InfoHub Logo

Men Ózbekstan Respýblıkasy Tashkent qalasynan kelgen qazaq azamatymyn. Aty jónim Aqylbekova Balnur Toǵyzbaıqyzy.

Mektep bitirgennen keıin túlekter aldynda olardyń ómirindegi eń mańyzdy sheshimderdiń biri - oqý ornyn tańdaý tur. Árbir adam óz mamandyǵyn sanaly túrde tańdap, bolashaqta kim bolǵysy keletinin ózi úshin sheshýi kerek. Men de elimizdiń jáne basqa da memleketterdiń barlyq joǵarǵy oqý oryndaryn uzaq saraptadym, meniń nazarym ál-Farabı atyndaǵy Qazaq ulttyq ýnıversıtetine toqtady.

Bul mekeme kóp jyldyq oqý jáne ǵylymı jumys tájirıbesine baı. Ál-Farabı atyndaǵy QazUÝ Qazaqstannyń joǵarǵy oqý oryndarynyń bas reıtıńisiniń kóshbasshysy bolyp tabylady. El tarıhynda tuńǵysh ret Qazaqstan Respýblıkasy Prezıdentiniń "Sapa salasyndaǵy jetistikteri úshin" syılyǵynyń laýreaty, qyzmetteriniń sapasy jaǵyndaǵy jetistikteri úshin Táýelsiz Memleketter Dostastyǵy syılyǵynyń dıplomanty IQNET Halyqaralyq sertıfıkasıalyq júıesiniń iri álemdik sertıfıkattaý ortalyqtarynyń kýáligin aldy.

Men qazirgi tańda ''Stomatologıa'' fakúltetiniń 1 kýrs stýdentimin. Menimen birge shetel azamattary da bilim alady. Túrkmenstan, Túrkıa, Qazaqstan stýdentterimen birge oqý, tildesý, pikir almasý óte qyzyqty. Shetelden kelgen stýdentterge kóp jeńildikter bar.

Meniń tańdaýym Ál-Farabı atyndaǵy Qazaq ulttyq ýnıversıteti boldy jáne de men Stomatologıa mamandyǵyna tústim. Osy ýnıversıtetti tańdaǵanyma esh ýaqytta ókinbeımin.

QazUÝ – talantty, daryndy stýdentterdiń basyn biriktirip otyrǵan meken. Syılastyq pen shynaıy dostyqtyń mekeni, QazUÝ – ǵashyqtardyń mekeni. QazUÝ – adamnyń tulǵa bolyp qalyptasýyna yqpal etip, tulǵanyń jan-jaqty qabiletin ashyp kórsetýine múmkindik beretin meken. Sol sebepti de, QazUÝ stýdenti bolý ómirdiń úlken sáttilikteriniń biri dep sanaımyn. QazUÝ – adamnyń tulǵa bolyp qalyptasýyna yqpal etip, joǵarǵy bilimdi jáne oı órisi keń, básekege qabiletti maman bolý úshin jastardyń jan-jaqty qabiletin ashyp kórsetýine múmkindik beretin qutty meken.

Ózbekstannan kelgen stýdent Aqylbekova Balnur Toǵyzbaıqyzy 1 kýrs 

Medısına jáne densaýlyq saqtaý  fakúlteti Stomatologıa mamandyǵy

Aǵa oqytýshy Qaıraqbaeva Gúlnaz Soltanǵazyqyzy

---