Qazaq tili olımpıadasynda ońtústikkoreıalyq oqýshy jeńiske jetti
Daryndy oqýshylardy qoldaý jáne anyqtaý maqsatynda «Daryn» respýblıkalyq ǵylymı-praktıkalyq ortalyǵy Memlekettik tildi damytý qorynyń qoldaýymen 25-26 naýryz aralyǵynda Astana qalasynda 5-10 synyp aralyǵynda oqıtyn ózge ult oqýshylary arasynda qazaq tilinen X «Til - memleket táýelsizdiginiń sımvoly» atty respýblıkalyq qashyqtyqtan uıymdastyrylǵan olımpıadasyn ótkizdi.
Olımpıada eki kezeńde ótti: Onlaın rejımde ótken İ kezeńge 2847 oqýshy qatysty. Eń joǵary upaı jınaǵan 114 oqýshy Astana qalasyndaǵy «Nur Orda» mektep-lıseıiniń bazasynda olımpıadanyń qorytyndy kezeńine qatysýǵa shaqyryldy. Qorytyndy kezeńge 72 oqýshy men olardyń qazaq tili pániniń 32 muǵalimi qatysty.
Olımpıadanyń jeńimpazy jáne I dárejeli dıplom ıegeri bolyp Ońtústik Koreıa azamatshasy, Almaty qalasy №159 gımnazıasynyń oqýshysy Pak Shı-yn tanyldy. II dárejeli dıplomnyń ıegeri bolyp Ońtústik Qazaqstan oblysy Maqtaral aýdanynan ózbek ultynyń ókili Bahor Súleımenova tanyldy, III dárejeli dıplom ıegeri - Semeı qalasynan nemis ultynyń ókili Sheına Adelına.
Mereke sońynda olımpıada qatysýshylary qazaqtyń tanymal kompozıtory Nurǵısa Tilendıevtiń «Ata tolǵaý» kúıin, Muqaǵalı Maqataevtyń «Qara sazyn» oryndap berdi, dep habarlaıdy Memlekettik tildi damytý qorynyń baspasóz qyzmeti.
You Might Also Like
-
50 jastaǵy Dın Karnazes uzaq dıstansıalarǵa júgiretin álemdegi eń tanymal jelaıaq bolyp sanalady. Onyń esebinde kóptegen rekordtyq júgirýler bar. Degenmen ol sportpen shyndap aınalysýdy 30 jasynda ba...
-
2016 jyly bitirýshiler UBT-ny belgilengen merzimde 1-15 maýsym aralyǵynda tapsyrady, dep habarlady QR Bilim jáne ǵylym mınıstrliginiń baspasóz qyzmetinen.
