InfoHub Logo

Sabaqtyń taqyryby: Qazaqtyń dastarqany
Sabaqtyń tıpi: jańa
Sabaqtyń maqsaty: Qazaq halqynyń qonaqty qarsy alý, kútý, shyǵaryp salýmen baılanysty dástúrlermen, qonaqasy shyǵý tarıhymen tanystyrý,
taqyryppen baılanysty sózderdi oryndy paıdalanýǵa daǵdylandyrý, oqýshylardy qonaqjaıly bolýǵa tárbıeleý
ádisi: mátinmen jumys, toptyq jumys
kórnekiligi: «Sybaǵa - qadirli, syıly adamǵa arnaıy saqtalǵan soǵym eti»
«Qonaqasy - qonaqqa arnap ázirlengen taǵam, as» degen sózderi bar plakattar,
ÁN «Qazaqy dastarqanym» Tyıym sózder jazylǵan plakattar
Barysy:
İ. Amandasý
İİ. Til damytý
İİİ. Jańa sabaq
1. Tyńdalym. Qonaqjaı qazaq halqy dastarqanyna erekshe mán bergen. Bar táttisin, jaqsysyn qonaǵyna arnap, sybaǵa saqtap otyrǵan.
2. Topqa bólý. Ár oqýshynyń bir zatyn alyp, aralastyryp, úsh topqa bólý.
3. «Qosh keldińiz! Tórge shyǵyńyz! Joǵarylatyńyz!» degen sózdermen muǵalim ár top oqýshylaryn ústel basyna otyrǵyzady.
Este saqtańdar!
Dastarqan basynda otyrǵan adamdardy sanamaıdy.
Dastarqanǵa adamdar jasyna qaraı otyrady.
4. Toptyq jumys. Ár toptyń tapsyrmalary konvertte.

1 - kezeń. Mátinmen jumys.
Alasha hannyń úsh uly bolypty. Han olardy enshi berýge shaqyrypty. Ol óziniń baılyǵyn tórtke bólipti. Úsh bóligin úsh balasyna beripti. Tórtinshi bóligin taǵy úshke bólip, ony balalaryna qosypty. Sonan keıin aldynda otyrǵan úsh ulyna mynandaı ósıet qaldyrypty:
« Balalarym, ata salty boıynsha men senderge enshi berip otyrmyn. Esterińde bolsyn, senderdiń urpaqtaryń saparǵa shyqqanda jolǵa azyq - túlik alyp júrmesin. Árbir qazaq balasy kez kelgen úıden aqysyz qonaqasy ishetin bolsyn. Olar jolda sýsap, qarny ashyp júrmesin. Men senderge bergen tórtinshi enshim sol. Sol enshimdi meniń keler urpaqtarym ǵasyrdan - ǵasyrǵa jetkizip, meniń osy ósıetimdi saqtasyn!» dep batasyn beripti.
(«Qazaqtyń salt - dástúrleri men ádet - ǵuryptary» kitabynan)

2 – kezeń Tapsyrmalar oryndaýy
1 - toptyń tapsyrmasy:
Mátindi mazmundaý.
2 - toptyń tapsyrmasy:
Mátin mazmuny boıynsha 3 suraq qurastyrý.
3 - toptyń tapsyrmasy:
Mátin mazmuny boıynsha jospar qurý.
Tekserý. Top jetekshisi sóıleıdi, top músheleri tolyqtyrady.

3 - kezeń. Toptyq tapsyrmalar.
1 toptyń tapsyrmasy: Qonaqqa shaqyrý jazý
2 - toptyń tapsyrmasy: Qonaqtarǵa tilek sózderin jazý
3 - toptyń tapsyrmasy: Qonaqqa arnalǵan bata sózderin jazý

4 - kezeń:
Jaǵdaıat: Áke - shesheń úıde bolmaǵanda qonaq keldi. Seniń is - áreketiń.

İÚ. Oqylym. Oqýlyqpen jumys. 91 - bet As týraly tyıym sózder.
Tapsyrma. Osy 10 tyıym sózderdiń qaısysyn ómirde qoldanasyń? Qysqasha áńgimelep berý

Ú. Refleksıa. Paraqsha toltyrý.
• Tolyq túsindim------------
• Jartylaı túsindim-----------
• Túsinbedim---------------------

Úİ. Úı jumysy. Sóılemderdiń durys - burystyǵyn jazý,
Tapsyrma. Basqa ulttardyń taǵamdary týraly materıal jınaý