InfoHub Logo

1. Sabaqtyń taqyryby: Qazaqstanda áskerı kadrlardy daıarlaý.
Sabaqtyń maqsaty: Oqýshylarǵa QR QK - niń joǵary áskerı oqý oryndarynyń qurylý sebepteri men tarıhyn, olarǵa qabyldaý sharttaryn túsindirý.
Ýaqyty: 45 mınýt.
Ótkiziletin orny: 11 synyp, AÁD bólmesi.
Ótkiziletin kúni:
Kórnekilik quraldar: AÁD oqýlyǵy, áskerı oqý oryndarynyń stendi.
Sabaqtyń barysy:

a) Uıymdastyrý kezeńi – 3 mın.
Vzvod komandıri oqýshylardy sapqa turǵyzady, oqytýshyǵa raport beredi, amandasý, túgendeý, oqýshylardyń syrt kórinisin tekserý.
á) Ótilgen taqyrypty suraý kezeńi – 7 mın.
1. QR Zańy boıynsha QK - di tolyqtyrýdyń qandaı túrleri bar?
2. Áskerı qyzmetke shaqyrylýshylar men ásker jasyna deıingilerdi daıarlaý qalaı júrgiziledi?
3. Azamattardy áskerı qyzmetten bosatý jónindegi zań normalary týraly aıtyńdar.
4. Áskerı qyzmetti óteý týraly zańda qandaı quqyqtar qarastyrylǵan?
5. QR QK - inde áskerı qyzmetshiler úshin áskerı qyzmetti óteýdiń zańda qandaı merzimi belgilengen?

b) Negizgi bólim – 25 mın.
ÁQN. T. 5. Qazaqstanda áskerı kadrlardy daıarlaý.
Almaty jalpy áskerı ýchılıshesi KSRO Joǵarǵy Keńesi Prezıdıýmynyń qaýlysynyń negizinde 1970jyly qurylyp, 1997jyldyń 11 aqpanynda QRP jarlyǵymen QR QK Áskerı Akademıasyna aınaldy. Osy akademıada kúndizgi jáne syrttaı bólimderde «Qurlyq áskerlerin operatıvti - taktıkalyq komandalyq - shtabtyq daıyndaý» mamandyǵy boıynsha oqytý júrgiziledi.

QR Ulttyq qaýipsizdik komıtetiniń Áskerı ınstıtýty mynadaı mamandyqtar boıynsha ofıserler daıyndaıdy:
- komandalyq salasy – Bólimshelerdiń qyzmettik - urystyq áreketin basqarý;
- kınologtar - Bólimshelerdiń qyzmettik - urystyq áreketin basqarý;
- shekaralyq baqylaý mamandary (qyzdar);
- ishki ásker ofıserleri - Bólimshelerdiń qyzmettik - urystyq áreketin basqarý.

QR İshki ister mınıstrligi Petropavlovsk Joǵary İshki áskerler áskerı ýchılıshesi myna mamandyqtar boıynsha ofıserler daıyndaıdy:
- baılanys áskerin taktıkalyq - komandalyq daıyndaý;
- avtomobıl áskerin komandalyq - taktıkalyq daıyndaý;
- ishki áskerdi ınjenerlik - tehnıkalyq qamtamasyz etý;
- múlikpen qamtamasyz etýdi komandalyq - taktıkalyq daıyndaý;
- azqpen qamtamasyz etýdi komandalyq - taktıkalyq daıyndaý;
- artılerıalyq qarý - jaraq.

Eki márte Keńester Odaǵynyń batyry T. Bıgeldınov atyndaǵy Aqtóbe joǵary avıasıalyq ýchılıshesi mynadaı mamandyqtar boıynsha ofıserler daıyndaıdy:
- ushý apparattaryn basqarý;
- áýe navıgasıasy;
- avıasıany urystyq basqarý;
- ushaqtar men qozǵaltqyshtardy tehnıkalyq paıdalaný;
- radıoelektrondyq jabdyqtardy tehnıkalyq paıdalaný;
- avıasıalyq jabdyqtardy tehnıkalyq paıdalaný;
- avıasıalyq qarýlardy tehnıkalyq paıdalaný.

QR qorǵanys mınıstrligi Almaty joǵary áskerı ýchılıshesi mynadaı mamandyqtar boıynsha ofıserler daıyndaıdy:
- motoatqyshtar áskerin taktıkalyq - komandalyq daıyndaý;
- tank áskerin komandalyq - taktıkalyq daıyndaý;
- artılerıa áskerin komandalyq - taktıkalyq daıyndaý;
- baılanys áskerin komandalyq - taktıkalyq daıyndaý;
- avtomobıl áskerin komandalyq - taktıkalyq daıyndaý;
- áýe – desant áskerin komandalyq - taktıkalyq daıyndaý;
- tárbıeleý qurylymy ofıserleri;
- raketa – artılerıalyq qarý - jaraq qyzmeti ofıserleri;
- azyq - túlikpen qamtamasyz etýdi komandalyq - taktıkalyq daıyndaý;
- kıim - keshekpen qamtamasyz etýdi komandalyq - taktıkalyq daıyndaý;
- suıyq otynmen qamtamasyz etýdi komandalyq - taktıkalyq daıarlaý;
- saýytty qarý - jaraq.

