InfoHub Logo

Qazaqstanǵa mol tabys ákeletin startaptardy quryp, olardy iske qosý qajet. Bul týraly sıfrlandyrý máselesine arnalǵan respýblıkalyq keńeste Nursultan Nazarbaev aıtty.

«Ekinshi jaǵynan sıfrlandyrýǵa biz pragmatıkalyq kózqaras turǵysynan qaraýǵa tıispiz. Bul  túbegeıli basymdyq alý múmkindigi - ónimdilik, kapıtaldandyrý, kirister. Máselen, biz General Electric-pen birge elektrovozdar óndirisin iske qosqanymyzdy maqtan etemiz. Onyń ónimdiligi 1 jumysshyǵa 100 myń dollardy quraıdy. Biz «Mine keremet!» deımiz. Buǵan jaqyndaý keletin basqa sala joq. Eń úzdik kompanıalar  ENRC men «Qazaqmys» sanalady. Olardyń ónimdiligi 40-50 myń dollar. Biz muny da jaqsy dep baǵalaımyz. Biraq, bul durystap qarasaq onsha emes. Olarda 50-100 myń adam jumys isteıdi», - dedi Nursultan Nazarbaev.

Prezıdenttiń paıymynsha, sıfrlandyrý jaǵdaıdy túbegeıli ózgertetin bolady.

«50-60 myń dollar. Bul, máselen Facebook-ten 45 ese az. Qalǵandary jaıynda ne aıtýǵa bolady? Bizdiń eń aldyńǵy qatarly «Alataý» aqparattyq tehnologıalar parkimiz 2016 jyly 20 mlrd teńge tabys tapty. Biz muny jaqsy dedik. Alaıda ol Ethereum tabysynan 38 ese az. Men munyń barlyǵyn ózimdi synaý úshin aıtyp otyrǵanym joq. Tolyqtaı alǵanda qandaı maqsattarǵa umtylýymyz kerektigin aıtyp otyrmyn. Osyndaı startaptardy Qazaqstanda quryp, olardy iske qosý kerek. Biz ekonomıka tabysynyń artýy men ósimine qol jetkizýge tıispiz», - dedi Qazaqstan Prezıdenti.

---