InfoHub Logo

«Erligi úshin» medalimen qıyn-qystaý kezde adam ómirin saqtap qalǵan azamattar marapattalady. Sýǵa ketkenderdi qutqarǵan, adamdardy órtten aman alyp qalǵan, dúleı apattar kezinde adamdarǵa járdem kórsetken, sondaı-aq qylmysqa qarsy kúreste er júrektilik pen janqıarlyq kórsetken azamattarǵa «Erligi úshin» medali tapsyrylady.

«Eren eńbegi úshin» medalimen ekonomıkalyq, áleýmettik salalarda, ǵylymda, mádenıet pen memlekettik qyzmette úzdik eńbek etken azamattar marapattalynady.

«Shapaǵat» medalimen qaıyrymdylyq qyzmet pen meıir- shapaǵattyń naǵyz úlgisin kórsetken azamattar marapattalady.

«Jaýyngerlik erligi úshin» medali únemi jaýyngerlik sapta júrgen qyzmetkerlerge tapsyrylady. Bul medal Qarýly Kúshter, Respýblıkalyq ulan, Prezıdenttiń Kúzet qyzmeti, İshki jáne Shekara áskerleri áskerı qyzmetshileri, sonymen birge Prokýratýra, Ulttyq qaýipsizdik, İshki ister organdarynyń qyzmetkerlerin batyl jáne jemisti áreketteri, memlekettik shekarany qorǵaýda erlik pen janqıarlyq tanytqandary úshin marapattaýǵa arnalǵan.

---