InfoHub Logo

Toptamadaǵy sabaqtar taqyryby:
1. Zat esimniń septelýi
2. Salystyrmaly shyraı
3. Kúsheıtpeli shyraı
4. Syn esimniń emlesi

Qazaq tili 7 synyp
Taqyryby: Zat esimniń septelýi
Siltemeler, úılestirme materıaly: Qazaq tili oqýlyǵy, tanymdylyq tapsyrmalar
Jalpy maqsaty: Zat esimniń septelýi týraly bilimderi men ereksheligi týraly túsinikterin arttyrý
Kútiletin nátıje: Zat esim men septik jalǵaýlary, zat esimniń septelýi týraly teorıalyq aqpartpen tanysatyn bolady.

Muǵalimniń is - áreketi
Oqýshylardy zat esimniń kóptelýi, táýeldenýi, septelýi boıynsha stıkerge jazylǵan top ataýlary boıynsha bólemin jáne sabaqtyń maqsatymen tanystyramyn. Baǵalaý paraqshasyn taratyp beremin.
Kórkem ádebıetten quramynda táýeldik jalǵaýy bar 5 sóılem jazý.
Aq qaǵazǵa jazylǵan áripterdi qurastyrý arqyly jańa sabaqtyń taqyrybyn qurastyrý kerektigin aıtamyn.
Men septik jalǵaýlary týraly ertegi aıtamyn.
«Erte - erte ertede, eshki júni bórtede, zat esim jerinde, qazaq tili elinde Septik degen shal bolypty. Elde jut bolyp, asharshylyq jaılapty. Bul asharshylyq Septik shaldyń úıine de kelip jetipti. Ataý atty uly qaıtys bolǵanda shal aǵashqa attyń qylyn kerip, tıeginiń ornyna qoıypty da, únsiz egilipti. Aı ótken soń İlik degen uly ólgende taǵy bir ishek taǵyp, «neniń zıany, kimniń kózi tıdi eken?» - dep egiledi.
Aı ótken soń Barys atty uly dúnıeden ótedi. Sonda shal taǵy úshinshi ishek taǵyp «kimge aıtyp jylaıyn nege ǵana óldi eken?»dep joqtaý aıtady. Tabys atty uly ólgende «neni aıtyp, kimdi ǵana qarǵaıyn?» - deıdi. Jatys atty uly da ashtyqtan ólgende aǵashqa besinshi ishek taǵylyp, «nede, kimde eken sebebi? - dep jylaıdy. Shyǵys uly da qaıtys bolady, altynshy ishek taǵylyp «neden qaıtys boldyń, kimnen seni suraımyn?»dep egiledi. Kómektesi de sol asharshylyqtan qaıtys bolǵanda «kimmen ómir súrmekpin, nemen endi shuǵyldanamyn?»dep joqtaý aıtyp egiledi. Shal muńyn halyqqa jetkizgen desedi.
Atalǵan ertegi negizinde septik jalǵaýlary men suraqtaryn ret - retimen ornalastyrý kerektigin aıtamyn.