InfoHub Logo

Júsipqalıdy sot jaýaptap: — Qane, aty-jónińdi aıt! — dep qatty jekıdi. Sonda Júsipqalı:

— Qaraǵym, sýdıa, qaı atymdy suraısyń? Ákemniń qoıǵan aty — Júsipqalı, halyqty, eldiń qoıǵan aty — Qarakesir. Al, ókimettiń qoıǵan aty — Jıyrma segiz, — degen eken.

Sot isi aıaqtalyp, uzaq jylǵa is kesildi. Sot keıbir dokýmentterge «qol qoı» dep qatqyl buıyrǵanda Júsipqalı biraz kidiripti. Sottyń tóraǵasy óte qatal adam bolsa kerek. Aqyryp- jekire bastaǵanda Júsipqalı:

— Shyraǵym, qalamyńdy shoshańdatpaı, jerge qoıa turshy? Seni men meni kóterip turǵan qara jer, el adamdaryn, alashtyń azamattaryn naqaq, qarabet etip jazyp otyrǵan seniń qalamyńdy da kóterer, — degen eken.

 

---