InfoHub Logo

Taqyryby: «Analarǵa myń alǵys!»
Barysy:
Júrgizýshi: Armysyzdar aq jaýlyqty ájeler, ardaqty da aıaýly analar! Merekelerińiz qutty bolsyn! «Aqqý» toby búldirshinderiniń «Analarǵa myń alǵys!» atty merekelik erteńgiligine qosh keldińizder!
Mýzyka yrǵaǵymen uldar zalǵa kirip, jarty sheńber bolyp turady.
Júrgizýshi: balalar búgin analardyń merekesi ǵoı. Bári daıyn ba? Eshkim keshikken joq pa? Áne qyzdar da kele jatyr! Qarsy alaıyq!
Mýzykamen qyzdar keledi.
Júrgizýshi: qarańdarshy bizdiń qyzdarymyz qandaı ádemi bolyp ketken.
Uldar qyzdarǵa basyn ıip, gúl beredi. Uldar taqpaq aıtady.
Ramazan:
Meni jaqsy kóredi
Kúndeı kúlip keledi.
Kóp ertegi biledi
Maǵan aıtyp beredi.
Nurjan:
Analardy súıemiz
Sózin oıǵa túıemiz
Ájeni de ardaqtap
Ádeppen bas ıemiz.
Jeńisbek:
Álpeshtegen balasyn
Ana baqyt, ana kún
Árkim súıip óziniń
Maqtan eter anasyn
Abdýlla:
Jamandyqtan saqtandyryp
Jaqsy isimdi maqtan qylyp,
Mápelegen aq mamamdy
Júrsem deımin shattandyryp.
Júrgizýshi: bizdiń uldarymyz qyzdarǵa tosyn syı daıyndap qoıypty. Bizge qonaqtardy shaqyrypty. Balalar olardy shaqyramyz ba?
Balalar: ıa
Zalǵa eki saıqymazaq keledi.
Júrgizýshi: Sálemetsińder me, saıqymazaqtar!
Birinshi saıqymazaq: sálemetsińder me! Meniń atym Tılı Vılı. Men senderdi quttyqtaýǵa sonaý Amerıkadan keldim.
Ekinshi saıqymazaq: al meniń atym Vılı Tılı. Mende senderdi quttyqtaýǵa keldim. Biz qazir mereke boıy senderdi kúldirip, kóńil kúılerińizdi kóteremiz.
Saıqymazaqtar túrli akrobatıkalyq nomerdi kórsetpekshi bolady. Biraq qoldarynan kelmeıdi.
Júrgizýshi: Qoı Vılı Tılı. Sender qazir jaraqattanyp qalasyńdar. Odanda bizdiń balalarymyzdyń ónerin tamashalańyzdar.
Án: «Aq ájem» Jumat Abdýlla
Janel:
Ár sózimdi jattaǵan
Júregimde saqtaǵan
Anashym dep maqtanam
Aınalaıyn aq mamam
Aıbek:
Men muǵalim anamnyń
Ónegesin alamyn
Erteń mende anamdaı
Oqytýshy bolamyn.
Bekzat:
Aınalaıyn anashym
Álpeshtegen balasyn
Emip ósken bóbekpiz
Anamyzdyń mamasyn
Mereı:
Shashymdy órip taraǵan
Qabaǵyma qaraǵan
Úlken kishi demeıdi
Syılaıdy ony bar adam
Baljan:
Meniń Ájem meıirban
Meni jaqsy kóredi
Qajetine jarasym
Jas balasha kúledi.
İńkár:
Anam meniń ádemi
Anam meniń tiregim
Anam meniń júregim
Anamdy men súıemin
Birinshi saıqymazaq: qandaı jaqsy balalar. Ónerli eken. Taǵy da tyńdaıyqshy.
Júrgizýshi: joq Tılı Vılı. Biz merekemizdi jalǵastyraıyq.
Osy kezde gýildegen bir dybys estilip, mystan bıkesh keledi.
Mystan bıkesh: munda ne qylǵan mereke bolyp jatyr? Sender nege máz bolyp jatyrsyńdar?
Júrgizýshi: sen kimsiń? Nege merekege kedergi jasaısyń?
Mystan bıkesh: men mystan bıkeshpin. Mystan kempirdiń jalǵyz súıikti nemeresimin.
Ekinshi saıqymazaq: al mystan kempirdiń ózi qaıda?
Mystan bıkesh: ol zeınet demalysynda. Men endi onyń ornyn basyp, barlyq merekelerdi buzamyn. Senderdiń de merekelerińdi buzamyn. Qaıtyńdar mereke bolmaıdy.
Júrgizýshi: qalaısha? Balalar búgin analaryn merekesimen quttyqtaýǵa keldi ǵoı. Sen odanda balalardyń ónerin tamashala.
Mystan bıkesh: balalardyń qandaı óneri bar?
