InfoHub Logo

Qazaqstanda aldaǵy oqý jylynda oqýshylarǵa mektep formasyn kıý mindettelmeıtin bolady. Bul týraly Bilim jáne ǵylym mınıstri Ashat Aımaǵambetov málim etti.

«Mektep formasy túsiniginiń ózi, onyń qaǵıdaty men talaptary eshqaıda joǵalyp ketpeıdi. Biraq biz bul buıryqqa arnaıy tarmaq engizemiz. Iaǵnı ol tarmaqqa tótenshe jaǵdaı, karantın, shekteý sharalary men basqa da fors-major jaǵdaılar jatady. Dál osyndaı jaǵdaılarda balalarǵa klasıkalyq iskerlik kıimmen kelýge ruqsat beremiz», — dedi Ashat Aımaǵambetov Bilim jáne ǵylym mınıstrliginiń onlaın formattaǵy tilshilermen kezdesýinde.

Onyń aıtýynsha eger ata-analarda qazirgi ýaqytta mektep formasyn alýǵa jaǵdaıy bolmasa balalarǵa qarapaıym klasıkalyq kıim alyp berýge bolady.

«Mundaı sheshimdi biz qabyldadyq. Qazirgi jaǵdaıda bul sheshimniń mańyzy zor dep esepteımiz. Muny keńes sıpatynda emes, Bilim jáne ǵylym mınıstrliginiń ádilet organdarynda tirkegen buıryǵy negizinde júrgizip jatyrmyz. Sheshimniń normatıvti-quqyqtyq qujat retinde sıpaty bolýy kerek», — dedi ol.

Ashat Aımaǵambetov dese de bul ózgeris ýaqytsha ekenin eskertti.

Eske sala ketsek Prezıdent Qasym-Jomart Toqaev Úkimettiń keńeıtilgen otyrysynda mektepterdiń aldaǵy jańa oqý jylyna daıyndyǵyn pysyqtaǵan bolatyn.

«Bul – ákimdikter men mınıstrliktiń jumysynyń nátıjesi. Ákimdikter jańa oqý jylyna dereý daıyndalyp, mektepter men jekelegen muqtaj otbasylardy qajetti tehnıkamen jabdyqtaýǵa tıis. 1 qyrkúıekte jańa oqý jyly bastalady. Mınıstrliktiń bul oqıǵaǵa daıyndyǵyna kúmánim bar. Balalar qalaı oqıdy — mektepte nemese qashyqta? Muǵalimderdiń jańa oqý jylyna daıyndyǵy qandaı?», — dep suraq qoıdy Memleket basshysy.

---