InfoHub Logo

50 jastaǵy Dın Karnazes uzaq dıstansıalarǵa júgiretin álemdegi eń tanymal jelaıaq bolyp sanalady. Onyń esebinde kóptegen rekordtyq júgirýler bar. Degenmen ol sportpen shyndap aınalysýdy 30 jasynda bastaǵan.

Karnazestiń kóptegen jetistikteriniń birnesheýin usynamyz:

— 43 jasynda ol úzdiksiz 560 km júgirgen. Osy ýaqytta ol úsh kún uıyqtamaǵan, 3 kılogramm salmaq tastaǵan jáne 40 myń kılokalorıa jaqqan;

— 44 jasynda AQSH-tyń ár shtatynda 50 kún boıy 50 marafondy júgirip ótken;

— 49 gradýs Selsıı kezinde kalıfornıalyq Ólim alqabyn júgirip ótken;

— Ońtústik Polústegi tuńǵysh jáne jalǵyz marafonǵa qatysyp, ekinshi orynǵa ıe bolǵan.

Bir qyzyǵy, Kazares júgirýdi 30 jasyn toılaýden keıin, mas kúıinde bastaǵan. Al buǵan deıin ol korporasıada isteıtin qarapaıym jumysshy bolǵan. Alaıda 50 kılometrge sozylǵan eń birinshi júgiris bárin ózgertti. Búginde júgirý – Kazarestiń basty mamandyǵy. Qosymsha isteri – paıdaly ónimder satý, jigerlendiretin kitaptar jazý jáne túrli jıyndar men konferensıalarda sóz sóıleý. Time jýrnaly ony «Álemdegi eń bedeldi adamdardyń Top-100-digine» kirgizedi.

Dınniń sońǵy 20 jylda jetken ǵajaıyp sporttyq jetistikteri, bul, árıne, qajyrly jattyǵýlar men aǵzanyń erekshelikterin árdaıym damytýdyń nátıjesi. Alaıda Kazarestiń ózindik birneshe qupıasy da bar. Solardyń birnesheýin nazarlaryńyzǵa usynamyz:

1. Batyl bolyńyz

Qol jetkizý múmkin emesteı kórinetin maqsattardan qoryqpańyz. «Baǵyndyrýǵa turarlyq kez kelgen maqsat táýekelden turady», - dep jazady Karnazes óziniń «Últramarafon-adam: túnimen júgirýshiniń jazbalary» atty avtobıografıalyq kitabynda.

2. Baýsyz júrińiz

Uzaq dıstansıalarǵa júgirgende eń bir yńǵaısyzdyq týdyratyny – baýlardy baılaý. 50 mıl júgirip ótken soń tizerlep otyrý nemese aıaq kıimdi baılaý úshin eńkeıýdiń ózi qıyn bolyp ketedi. Karnazes baýsyz krosovkalarmen júgiredi.

3. Múmkindikterińizdiń shegin synańyz

1995 jyly 135 mıl qashyqtyqtan turatyn eń alǵashqy últramarafonynda Karnazes ólim men ómir arasynda arpalasty: ystyq kúnde júgirý kezinde ol elesteýshilik, júrek aıný men dıareıaǵa ushyrady. Sol joly ol aralyqty baǵyndyra almady, alaıda kelesi jyly sol jolǵa qaıtyp oralyp, onynshy orynǵa ıe boldy. 2004 jyly besinshi talpynystan keıin ol bul últramarafonda birinshi bolyp keldi.

4. Qýat beretin kez kelgen taǵamdy jeńiz

Uzaq júgiristeri kezinde Karnazes túrli taǵamdy sheksiz mólsherde jeıdi – sebebi onyń sýperjúgirisi kalorıalardy zor mólsherde ketirýge múmkindik beredi. Basqa kezderi sportshy asketıkalyq dıetany ustanady. Ol tipti jemisti de kóp mólsherde jemeıdi, sebebi onyń quramynda qant mólsheri kóp.

5. Az uıyqtańyz

30 jasynda qarapaıym tásilmen erekshe ómir súrýdi bastaǵan Karnazel táýligine 4 saǵat uıyqtaýdy ádetke aınaldyrǵan. Sonyń arqasynda ol kóp nársege úlgeretin bolǵan, budan ózge túnde júgirý múmkindigine ıe bolǵan – onyń sózinshe, túnde júgirý adamdy keremet tynyshtandyrady. Buǵan deıin kóptegen adam sıaqty 8 saǵattan kem emes uıyqtap júrgen Karnazes «Adam denesi ádettegiden tys erlik jasaı alady», — deıdi.

6. Deneńizge qojaıynnyń kim ekenin kórsetińiz

«Adam denesiniń óz shegi bar, biraq adam rýhy eshteńemen shektelmeıdi, — deıdi Dın Karnazes. Ol eń aldymen óz sanań men minezińdi jattyqtyrý kerektigin aıtady. — Sizdiń mıyńyz – sizdiń eń basty bulshyq etińiz. Ómir – bul molaǵa ádemi jáne jaqsy saqtalǵan denemen qaýipsiz kelý emes, kerisinshe kemeni tejegishten bosatyp, barynsha paıdalaný, tolyqtaı tozdyrý jáne «bul ne júris? Mine, meniń qolymnan ne keledi!» dep jar salý.

---