InfoHub Logo

Qazaq qyzy – náziktik pen sulýlyqtyń belgisi
Maqsaty:
• qyzdarǵa psıhologıalyq daǵdarysta kómektesý, syrlasý;
• qyzdarymyzǵa tán náziktik, sulýlyq, uıańdyq, ıbalylyq, sypaıylyq, ádemilik, iskerlik, sheberlik, rýhanı baılyq, aq nıet, súıispenshilik, namysy, qaırat jigeri, bárinen de ar tazalyǵy tán. Osyndaı qasıetterdi qyz bala sanasyna jetkizý.
• jastardy erkin sóıleýge, pikirin ashyq bildirýge beıimdeý

Qazaq qyz balany - tirshiliktiń tiregi, álemdegi izgiliktiń altyn dińgegi, jaryq dúnıedegi ádemilik pen sulýlyqtyń táńirisi dep baǵalaǵan.
Sondyqtan, qyz balanyń tárbıesine erekshe kóńil bólgen. Tárbıeli, bilimdi qyz - qoǵamymyzdyń baǵa jetpes baılyǵy.

Qyzdarymyzdyń asyl qasıeti, jan - dúnıesi názik, adal mahabbat ıesi bolǵandyǵyn, dáýletke, baılyqqa, jıhazǵa qyzyqpaǵandyǵyn jyr - dastandardan bilemiz. Qazaq qyzdary mahabbat atty asyl sezimdi aıyryqsha qasterlep, aıalaǵan. Súıgen adamymen qol ustasyp birge júrse, tipti qatyqsyz qara kóje isshe de baqyttymyn dep, ómirge rıza bolǵan.

Al, qazir jasyratyn ne bar, buryn dástúrimizde bolmaǵan súreńsiz jaǵdaılar boı kórsetýde. Mektep qabyrǵasynda júrgen birsypyra qyzdarymyz jarassyn - jaraspasyn denelerin jartylaı jalańash qaldyratyn kıimder kıip, qymbat áshekeıler, altyn taǵyp, bet - aýyzdaryn boıap, ózderiniń ınabattylyǵy men sypaıylylyǵynan, jastyq jarasymdyǵynan aıyrylady. Tabıǵattyń ózi jan dúnıesin sulý, názik, meıirman etip jaratqanyna mán bermeıdi. “Jastyqtyń ózi jastyǵymen ádemi” degendeı, jas qyzdardyń, onyń ishinde mektep jasyndaǵylardyń ózderi - aq qyrdyń qyzyl gúlindeı ásem de kórikti ǵoı. Tabıǵat bergen kórik pen symbattylyqtan artyq jasandy dúnıeniń keregi ne?

Qazaq qyzy qandaı bolýy kerek: ultjandy, qaısar, tárbıeli, názik, namysshyl, sypaıy, baýyrmal, janashyr, adal, bilimdi, kókiregi oıaý, sanaly, súıkimdi, mahabbatta, dostyqta adal, burymdy, ınabatty, symbatty, kórikti, jan - jaqty oılaı alatyn eline, jurtyna, dostaryna árqashan qamqor bola alatyn qyz, naǵyz qazaq qyzy.

Halyq arasynda boıjetken qyzdy ajaryna qaraı jetige bólgen:
• Ádemi qyz - bappen sóılep, bıazy kúlip, jaqsy - jamannyń jónin bilip turatyn;
• Kórikti qyz - isti úıirip, sóılese buıyryp, baýrap alatyn, birden kózge túse qoımaıtyn;
• Shyraıly qyz - kóz janary ótkir, bet - álpeti bal-bul janǵan, dene bitimi shymyr;
• Sulý qyz - sózi ótkir, ózi pysyq, óreskeldikti súımeıtin, bolmashyǵa pisip - kúımeıtin, kelbetti;
• Arý qyz - bet pishini, dene músini kelisken, sózi sypaıy, ózi ádepti, suńǵaq boıly, tereń oıly;
• Ajarly qyz - dene bitimi jınaqy, tyǵyrshyqtaı, sózi salmaqty, isi tıanaqty;
• Ásem qyz - júzi jyly, ózi uıań, denesi názik.

Qyzǵa qyryq úıden tyıym
Túske deıin uıyqtaýǵa tyıym,
Burańdap qylymsýǵa tyıym!
Tamaqty obyrlana asaýǵa tyıym,
Urlyq - qorlyqqa tyıym.
Salt - dástúrden attaýǵa tyıym,
Urys - keriske tyıym.

Qyzdar osy tyıym sózderdi ár ýaqytta esten shyǵarmańdar!
Aryn jalaý etip, janyn alaý etip jaýǵa attanǵan el batyrlary Otanymyzdyń baıtaq jerin, aq sút bergen anasyn, pák kúlki shashqan balasyn, parasatty danasyn qorǵady. Osy ádilet jolynda qasyq qanyn qıyp urys dalasynda erlikpen shaıqasqan batyr qyzdarymyz ben qaharmandarymyz árqashanda el esinde, olardy eske alyp, qurmet kórsetý bizdiń paryzymyz.

Qaıta kelmes ózenniń tolqynyndaı,
Qaıtalanbas alaý ottyń jalynyndaı!
Qaıta týmas qazaqtyń darasyndaı,
Qazaqta qaısar qyz bar dál osyndaı!