Júrgizýshi: bizdiń balalardyń óneri kóp. Olar án aıtyp, bı bıleıdi, taqpaq aıtady.
Mystan bıkesh: jaraıdy kórsem kóreıin.
Bı: «Balapandar»
Anel:
Balanyń da tiregi
Dananyń da tiregi
Shanshymasyn eshqashan
Analardyń júregi
Ajar:
Shaı qaınatyp bereıin
Sheker salyp jan ájem
Ózim quıyp bereıin
Baldaı tátti jan ájem.
Aısha:
Ana kórki kógimniń
Ana nury jerimniń
Ana baǵy balanyń
Maqtanyshy elimniń
Dılnara:
Meniń ájem, gúl ájem
Altyn ájem kún ájem
Anam úshin, men úshin
Naǵyz ana tili ájem
Arý:
Búgingi kóktem kúninde
Barlyq adam qýanar
Analardy meırammen
Quttyqtaıdy balalar
Dınara:
Ananyń biz gúlimiz
Ana bizdiń kúnimiz
Ulandardy qýantyp
Uzaq ómir súrińiz
Júrgizýshi: mystan bıkesh saǵan unady ma?
Mystan bıkesh: oı balalar bıleriń men taqpaqtaryń qandaı tamasha! Maǵan unady. Mende ájem mystan kempirdi osylaı quttyqtaýym kerek eken ǵoı. Men endi soǵan keteıin. Senderge rahmet. Maǵan osyny túsinýge kómektestińder.
Osy kezde ortaǵa bir bala shyǵyp: «Endeshe mystan bıkesh myna gúldi bizdiń balalardyń atynan mystan kempirge aparyp ber»
Mystan bıkesh: rahmet senderge balalar! Saý bolyńdar!
Mystan bıkesh ketedi.
Júrgizýshi: mystan bıkeshtiń túsingeni qandaı jaqsy boldy. Endi merekemizdi jalǵastyraıyq.
Án: «Apataıym anashym» Nýrıdın Baǵdáýlet
Jansulý:
Ájem meniń áli de
Uqsamaıdy kárige
Shaı qaınatyp beredi
Qajet bolsa bárine
Aısana:
Óziń meni ósirgen
Aınalaıyn aq ájem
Tentek bolsam keshirgen
Shóldediń be dana ájem
Ásem:
Meniń ájem jyr ájem
Ul men qyzdyń baǵy ájem
Ertegi aıtap ber deseń
Aıtap berer taǵy ájem
Farıza:
Anashym dep maqtanam
Aınalaıyn aq mamam
Qasıet:
Búgin naýryzdyń segizi
Sulýlyqtyń segizi
Ádemi sóz adamnyń
Anaǵa aıtar lebizi
Erdos:
Sene ósken balalar
Batyrlar men danalar
Quttyqtaımyz meırammen
Qurmetti analar!
Birinshi saıqymazaq: qandaı tamasha balalar!
Júrgizýshi: Tılı Vılı búgin analar men qyzdardyń ǵana meıramy emes sonymen qatar ájelerimizdiń de meıramy. Bizdiń balalarymyz ájelerine jyly sózderin aıtqysy keledi eken.
Oıyn: ortaǵa eki áje shyǵyp oryndyqqa jaıǵasady. Al nemereleri ájelerine jetem degenshe ájelerine arnaǵan jyly sózderin aıtyp baryp, bastaryna oramal taǵady.
Móldir:
Meniń ájem bul ájem
Aıtqan sózi dál ájem
Aman bolsa kóredi
Qyzyǵymdy áli ájem
Aqbala:
Meniń ájem nar ájem
Kóp jasaǵan kári ájem
Aýyrǵanda men úshin
Ár súıgeni dári ájem
Nurlybek:
Ájem órnek teredi
Syrmaq syryp oıýlap
Basy aýra beredi
Shaı ishpese qoıýlap
Birinshi saıqymazaq: jaraısyńdar balalar! Balalar meniń senderge kórsetetin bir sıqyrym bar. Bir gúldi qorapqa salyp: «qazir osy gúl basqa túske boıalady». Shyǵarsa boıalmaıdy.
Ekinshi saıqymazaq: sen bilmeısiń. Sıqyrly sózder aıtý kerek qoı. Balalar qandaı syıqyrly sózder bilesińder?
Balalar: Fokýs – mokýs
Birinshi saıqymazaq: qarańdarshy balalar gúl kámpıtterge aınalyp ketti.
Balalarǵa kámpıtter tarqatylyp beriledi.
Júrgizýshi: osymen bizdiń merekemiz aıaqtaldy. Qymbatty da aıaýly analar! Merekelerińiz qutty bolsyn! Denderińiz saý, kóńilderińiz shat bolsyn, árqashan aman bolaıyq. Saý bolyńyzdar!