi ánmen ashqaly otyrmyz.
Aýdandyq «Baldáýren» baıqaýynyń jeńimpazy Tursyn Sanjardyń oryndaýynda «Altyn ana» ánin qabyl alyńyzdar.

1-júrgizýshi
Búgingi merekelik keshtiń quttyqtaý sózin mektebimizdiń basshysy Isaev Qorǵanbek Ramazanulyna beremiz.
2-júrgizýshi
Kelesi kezekte qobyzdan halyqaralyq «Kúnshýaq» festıvaliniń laýreaty atanǵan Ábdikarımova Jalǵasgúl Erlanqyzyn ortaǵa shaqyramyz. Oryndalatyn shyǵarmasy «Ilıgaı»
1- júrgizýshi
Ustazdyq pen shákirttik adam balasy ara-qatynasynyń eń abzal, eń maǵynaly, eń mándi túri. Shákirt boıyna qýat, janyna janyǵan jiger bireýden esh aıanbaǵan ardager ustazdarymyzdyń ustazdyń qasıetti jas býyndaǵy ustazdar úshin úlgi bolatyndyǵy aıqyn .

2- júrgizýshi
Asa qurmetti ardager ustazdar, sizder qandaı dja syı- qurmetke bolsa da laıyq jansyzdar. Sizderdiń ónegeli ómir joldaryńyz búgingi urpaqqa qaıtalanbas úlgi.
Qadirli ardager ustazdar, qazirgi ásem bılerimiz sizderge arnalady.

1-júrgizýshi
Nur júzinen jyly shýaq tógilgen
Shákirtterin súıgen taza kóńilden
Taǵylym berip jas urpaqqa qashan da
Óz soqpaǵyn tapqan mynaý ómirden

2-júrgizýshi
İzgilikti on boıyna jınaǵan
Shákirtterge jan jylýyn syılaǵan
Tárbıelep jańa adamyn Otannyń
Ardaqtysy bolǵan eldiń muǵalim

1-júrgizýshi
Shákirtterdiń tyńdap jazyp, suraǵyn
Jas synaǵa tógip bilim shýaǵyn
Hat tanytyp, jol siltegen ómirge
Barsha jurtqa qurmetti ol muǵalim.
Shákirtterin eline abyroıly, halqyna syıly, adal, shynshyl azamat etip shyǵaramyn dep, ár shákirtin aıalap ósirip, ómir atty sheksiz ǵalamǵa topshasyn qataıtyp eńbek etken ardager ustazdarymyzǵa alǵysymyz sheksiz. Osyndaı halyqtyń ystyq yqylasyna bólenip, eńbek etken ardaqty ustazdarymyzǵa zor densaýlyq otbasylaryna amandyq tileımiz.