InfoHub Logo

Avtory: Tarbaqov B. A.
Informatıkadan 5 synyptarǵa arnalǵan «Kompúterlik álippe» qoldanbaly kýrs jospary

Túsinik hat
Bilim berý úrdisin aqparattandyrý – jańa aqparattyq tehnologıalardy paıdalaný arqyly damyta oqytý, dara tulǵany baǵyttap oqytý maqsattaryn júzege asyra otyryp, oqý tárbıe úrdisiniń barlyq deńgeıleriniń tıimdiligimen sapasyn joǵarylatýdy kózdeıdi.
Aqparattyq – komýnıkasıalyq tehnologıa elektrondyq esepteýish tehnıkasymen jumys isteýge, oqý barysynda kompúterdi paıdalanýǵa, modeldeýge, elektrondyq oqýlyqtardy, ınteraktıvti quraldardy qoldanýǵa, ınternette jumys isteýge, kompúterlik oqytý baǵdarlamalaryn meńgerýge negizdeledi.
Aqparattyq – komýnıkasıalyq tehnologıanyń keleshek urpaqtyń jan – jaqty bilim alýyna, isker ári talantty, shyǵarmashylyǵy mol, erkin damýyna jol ashatyn pedagogıkalyq, psıhologıalyq jaǵdaı jasaý úshin de tıgizer paıdasy asa mol. Aqparattyq ádistemelik materıaldar komýnıkasıalyq baılanys quraldaryn paıdalaný arqyly bilim berýdi jetildirýdi kózdeıdi.
Demek, Qazaqstannyń bolashaq bilimdi mamandaryn daıyndaýda alatyn bilimniń ushqyrlyǵy men nátıjeligi zaman talabyna saı jalpy orta bilim berýde beıindi oqytýǵa kóshý bolmaq.
Derbes kompúterdi paıdalanýdyń eń tanymal baǵyttarynyń biri – kompúterlik grafıkamen jumys isteý ekendigi belgili.
Kompúterlik grafıkanyń qoldanylý kókjıegi óte keń – qarapaıym sýret salýdan bastap teledıdardaǵy jarnama jáne kınodaǵy arnaıy effektilerge, mashına jasaý salasyndaǵy kompúterlik jobalaýdan irgeli ǵylymı zertteýlerge deıingi aýmaqty túgel qamtıdy.
“Kompúterlik álippe” bilim berý kýrsy oqýshylardyń tekstik jáne grafıkalyq redaktorlar, jarnamalar men qarapaıym prezentasıalar qurý baǵdarlamalarynyń kómegimen jumys isteý daǵdylaryn damytýǵa baǵyttalǵan teorıalyq jáne praktıkalyq mazmundy málimetterdi qamtıdy.

Kýrstyń negizgi maqsattary:

1. Qazirgi kompúterlik tehnologıalardy oqyp úırenýge jáne meńgerýge degen qyzyǵýshylyǵyn oıatý;
2. Derbes kompúterdiń programmalyq jabdyqtary týraly bilimderin tolyqtyrý, tereńdetý jáne júıeleý;
3. Oqýshylardyń tekstik, grafıktik redaktorlarmen jumys isteý biligi men daǵdylaryn qalyptastyrý;
4. Oqýshylardyń tanymdyq qyzyǵýshylyǵyn, teorıalyq jáne shyǵarmashylyqpen shabytty oılaý qabiletterin damytý, sonymen birge eń tıimdi sheshim alýǵa kómektesetin algorıtmdik oılaý júıesin jetildirý;
5. Este saqtaý, logıkalyq oılaýyn damytý, tıanaqtylyqqa, aqparattyq mádenıettilikke tárbıeleý;
6. Oqytýdyń elektrondyq baǵdarlamalarymen jumys isteýge, qosymsha materıaldar izdeýge jáne ony tıimdi paıdalana bilýge úıretý;