InfoHub Logo

Ádebıet 7 synyp
Sabaqtyń taqyryby: Qasym Amanjolovtyń «Ózim týraly» óleńi
Sabaqtyń maqsaty:
Bilimdilik: Qasym Amanjolovtyń ómiri men shyǵarmashylyǵy jaıynda maǵlumattar berý, aqyn tiliniń ereksheligin tanytý, óleńniń mán - maǵynasyn ashý;
Damytýshylyq: STO strategıalaryn paıdalana otyryp oqýshylardyń óz betimen jumys isteı bilýin, óz oıyn erkin aıtyp jetkize bilýin, oı - órisin, oılaý qabiletin, shyǵarmashylyq izdenisin damytý;
Tárbıelik: Aqynnyń óleńi arqyly oqýshylardyń týǵan jerin, týǵan tili ana tilin qurmetteýge, adamgershilikke, adam boıyndaǵy asyl qasıetterge tárbıeleý;
Sabaqtyń túri: Jańa bilim berý
Sabaqtyń ádisi: Túsindirý, syn turǵysynan oılaý, taldaý jasaý, óz pikirin qorǵaý.
Sabaqtyń kórnekiligi: Q. Amanjolov ómiri jaıly vıdeo, slaıd.
Pánaralyq baılanys: Qazaq tili, mýzyka
Sabaqtyń barysy:
Uıymdastyrý kezeńi
Oqýshylarmen sálemdesý, nazarlaryn sabaqqa aýdarý, synypty túgendeý.

İ. Úı tapsyrmasyn suraý, pysyqtaý
Oqýshylar, biz ótken sabaqta Isa Baızaqovtyń «Quralaı sulý» poemasyn óttik. Endeshe, úı tapsyrmasyn pysyqtap alaıyq.
Taqtadan «Quralaı sulý» poemasynyń kompozısıalyq jospary kórsetiledi. Sol boıynsha sújettik damýdyń ár kezeńine bir - bir oqýshydan toqtalyp aıtyp ótedi.
Oqıǵanyń bastalýy: Elge syıly Oıbas Qypshaq Montaı bı.
Oqıǵanyń damýy: Montaıdyń Kelden baımen kezdesýi.
Oqıǵanyń shıelenisýi: Kelden baıdyń jan balasyna ashpaǵan syryn ashýy.
Oqıǵanyń sharyqtaý shegi: Qalmaqtyń Seıqyn hanynyń qyzy Quralaımen kezdesýi
Oqıǵanyń sheshimi: Keldenniń Quralaıdan aırylýy.
Isa Baızaqovty biz kim dep tanımyz?
Ol qaı ǵasyrda ómir súrgen?
Biz aldyńǵy sabaqtarda HH ǵasyrdyń aqyn - jazýshylarynan kimderdi óttik?
- Al, búgingi sabaǵymyz HH ǵasyrdaǵy aqyn - jazýshylarymyzdyń ishindegi ózindik orny bar, týǵan halqynyń sóz óneriniń tórinde «órtke tıgen daýyldaı» jyrlarymen máńgi oryn tepken, daýylpaz aqyn – Qasym Amanjolov jaıly bolmaq.

İİ. Maǵynany taný
1. Qasym Amanjolovtyń ómiri men shyǵarmashylyǵy jaıly vıdeo kórsetiledi.
2. Slaıd arqyly otbasymen tanystyrý

İİİ. Mátindi ıgertý
1. «Ózim týraly» óleńin mánerlep oqyp shyǵamyn.
2 Túrtip alý ádisi boıynsha oqýshylar túsiniksiz sózderdi túrtip otyrady (jasyq, bir mezet, tymyrsyq túnek, bulqyna, shartarap sózderiniń maǵynasy túsindirilip ótedi.)
3. Oqýshylar bir - bir shýmaqtan oqyp shyǵady.
Toppen jumys
1 - top Ekinshi, úshinshi baǵandardy toltyrý 1. Óleńdegi negizgi máseleler 2. shýmaqtary 3. tarmaqtary
Óz jaıly
Ómir men ólim týraly
Aqyndyq, onyń maqsaty
Bolashaqqa ósıet

2 - top Aqynnyń poetıkalyq tiline taldaý jasaý
Teńeý, epıtet, metaforalardy tabý
Óleń shýmaqtary boıynsha óz túsingenderin qara sózben jetkizý.
1 - top
Óleńnen úzindi
Ómir joq túsken jerde bir arnaǵa,
Kóp kúttim, kóp tiledim qumarlana.
Qaıteıin, jeter emes qysqa ómirim,
Alystan kóringenmen qumarlana

Meniń túsinigim:
Aqyn armany sheksiz, biraq sol armanyn júzege asyrýǵa ýaqyt jetpeıtindigin, óziniń ómiriniń qysqa bolatyndyǵyn sezgendigi baıqalady.
2 - top
Óleńnen úzindi
Qasymmyn, sol baıaǵy bir Qasymmyn,
Baqytyn oılamaımyn qur basymnyń.
Tymyrsyq túnek bolsań – dushpanyńmyn,
Aq kóńil adal bolsań – syrlasyńmyn.

Meniń túsinigim:
Aqynnyń keń peıil, jaıdary minezin baıqaımyz. Aqtyqty, adaldyqty súıetin ózi de pák aqyn dep bilemiz.
Óleń joldaryndaǵy uqsastyqtar, úndestikter.
1 - top: Abaıdyń «Ólse óler tabıǵat, adam ólmes» degen oıymen Qasym óleńindegi qaı joldar úndesedi.
2 – top: Muqaǵalıdiń «Shań basqan arhıvterden tabylarmyz» degen oıymen Qasym óleńindegi qaı joldar úndesedi.

İÚ. Bilimdi bekitý:
1. Óleń «Ózim týraly» dep atalsa da, aqyn tek ózi týraly tolǵaǵan ba?
2. Ózi arqyly taǵy qandaı máselelerdi kótergen?
3. Óleńde qandaı kóńil - kúı basym?
Ú. Qorytyndylaý. Qasym Amanjolov – ózi aıtqandaı eliniń erke aqyny. Qansha ǵasyr, qansha jyl ótse de solaı bolyp qala bermek! Az ǵana ǵumyr keship ádebıetimizge zor úlesin qosyp ketken daýylpaz aqyndy bizder máńgi jadymyzda saqtaımyz jáne maqtan tutamyz!
Úİ. Úıge tapsyrma: «Ózim týraly» óleńinen úzindi jattaý.
Óleńdi oqı otyryp aqynǵa minezdeme berý.
Úİİ. Bilimdi baǵalaý. Oqýshylardyń sabaqqa aralasýyna, jaýaptaryna qaraı baǵalap ótý