InfoHub Logo

Zamanynda sport súıer qazaq qaýymyna maqala jazǵan Seıdahmet Berdiqulovtaı qazir jýrnalıs joq shyǵar. Tehnologıalar damyǵan zamanda  gazetke sport maqalasyn jazý qalyp barady. Qazir sport súıer qaýym barlyǵyn tikeleı efır nemese qaıtalaýlardan kóre alady. Fýtbol súıer Seıdaǵań  zamanynda bolyp jatqan oıyn jaıly gazetke maqala túrinde bergende, eshbir tikeleı efırden kem túspegen. Oqyrmandar maqalany oqyǵan sátte dál sol alańda ózderi otyrǵandaı sezimde bolǵan. Sebebi fýtbol súıer adamdy tek dál sondaı adam túsinedi. 

Álem chempıonatynda birinshi bolǵan jáne sol týraly qalam tarqan alǵashqy qazaq dál sol Seıdaǵań. Seıdahmet Berdiqulov Álem chempıonatynda eki márte boldy, 1966 jyly Londonda jáne 1970 jyly Meksıkada. Seıdahmet Berdiqulovtyń oıyn týraly jazǵan maqalasynan shańy da qalmaıtyn, fýtbol súıer qaýym ondaı gazetti qaldyrsyn ba. 

Jýrnalıs Seıdahmet Berdiqulovtyń «Peleniń 12 qatesi» atty maqalasy kezinde aýyzdan aýyzǵa tarady. Kez-kelgen adam Álemdik deńgeıdegi oıynshy Pele jaıly synı maqala jaza bermeıdi. Sebebi, Pele barsha fýtbol qaýymy moıyndaǵan oıynshy, al Seıdaǵań Peleniń qateligi jaıly jazdy. Bul maqalasyna fransýzdyń «Ekıp» atty ataqty sport jýrnaly kyr sońyna tústi. Sebebi aıdan anyq, bundaı tyń maqalany barlyq sport jýrnaldary qalar edi. Sonymen qatar Seıdahmet Berdiqulov aǵamyzǵa osy maqalasy úshin qomaqty qarjy da usynǵan. Biraq Seıdaǵań bas tartqan. Seıdaǵan Peleniń ózimen de tanys bolǵan jáne birge túsken sýreti de bar. Seıdaǵańnyń osy jazǵan maqalasynan keıin Pele óz qolymen: «Meniń jasyl alańdaǵy áriptesim aıtqan 12 qatege túgel quldyq uramyn» degen qoltańba jazǵan. 

Qazirgi qazaq sport jýrnalısıkasynda Seıdaǵańdaı jazar eshkim joq. Sebebi qazir tek mańyzdy sátter men oıyn nátıjesin jazyp, qysqasha ǵana sholý jasaıdy. Seıdahmet Berdiqulov qazaq sport jýrnalısıkasynyń altyn qazyǵy.

Ahmetqazy Bekzat, jýrnalısıka fakúlteti 2-kýrs

---