InfoHub Logo

Bilim ordasy keshenin aralaý barysynda Qyrymbek Kósherbaev ýnıversıtet murajaıyna, Jaǵdaıattyq basqarý ortalyǵyna, Bıznes-quzyrettilikti damytý klasterine, «Keremet» SQKO-ǵa, İT-Tehnoparkine bardy, jas ǵalymdardyń «jasyl energetıka» boıynsha ınovasıalyq jumystarymen jáne biregeıstýdenttik start-aptarymen tanysty.

Sonan soń ál-Farabı ortalyǵynda Qyrymbek Kósherbaev fılosofıa ǵalymdarymen jáne profesorlarymen kezdesti.

Memlekettik hatshy ál-Farabı muralary dál búgingi tańda erekshe ózektilikke ıe ekendigin jáne tulǵa taqyryby, adamgershilikti jetildirý, zıatkerlik deńgeıdi arttyrý, barlyq adamzattyń erkindik pen baqytqa qol jetkizýi sıaqty ýaqyt talaptaryna jaýap beretindigin atady.

«Kórnekti fılosoftyń ıdeıasy qoldanbaly sıpat alý kerek. Ýnıversıtet tarapy jáne tanymal ǵalym-farabıtanýshylar jasaǵan jumystardy ózekti etýimiz kerek. Eger el táýelsizdiginiń alǵashqy jyldarynda biz ózin-ózi anyqtaý máselelerimen aınalyssaq, endi kelesi kezeńge kóshýimiz kerek, ol – memlekettiń ál-aýqattylyǵyna synaq, bizdiń aldymyzda álemniń básekege qabiletti elderiniń qataryna kirý mańyzdy mindeti tur. Bulardyń barlyǵynyń negizinde belsendi túrde nasıhattaýdy qajet etetin ál-Farabı muralary jatqanyna senimdimin. 2020 jyly uly ǵulamanyń 1150 jyldyǵyn merekeleý boıynsha memlekettik komısıanyń kelesi otyrysyn QazUÝ-daǵy ál-Farabı ortalyǵynda ótkizýdi usynamyn», - dedi Qyrymbek Kósherbaev.

Sapar sońynda qonaqqa ýnıversıtet atynan ál-Farabı ómiri men shyǵarmashylyǵy jaıly kitap syıǵa tartyldy.

Temirbolat Madına Meırangazyqyzy
ál-Farabı atyndaǵy QazUÝ-dyń 2 kýrs magıstranty
Bolat Saılan
ál-Farabı atyndaǵy QazUÝ-dyń t.ǵ.d.,profesory

---