InfoHub Logo

Astanada M.Ótemisuly atyndaǵy Oqýshylar saraıynda Qazaqstan Respýblıkasy Táýelsizdiginiń 25 jyldyǵyna arnalǵan balalar shyǵarmashylyǵy men beıneleý óneriniń «Tumar-2016» qalalyq kórmesiniń qorytyndysy shyǵaryldy. Kórmege 250 oqýshy qatysty, dep habarlady qalalyq ákimdiktiń baspasóz qyzmetinen.

Jas sheberler kollajdar, aplıkasıalar, oıý-órnekter, músinder, as úı zattaryn jáne t.b. jasaǵan.

Baıqaý qorytyndysy boıynsha «Art-ınstallásıa» nomınasıasynda «Nur Orda» mektebiniń ókili segiz jasar Ahmet Qabdolla úzdik atandy.
«Sándik-qoldanbaly óner» sanatynda №2 mektep-gımnazıasynyń oqýshysy Aıym Qaıorǵazınova kósh bastady. «Maketter, kollajdar, qaǵazbastylyq» nomınasıasynda №27 mektep-lıseıiniń shákirti Kamıll Kamalovtyń jáne Elena Kırpıchevanyń eńbekteri erekshe dep tanyldy. Eń kreatıvti músinniń avtory №1 matematıkalyq-ekonomıkalyq lıseıdiń oqýshysy on alty jasar Ermek Turǵymbaev bolyp shyqty.
- Baıqaý elordada ekinshi ret ótkizilip otyr. Ár mektepte tehnologıa sabaǵy ótkiziledi, balalarǵa bar úırengenin kórsetetin alań qajet. Kórmege ártúrli jumystar usynylady, barlyǵy ulttyq óner túrlerine arnalady. Ótken jyly negizinen ulttyq naqyshtaǵy buıymdar jasaldy, bul joly Qazaqstannyń bolashaǵyna arnalǵan zattar kóp boldy, - dedi M. Ótemisuly atyndaǵy Oqýshylar saraıy dırektorynyń orynbasary Almagúl Japarova.

---