InfoHub Logo

Orta ǵasyrlardaǵy Qazaqstan tarıhy 7 synyp
Sabaqtyń taqyryby: Táýekel han (1582 - 1598 j. j.)
Sabaqtyń maqsaty:
Bilimdilik: Otan tarıhynan súbeli oryn alar tarıhı tulǵalardyń biri – Táýekel hannyń 16 jyl el tizginin ustaǵan ýaqytyndaǵy Qazaq ordasynyń ishki - syrtqy saıasatyndaǵy rolin túsindirý;
Damytýshylyq: Oqýshylardyń sabaqqa degen qyzyǵýshylyqtaryn arttyrý, óz oılaryn aıtýǵa jeteleý, oılaý qabiletterin damytý;
Tárbıelik: Táýekel hannyń taǵlymy mol tarıhı tulǵasy arqyly ultjandylyqqa, otansúıgishtikke tárbıeleý;
Sabaqtyń túri: aralas
Ádisi: aýyzsha baıandaý, suraq - jaýap, ár túrli zıatkerlik tapsyrmalar, kartamen jumys
Kórnekiligi: ınterbelsendi taqtany paıdalaný, elektrondy oqýlyq, karta

Sabaqtyń barysy:
İ. Uıymdastyrý kezeńi
Oqýshylarmen sálemdesý, túgendeý.
Oqý quralyn tekserip túgendeý
Oqýshylardyń zeıinin sabaqqa aýdarý.

İİ. Úı tapsyrmasyn tekserý.
1. Qazaq handyǵy qashan jáne qaı jerde quryldy?
2. Qazaq handyǵyn kimder qurdy?
3. Qazaq handyǵynyń qurylýy jaıly tarıhı derekti kimniń eńbeginen oqyp bilemiz?
4. Qazaq handarynan kimderdi bilemiz?
5. Qasym hannyń bıligi týraly tarıhshylar qandaı málimetterdi keltirdi?
6. Haqnazar han qaı jyldary bılik etti?
7. Haqnazar han ishki saıasatyn qalaı júrgizdi?
8. Syrtqy saıasaty týraly ne bilesińder?
9. Haqnazar han bılik etken tusta tarıh sahnasynda qandaı aıtýly oqıǵa boldy?
10. Haqnazar han kimmen «dos bolyp, ózara kómektesý» jóninde «ant berisken» shart jasasty?

Semantıkalyq karta

İİİ. Jańa sabaq.
Búgingi sabaǵymyzdyń taqyryby: Táýekel han (1582 - 1598 j. j.).
Sabaǵymyzdyń maqsaty: Otan tarıhynan súbeli oryn alar tarıhı tulǵalardyń biri – Táýekel hannyń 16 jyl el tizginin ustaǵan ýaqytyndaǵy Qazaq ordasynyń ishki - syrtqy saıasatyndaǵy rolin túsiný.
Sabaǵymyzdyń maqsatyna jetý úshin mynadaı máselelerdi qarastyramyz.
Jospar:
1. Táýekelge deıingi Qazaq handyǵynyń jaǵdaıy. Shyǵaı han. Baba sultanmen kúres.
2. Qazaq - ózbek qatynastary.
3. Orys memleketimen qarym - qatynas.

Ótken sabaqta Haqnazar hannyń bıligimen tanysqan bolatynbyz. Haqnazar han Buqara hany Abdallahpen jáne ózbek sultany Baba sultanmen eki jaqty saıasat ustandy. Buny sezip qalǵan Baba sultan óziniń jansyzdaryn jiberip, Haqnazardy, onyń uldaryn, jáne hannyń jaqyn sultany Jalymdy óltiredi.

Endigi Qazaq handyǵynyń taǵy Jánibek hannyń nemere inisi Shyǵaıǵa buıyrdy. Shyǵaı han taǵyna otyrǵanda 80 jastaǵy shal bolatyn. Ol bılikke kele salysymen Haqnazar han men Jalym sultannyń kekterin alýǵa kiristi. Sondyqtan Abdallah hanmen odaq quryp, Baba sultanǵa qarsy joryqqa shyqty. 1582 jyly Túrkistan qalasynyń túbindegi shaıqasta Shyǵaı han jáne onyń uly Táýekel sultan Buqara hany Abdallahpen birlesip jeńiske jetti. Buǵan rıza bolǵan Buqara hany Abdallah qazaq handyǵyna Hodjent qalasyn tartý etti. Alaıda osy joryqta Shyǵaı hannyń ózi de qaza tapty. Endi handyq bılikti Shyǵaıdyń balasy, murageri Táýekel sultan óz qolyna aldy. Táýekel hannyń bıligi, ishki - syrtqy saıasaty týral málimetti beıne materıaldan kóreıik. Elektrondy oqýlyqta 3 mın ýaqytta Táýekel hanyń bıligi týraly aıtylady.