InfoHub Logo

Battal Dınara Anýarovna
"Taran aýdany ákimdiginiń bilim bóliminiń Apanov negizgi mektebi" MM
Bastaýysh synyp muǵalimi

Elimizde engizilgen tótenshe jaǵdaıǵa baılanysty, qashyqtan oqytýdy qolǵa aldyq. Bilim basqarmasy, mektep ákimshilikteri, ádistemelik birlestik jetekshileri, ustazdar bilim berý salasynda buryn-sońdy bolyp kórmegen jańa oqytý júıesine kóshý úshin oqýshylardy oqý jylynyń bastalýysmen, úzdiksiz daıyndyq jumysyn júrgizdi. Bilim salasy túrli platformalardy elekten ótkizdi. «Bilimland. kz», «Kundelik. kz, «Daryn. online»-men burynnan tanyspyz. Buǵan qosa, biz Google Classroom, Zoom, Skype, Moodle, Opiq. kz, ClassDojo syndy  jańa platformalardy da zerttep úlgerdik. Árıne, elimizde mundaı tótenshe máseleler týyndaıtyndyǵyn eshkim kútken joq. Kópbalaly otbasylar men áleýmettik az qamtylǵan otbasylardyń balalarynda, tipti keıbir muǵalimderdiń ózinde qashyqtan oqytý úshin noýtbýk, kompúter joqtyǵy máselesi de kóterildi. Jas mamandarymyzdyń, páterde júrgen muǵalimder men ata-analardyń bul qurylǵylardy satyp ala qoıatyn qarajaty da bola bermeıtini ras. Bul másele de óz  sheshimin tapty. Kópbalaly otbasylar men áleýmettik az qamtylǵan otbasylardyń balalarynyń jaǵdaıymen tanysyp, mektepterdegi kompúterler oqýshylarǵa jáne muǵalimderge qoldanysqa berildi. Áýlıekól bastaýysh mekteinde de muqtaj oqýshylar men muǵalimder kompúter, qajettiliktermen qamtamasyz etildi. Internet máselesi de sheshildi. Huawei 4g router taratyldy. Osyndaı úlken daıyndyqpen oqý jylyn bastap ta kettik. Muǵalimder úshin de jańa júıege kóshý ońaıǵa túspedi. Daıyndyq kezinde qolymyzda sıqyrly taıaqsha bolǵanda ár muǵalimniń júreginen «Qashyqtan qalaı sabaq ótkizemin?» degen bir ǵana suraqty oqýǵa bolar edi. Materıaldyq másele sheshimin tapqanmen, kún tártibinde «aldaǵy toqsandy qalaı bastaımyz?» degen suraq turdy. Túrli usynystar jasaldy. Jaz mezgiline qaldyrý kerek degen pálsapalar da aıtyldy. Árıne, qansha adam bolsa, sonsha pikir bolýy zańdy. Desek te, qazirgi kúrdeli jaǵdaıǵa qarap, bilim berýdi  keıinge qaldyrýǵa bolmaıtyny anyq. Bilim jáne ǵylym mınıstrligi ata-analar men muǵalimderdiń kókeıindegi saýaly kóp suraqtyń sheshimin taýyp berdi. Ońtaıly platformalardy elekten ótkizý maqsatynda synama sabaqtar ótkizildi. Osy ótkizilgen synama sabaqtar elimizdiń onlaın bilim berý júıesine kóshý úshin áli biraz daıyndyq jumystary kerektigine kóz jetkizdi. Al qashyqtan oqytý júıesiniń formaty onlaın bilim berýden bólek. Qashyqtan oqytý – ata-analar men oqýshylar úshin de, muǵalimder úshin de tıimdi júıe. Qashyqtan ótkiziletin sabaq 40 mınýt kóleminde júrgiziletin sabaq emes, onyń formaty bólek. Qashyqtan oqytýdyń onlaınnan aıyrmashylyǵyna Bilim jáne ǵylym mınıstri Ashat Aımaǵambetov tikeleı efırde ótkizgen brıfıńte eki tilde óte saýatty túsinik berdi. Sondaı-aq muǵalimderge tıimdi tásilderdi qoldanýdy usyndy. Iá, bul oqý jylyda birinshi  toqsan  da ádettegiden ózgeshe bastaldy. Bilim jáne ǵylym mınıstri Ashat Aımaǵambetovte óziniń bir sózinde árbir mektep sabaq ótkizý prosesinde qandaı platformany qoldanatynyn ózi sheshetinin aıtqan bolatyn. Bul rette vedomstvo basshysy: «Bizde qashyqtan oqytý júrgiziletin birneshe ınternet-platforma bar. Birinshiden, ol – Kundelik. kz. Oqýshylardyń, balalardyń jáne ata-analardyń basym kópshiligi bul júıeni biledi. Ekinshi platforma – Bilimland. kz. Úshinshisi – Daryn. online jáne basqa júıeler. Biraq, negizinen, biz osy platformalardy qoldanatyn bolamyz. Bul platformalar – onlaın-oqýdy uıymdastyrýǵa arnalmaǵan. Olarda daıyn beınesabaqtar, mýltımedıalyq resýrstar bar. Atalǵan ınternet-platformalar barlyq ǵylymdar men pánder boıynsha qajetti bilimdi alýǵa múmkindik beredi», – dedi. Árıne, kez kelgen jańa istiń óz qıyndyǵy bolady. Rasynda, biz ınternet jyldamdyǵynyń kedergisin synama sabaqtarda sezindik. Zoom-men ótken jınalysymyzda biraz ata-analar men oqýshylar qosyla almaı qınaldy. Osylaısha, biz Zoom-men kúnde sabaq ótý múmkin emestigin baıqadyq. Sondyqtan, mınıstr aıtqan ınternet-platformalar oqýshylarmen sabaq ótkizýde tıimdi bolary anyq.

