InfoHub Logo

Sabaqtyń taqyryby: Qaıtalaý. Qosý men azaıtýdyń jazbasha tásilderi
Sabaqtyń maqsaty: úsh tańbaly sandar qurý, olardy qosý jáne azaıtý tásilderi týraly bilimderin qorytyndylaý jáne alǵan bilimderin tanys jaǵdaıda qoldana bilý.
1. Uıymdastyrý kezeńi. Sabaqtyń maqsatymen tanystyrý.
Búgin sabaqta sender qosý men azaıtý amaldaryn oryndaý týraly bilimderińdi qaıtalaısyńdar. Jetistikke qol jetkizem deseń sabaqta beriletin barlyq tapsyrmalardy oryndaýǵa tyrys. Sabaq sońynda árqaısyń óz bilim deńgeılerińdi tekserińder.
2. Tirek bilim, bilik, daǵdylaryn belsendirý.

1. Tómende berilgen sandar qataryn qalaı tártipke keltirýge bolady? «Artyq» sandar qaısysy jáne olar nege «artyq»?
10, 20, 30, 40, 55, 60. (55 - dóńgelek san emes)
1, 7, 14, 21, 27. (1 sany 7 - ge bólinbeıdi)
12, 23, 341, 48, 55, 67, 76. (341 - úsh tańbaly)
24, 11, 13, 15, 17, 19, 12. (24 - eki ondyq)

2. «Kompúter» dıdaktıkalyq oıyny túrinde aýyzsha esepteý,
Oıynyń maqsaty: oqýshylardyń esepteý daǵdylaryn jetildirý.
Muǵalim oıynnyń eki nusqasyn usynady: a) taqtada mysaldar
tizbegi berilgen, balalar sońǵy nátıjeni tabady jáne kartochkalardyń kómegimen jaýaptardy kórsetedi; á) muǵalim mysaldar tizbegin oqıdy, balalar aýyzsha eseptep, jaýabyn kórsetedi nemese birneshe bala aýyzsha jaýap beredi, sonan keıin tekserý júrgiziledi.
a) 450 - 50 + 2 + 18 - 40 + 500
á) 799 +1 - 300 - 5 - 90+10
6) 900 - 800 + 1 + 99 - 40 + 5
Taza jazý mınýtyn uıymdastyrý úshin 3, 4, 5 sıfrlarynan sandardyń barlyq múmkin núsqalaryn qurastyrýdy tapsyrý (345, 354, 435, 453, 534, 543).
- Eń kishi sandy ata.
- Eń úlken sandy ata.
- 3 júzdik jáne t. b. bolatyn sandardy ata.
№1, №7 tapsyrmalardy toppen nemese júnnen oryndaýǵa bolady.

3. Ótken materıaldarmen jumys.
№2 tapsyrmany oryndamas buryn suraq - jaýap jumysyn júrgizý kerek:
- Qosý (azaıtý) kezinde sandar qalaı atalady?
- Qosý (azaıtý) nátıjesi qalaı atalady? Daıyndyǵy tómen balalarǵa tirek syzba usyný kerek: Qosylǵysh + qosylǵysh = qosyndynyń máni. Azaıǵysh - azaıtqysh = aıyrmanyń máni.

№2 tapsyrmany balalar oqýlyqta berilgen úlgi boıynsha
oryndaıdy, ony taqtada túsindire otyryp jasaýǵa bolady.
№3 jáne №4 tapsyrmalar qosý jáne azaıtýdy tekserý amaldary týraly bilimderin qaıtalaýǵa baǵyttalǵan. №3 tapsyrma aýyzsha oryndalady. №4 jattyǵýdy ýaqyt boıynsha shyǵarýǵa bolady.

№5 (a) tapsyrmany oqýshylar óz betterinshe oryndaıdy, sońynan tekseriledi. №5 (á) tapsyrmany esep sharttaryn jan - jaqty taldaýdan bastaǵan jón.
- Tapsyrma ne týraly? Qandaı oqýlyqtar týraly? Qazaq tili, matematıka oqýlyqtary týraly ne bilemiz? Dúnıetaný oqýlyǵy nesheý boldy? Shartyn jazýdy syzba nemese qysqasha jazba túrinde oryndaýǵa bolady.
Ana tili - 89 o.
Matematıka - 112 o.
Dúnıetaný -? o.
Tapsyrmalardy túrli tásildermen oryndaǵan jón.

№7 tapsyrmada keste boıynsha túrli órnekter qurýǵa bolady.
Mysaly:
(700+ 30)+ 60
(700 + 30) + (600 - 20)
(700 + 30) + (360 - 80)
(700 + 30) + 150
Synypta osy kestelerdi paıdalana otyryp, birneshe tapsyrma
oryndaýǵa bolady, al qalǵan órnekterdi balalar úıde qurastyryp, sheshýi kerek.
№8 logıkalyq tapsyrma aýyzsha oryndalady.

4. Úı tapsyrmasy. №7 keste boıynsha túrli órnekter quryp, balalar №8 tapsyrmaǵa uqsas tapsyrma qurýy tıis.
5. Sabaqty qorytyndylaý.
- Sabaqtyń maqsaty qandaı boldy? Sabaqtyń maqsatyna jettińder me? Sabaqta ne qıyndyq keltirdi? Ne jeńil boldy? Ótken taqyrypty durys qaıtalaý úshin óz dostaryńa qandaı tapsyrmany usynasyńdar? Jumystaryńdy óz betterińshe baǵalańdar.