InfoHub Logo

Bilim berý salasy: «Áleýmet»
Bólimder: «Ekologıa negizderi»
Taqyryby: «Sý asty álemi»
Maqsaty: Balalarǵa sý asty álemi týraly túsinik berý; Sý asty turǵyndaryn durys ataýǵa úıretý, sózdik qoryn tolyqtyrý; Aınalasymen ózara qatynas ornatý, minez - qulyq mádenıetimen daǵdylaryn meńgertý; Úlkendermen, dostar arasynda ádeptilikke, tabıǵatty súıýge, oǵan qamqor bolýǵa tárbıeleý.
Kórnekilikteri: Sý asty týraly slaıd, teńizdiń dybysy, sýretter.

İs - áreket kezeńderi
Tárbıeshiniń is - áreketi
Shattyq sheńberi:
Kel balalar, kúleıik,
Kúlkimenen túleıik.
Kúlki kóńil ashady,
Kóńildi bop júreıik.
Balalarǵa teńiz dybysyn tyńdatý.
- Balalar neniń dybysy?
- Teńizdiń.
- Durys aıtasyńdar.

Uıymdastyrýshy - izdenýshi
Tárbıeshiniń is - áreketi
- Búgin biz kememen teńizge saıahatqa shyǵamyz
- Bárimiz kózimizdi jumaıyq.
(Balalar kózderin jumady)
1 - 2 - 3 qatamyz,
Teńiz álemin aralap.
Ǵajaıypqa batamyz.
Endi kózimizdi ashamyz.
Interaktıvty taqtadan nemese teledıdar ekranynan muhıt turǵyndary týraly slaıd kórsete otyryp, jańa sózderdin maǵynasyn túsindirý.
Medýza – ol domalaq bolyp keledi, shar sıaqty. Jalpaq kelgen, olar kóbinese uly, adam saqtaný kerek. Keı kezde adam denesine tıse kúıdirýi múmkin.
Teńiz juldyzy - jyrtqysh, bir orynda turatyn sıaqty, biraq ol teńiz túbinde árqashan aqyryn jyljyp júredi.
Atbasty balyq - ortasha balyq. Onyń basy atqa uqsaıdy. Onyń denesinde ósip turǵan talshyqtary jaýlarynan qorǵaıdy.
Segizaıaq - onyń denesi almurtqa uqsaıdy. Ol túsin tez ózgerte alady. Jyrtqysh, usaq teńiz balyqtarymen qorektenedi, onyń atyna saı segiz aıaǵy bar, teńizdiń eń túbinde ómir súredi.
Tasbaqa - saýytyna qarap birden tanýǵa bolady. Olardyń bári ósimdiktermen qorektenedi. Tasbaqa qumdy qazyp jumyrtqa salady da ony kómip tastaıdy.
Kıt - teńizdegi eń iri sútqorekti. Ásirese «Kók kıt» uzyndyǵy - 30 metr,
salmaǵy - 150 tonna. Bul kıttiń boıynyń uzyndyǵyn túsine alý úshin kóz aldymyzǵa 5 qabatty úıdi elestetip kórý kerek.