QR qorǵanys mınıstrligi Radıoelektronıka men baılanys áskerı - ınjenerlik ınstıtýty mynadaı mamandyqtar boıynsha ofıserler daıyndaıdy:
- avıasıa ushýyn qamtamasyz etetin radıotehnıkalyq quraldardy paıdalaný jáne jóndeý mamandyǵy boıynsha: «Avıasıa ushýyn qamtamasyz etetin radıolokasıalyq quraldardy paıdalaný men jóndeý»;
- áýe shabýylyna qarsy qorǵanystyń radıotehnıkalyq ásker bólimshelerin urystyq jáne kúndelikti basqarý mamandyǵy boıynsha: «Radıotehnıkalyq áskerlerdiń radıolokasıalyq quraldardy paıdalanýy men jóndeýi»;
- áýe shabýylyna qarsy qorǵanys áskerı bólimshelerin urystyq jáne kúndelikti basqarý mamandyǵy boıynsha: «Kishi qashyqtyqtaǵy zenıtti raketa júıesimen qarýlanǵan bólimshelerdi qoldaný»

QR Joǵary áskerı oqý oryndaryna qabyldaý tártibi.
Joǵary áskerı oqý oryndaryna oqýǵa tilek bildirýshi jas azamattardy oqýǵa qabyldaý mynadaı tártippen júrgiziledi.
Úmitker turǵylyqty jerindegi qorǵanys isteri jónindegi bólimge oqýǵa túsetin jylynyń 1sáýirine deıin aty - jónin, tegin, týǵan jylyn, kúnin, meken - jaıyn, túskisi keletin áskerı oqý ornynyń ataýyn kórsete otyryp, ótinish jazady.
Ótinishke qosymsha:
- orta bilimi týraly qujattyń kóshirmesin;
- ólshemi 4, 5h6sm úsh fotosýretin (bas kıimsiz);
- ómirbaıany men jumys nemese oqý ornynan minezdeme tapsyrady.
Aýdandyq qorǵanys isteri jónindegi bólim úmitkerdi zerttep, ony oqýǵa jiberý ne jibermeý týraly sheshim qabyldaıdy. Joǵary oqý ornyna laıyqty jáne dárigerlik komısıa alǵashqy medısınalyq kýálándirý kezinde tańdalǵan áskerı oqý ornyna laıyqty dep tapqan úmitkerge belgilengen nysandaǵy tıisti medısınalyq qujattar resimdeledi.
Úmitkerlerdiń jalpy bilim daıyndyǵy test ádisimen tórt pán boıynsha tekseriledi: qazaq (orys) tili, Qazaqstan tarıhy, matematıka, (tórtinshi pán tańdaǵan mamandyǵyna baılanysty). Ár pán boıynsha test suraqtarynyń sany - 30.
Dene daıyndyǵy jattyǵýlardy oryndaý nátıjeleri boıynsha anyqtalady: 3 km - ge jáne 100m - ge júgirý, kóldeneń beltemirge tartylý.
Oqýǵa qabyldanǵan nemese qabyldanbaǵan úmitkerge oqýǵa qabyldanbaý sebepteri kórsetilgen jeke is - qujattary men basqa da qujattary, sondaı - aq áskerı oqý ornyna túskeni týraly anyqtama úmitkerdiń qolyna qolhatpen beriledi, ol týraly turǵylyqty jerindegi qorǵanys isteri jónindegi bólimge habarlanady.
Qabyldaý sharttary.
Joǵary áskerı oqý oryndaryna bizdiń elimizdiń 17 - den 21 jasqa deıingi, orta jalpy bilim berý mekemelerin bitirgen, sondaı - aq 23 jasqa deıingi áskerı qyzmetin ótkergen nemese ótep jatqan azamattar qabyldanady.
Áskerı oqý oryndaryna qabyldaý úshin kásibı irikteýdi joǵary áskerı oqý oryndarynyń qabyldaý komısıalary júrgizedi.
Joǵary áskerı oqý oryndaryna kásibı irikteý men túsý emtıhandary shildede júrgiziledi.

v) Qorytyndy bólim – 10 mın.
Suraqtar men tapsyrmalar:
1. Egemen Qazaqstandaǵy joǵary áskerı mektepterdiń tarıhy týraly ne bilesińder?
2. Ofıser kadrlaryn daıarlaýdaǵy joǵary áskerı mektepterdiń maqsattary men mindetteri qandaı?
3. Óziniń jaýyngerlik mindetin abyroımen oryndaǵan QR QK - niń túlekteri, jaýynger ınternasıonalıster týraly aıtyńdar.
4. QR QK - niń ofıserleri qandaı bolýy kerek?
5. Bizdiń elimizdiń bolashaq ofıserleri qandaı mamandyqtar boıynsha oqıdy?
6. QR QK joǵary oqý oryndaryna qabyldaýdyń erejeleri qandaı?