Qazaqstanda 130 ýnıversıtettiń 20-sy jabylýy múmkin
Elimizde 130 JOO bar, olardyń sany qysqarýy múmkin. Bul týraly Ortalyq komýnıkasıalar qyzmetinde ótken brıfıńte QR JOO Asosıasıalar prezıdenti Rahman Alshanov aıtty.
«Mysaly, mashına jasaý mamandyǵyna 1000 grant beredi, al keregi - 200 bolýy múmkin. Bul jerde bári qandaı mamandyq qajet ekenine baılanysty. Ár salanyń ereksheligin, suranysqa ıe ekenin eskere kele, 130 JOO-nyń 15-20-sy qysqarýy nemese jabylýy múmkin», - deıdi Rahman Alshanov.
Sondaı-aq, QR JOO Rektorlar keńesi tóraǵasy Erlan Sydyqov stýdentter sany qysqarmaıtynyn aıtty.
«Stýdentterdiń sany qysqarmaıdy. Joǵary bilim alǵysy keletin, soǵan yntaly azamattardyń kóp bolýy elimizdiń bolashaǵy úshin mańyzdy. Ejelden qazaq qoǵamynda balasyn oqytýǵa, onyń bilimin shyńdaýǵa ynta joǵary bolǵan. Bul yntany biz paıdalanýymyz kerek, sondyqtan bul jerde stýdentterdi qysqartý máselesi joq. Biz tek talapqa saı emes joǵary oqý oryndaryn qysqartý boıynsha usynystar berýimiz shart», - deıdi ol.
You Might Also Like
-
Birde Aqsaq Temir Aqsháǵarǵa kelgen soń, sháhardyń ıgi jaqsy adamdaryn májiliske shaqyrady. Qanjyǵasynan qan tamǵan qaharly ámirshiniń aldynda olar qaqqan qazyqtaı bop úreılenip, melshıip turyp qalady. ...
