Esen-saýlyq dastarqan basynda suralady
Birde Aqsaq Temir Aqsháǵarǵa kelgen soń, sháhardyń ıgi jaqsy adamdaryn májiliske shaqyrady. Qanjyǵasynan qan tamǵan qaharly ámirshiniń aldynda olar qaqqan qazyqtaı bop úreılenip, melshıip turyp qalady. Sháhar tóreleriniń abyrjyp qalǵanyn sezip, Aqsaq Temir sózdi ózi bastaıdy.
Qonaqtarǵa shárbat sýsynyn ákelińder, — dep ámir etedi. Árıne, shárbat dámin eń aldymen Temirdiń ózi tatady. Sol kez de dýanbasy jón-josyqty bile bermeıtin, taıaz adam eken, «bárekeldi, sizge densaýlyq tilep biz de alyp jibereıik» deýdiń ornyna:
— Qosh kelipsiz! — dep myńq etse kerek. Alǵashqy jolyqqanda aıtylatyn sálemdesýdiń qazir aıtylǵanyna ań-tań qalyp, Temir dýanbasyna sustana qaraıdy. Beıshara taǵy birdeńe aıtyp, búldirip alar ma eken dep, dýanbasyna jany ashyp Qoja áńgimege kep aralasady.
— Taqsyr, bizdiń sháhardyń dástúri boıynsha, esen-saýlyq dastarqan basynda suralady. «At-kóligińiz aman, qosh kelipsiz» dep te sonda aıtylady, — depti Qoja.
Qojanyń sózinen soń Aqsaq Temirdiń ashýy tarqap, kóńili sabasyna túsipti.
You Might Also Like
-
Bir kúni Qojanasyr úlken tabaqqa úsh órik salyp Temirge syılyq dep ákele jatady. Órik árli-berli domalap, tabaqqa turmaıdy.
-
Elimizde 130 JOO bar, olardyń sany qysqarýy múmkin. Bul týraly Ortalyq komýnıkasıalar qyzmetinde ótken brıfıńte QR JOO Asosıasıalar prezıdenti Rahman Alshanov aıtty.