Máselen, Kúndelik. kz – eń basty quralymyz. Bul platforma – eshkimge  jańalyq emes, offlaın bilim alý kezinde de kúndelikti qoldanylǵan júıe. ⠀

Bulardan bólek, WhatsApp, Telegram arqyly tapsyrmany jiberý, qabyldaý tıimdi. Vıdeosabaqtar siltemesin de osy messendjerlerge jiberýge bolady.

Buǵan qosa, «Elarna», «Balapan» telearnalarynda da aptasyna 5 kún  beınesabaqtar kórsetiledi.

Al telearnadaǵy beıne sabaqtardyń sapasyn aldaǵy ýaqytta saralaıtyn bolamyz. Osynyń barlyǵy – kemel keleshegimizdiń tutqasy shákirtterimiz úshin jasalyp jatqan ıgi áreketter. «Kósh júre túzeledi» degen dana babalarymyz. Qıyndyqty odan qashý arqyly emes,  kúresý arqyly jeńemiz.

Bilim berýdiń tıimdi tusy anyqtaldy. Sansyz esepter men tekserýlerge de mınıstr tyıym saldy. Bul degenimiz – ustazdar úshin jasalyp otyrǵan jaǵdaı. Muǵalimder men oqýshylar arasyndaǵy keri baılanysty qalyptastyrýdyń negizgi quraly – ınternet. Ol úshin ınternet jyldamdyǵy durys bolýy tıis. Endigi aıtar ótinishim, elimizdegi ınternet jelileriniń jyldamdyǵyn taǵy da kúsheıtýge kúsh salynsa eken.
Búgingi oqýshy – kemel keleshegimizdiń tiregi. Al sol oqýshylarymyzdy qandaı qıyn jaǵdaıda bolsaq ta, bilimmen qarýlandyrý – bizdiń mindetimiz. Qaı zamanda da ustazdar qaýymy jańalyqtyń jarshysy, lokomotıvi bolǵan. Jańartylǵan bilim júıesine de úırendik, elektrondy jýrnalǵa da tóseldik. Endigi kezekte shákirtterdi qashyqtan oqytýǵa barymyzdy salýǵa tıispiz. Offlaın sabaq berip daǵdylanǵan ustazdar úshin bul ońaıǵa túspesi anyq. Jańa júıege tóselýge týra keledi. Tek nıet bolsa,bolǵany.

Shákirt taǵdyryna, el bolashaǵyna beı-jaı qaramaıtyn ustazdar qaýymynyń bul qıyndyqty da eńseretinine kámil senimdimin. Óıtkeni biz, ustazdar – myqtylardyń myqtysymyz.

Osy sátti paıdalanyp, ata-analarǵa da ótinish aıtqym keledi. Bala – bizge ortaq. Oqýshynyń óz betinshe úıde bilim alýyna, jaýapkershilikti sezinýine, oqýǵa yntasynyń,artýyna múmkindik jasaıyq.

Qurmetti ustazdar men ata-analar, bul qıyndyqtan yntymaǵy jarasqan el retinde birlese shyǵamyz dep senemin.

---