InfoHub Logo

Táýelsizdik - barlyq qazaqstandyqtar úshin asa qasıetti qundylyq.

                                                                                                         N.Á.Nazarbaev

Qazaq – otanshyl halyq. Qazaqtyń otanshyl júregi – órlik pen namysqa, erlik pen jaýyngerlikke toly, «Qulqynnyń quly bolma, otannyń uly bol», «It toıǵan jerine, er týǵan jerine», - dep aıtýy osydan. Otan – tabıǵı, tarıhı, áleýmettik, saıası, mádenı orta, adam balasynyń tirshiliginiń negizi. Ár halyqtyń óz Otanyn súıýi - zańdylyq. Eger biz pendeshilik jasamaı, óz ultymyzdy «elden erek, kópten bólek» dep qaramaı, ony adam balasynyń quramdy bóliginde qarap, basqa ultqa ógeılik kórsetpesek, otansúıgishtik, ultjandylyq, jasampazdyq qasıetimen jarqyraı túser edik. Qazaq halqynyń Otany, týyp-ósken, kindik qany tamǵan basqa qazaqstandyqtardyń Otany - Qazaqstan. Onyń ústine Qazaqstan – qazaq halqynyń ata mekeni. Ulttyq patrıotızmmen Qazaqstandy óz Otany sanaǵan basqa ult ókilderiniń patrıotızmi bir arnaǵa qosylyp, búkil qazaqstandyq patrıotızmdi quraıdy. Bizdiń Otanymyz – táýelsiz Qazaqstan. Táýelsizdik bizdiń halyqqa tegin kelmedi. Talaı urpaq zar jylap, japa shekti, ómirleri óksikpen ótti. Táýelsiz Qazaqstan...Qandaı uly uǵym. Janyńdy jadyratyp, kóńilińdi kóteredi. Otansúıgish urpaq sol táýelsizdikti baıandy etýge qyzmet etýi kerek. Eń aldymen elimiz saıası táýelsizdik jarıalady. Biz táýelsiz elmiz. Tarıhqa ýaqyt qas-qaǵymdaı. Óıtkeni ǵasyrlardy qushaqtap, aıasyna alǵan ýaqyt talaı halyqtyń, talaı uly ımperıalardyń táýelsizdigin kórgen... Solaı bola tursa da, bizge bizdiń óz táýelsizdigimiz qymbat. Ol bizge qymbat – ata-babanyń rýhyn kótergeni úshin! Ol bizge qymbat-sóngen memleketimizdiń otyn mazdatyp,jandyrǵany úshin! Ol bizge qymbat – elimizdi qatarǵa qosyp, álemdik qaýymǵa endirgeni úshin! Ol bizge qymbat – ata-tarıhymyzdy, ana tilimizdi, dinimizdi, dilimizdi qaz-qatar turǵyzyp, «qazaq» degen ataýǵa qan men jan kirgizgeni úshin! «Táýelsizdik» degen – jaı termın sóz emes. Táýelsizdik, shyn máninde, aýqymdy da tereń qubylys. Ol eń aldymen saıası táýelsizdik.

Soltústik Qazaqstan oblysy, Jambyl aýdany
Blagoveshenka selosy «Blagoveshenka №2 orta mektebi» KMM
Kitaphanashy: Kamenova Aıgúmis Qaısaqyzy

---