InfoHub Logo

«Universitas21» halyqaralyq ýnıversıtetter júıesi ótken jylǵy zertteýlerdiń qorytyndysyn shyǵardy. Ol qaı elde bilimdi jaqsy beredi jáne aqyldy jastar qaı elde kóbirek turatyndyǵyn anyqtaýǵa arnaldy.

Amerıkalyq ǵalymdar men ETS beıresmı uıymy bilim deńgeıi boıynsha amerıkalyq jastardyń aldyna jan salmaıtyndyǵyna qaramastan qazirge jas urpaqtyń bilimi taıazdyǵyn moıyndap otyr. Ásirese olar matematıkadan nashar jáne ony óz ómirinde qoldana almaıdy.

Zertteý kórsetkendeı, jer betinde eń paıdasy joq jastardyń deni Amerıkada ótken ǵasyrdyń 80-shi jyldary dúnıege kelipti. Álemniń 22 elinde, onyń ishinde Soltústik Amerıkadan Azıaǵa deıingi elder qamtylǵan aýmaqta júrgizilgen taldaý osyny kórsetken. Al, matematıkany ómirde qoldaný jaǵynan AQSH artta qalyp qoıypty. Italıa men Ispanıa da sońǵy kórsetkishterdi ıemdengen.

AQSH Bilim mınıstrliginiń derekterine qaraǵanda eldiń eresek 32 mıllıon turǵyny sanaýdy múlde bilmeıtin kórinedi. Bul el halqynyń 14 paıyzy. Osylaısha árbir amerıkalyq ádebı shyǵarmalardy 5 synyp oqýshylarynyń deńgeıinde oqıtyn bolyp shyqqan. Soǵan qaramastan álemniń ondaǵan úzdik ýnıversıtetteri AQSH-ta ornalasqany qyzyq. Prınston, Garvard, Massachýsets sekildi bilim ordalary elıtaǵa arnalǵan. Mysaly Garvardta oqý úshin jylyna 60 myń dollar qajet. Bul basqa da qajettilikke jumsalatyn 20 myń dollardy qospaǵanda. Sondyqtan da bolar nesıe alyp oqıtyndar jıi kezdesedi.

Al, eń aqyldy jastar Japonıada turady. Bul elde oqý aqyly, talap basqa. Bilim alý qymbat bolǵanymen (aıyna 7-8 myń dollar), soǵan saı oqıtyn jastardyń talabyna ETS mamandary da tańǵalǵan. Japondarmen jarysqan fınlándıalyqtar ózgelerge qaraǵanda jastarǵa jaqsylyq jasaýdan aıanbaı keledi. Óıtkeni - oqý tegin.

Shveısarıa men Danıada da bilim berý jaqsy damyǵan. Al Qazaqstandaǵy bilim berýdiń qandaı deńgeıde ekendigin ózderińiz baǵalańyzdar.