InfoHub Logo

Mobılografıa - bul kásibı fotoaparattyń kómegine júginbeı, sandyq kamerasy bar elektrondy qurylǵylardy qoldaný arqyly sapaly beıne jasaıtyn fotosýret túri.

Mobılografıa tarıhy

Janr retinde jyljymaly fotografıa osy ǵasyrdyń basynda qalyptasty. Bul árıne, kameralarmen jabdyqtalǵan tehnologıanyń taralýyna baılanysty boldy.

Uıaly fonografıanyń bastaýshysy – lomografıa. Lomografıaǵa degen qyzyǵýshylyq 1993 jyldan beri paıda bolǵan. Dál osy jyldary Lenıngradtyń optıkalyq-mehanıkalyq qaýymdastyǵy arzan jáne yńǵaıly kamerany oılap shyǵardy. «LOMO-Compact» dep atalatyn bul kameranyń baǵasy shamamen 10$ boldy.

Apparat Vena óner akademıasynyń stýdentteriniń arqasynda tanymal boldy. Olar Praga qalasyna baryp jolda kezdesken qyzyqty eskertkishterdi sýretke túsirgen. Birneshe rakýrstardy qamtyp túsirgen fotosýretteriniń arqasynda birneshe kúnde osy kamera joǵary suranysqa ıe bolǵan.  

Al «Mobılografıa» termıniniń avtory - reseılik sýretshi Dmıtrıı Rezvan. 2004 jyly Dúnıejúzilik mobılograftar qoǵamy qurylǵan. Ol «Álemniń mobılogrammasyn qurý jáne álemde mobılografıany taratý» mindetin negizdedi.

Al mobılografıany Qazaqstanǵa alyp kelgen ıaǵnı tanytqan ol Qyran Talapbek. Qazirgi tańda 70-myńdaı stýdentti bar. Jalpy mobılografıa álemdi erekshe kózben kórý jáne sol erekshelikti telefon arqyly halyqqa jetkizý. Qazaqstanda mobılografıa sońǵy 1-2 jylda jaqsy damyp keledi. Kerek deseńizder Prezıdenttimizdiń ózinde jeke mobılografy bar. Mobılografıanyń artyqshylyǵy telefonǵa vıdeo túsirip jáne sońy tez ýaqytta montajdaý. Árıne bárimizge bul mobılografıamen aqsha tabýǵa bola ma? Bolashaǵy bar ma? degen suraqtar mazalaýy múmkin, men bul suraqqa esh oılanbaı ıa dep jaýap beremin. Sebebi qazirgi tańda Qazaqstanda 1,5 mlnǵa jýyq bıznes bar eken. Bıznesti halyqta kórsetý, satý úshin kim kerek? Árıne mobılograf mamany kerek. Mobılograf mamany vıdeońyzdy tez ýaqyt aralyǵynda daıyndap beredi jáne ol telefonnyń qarapaıym kamerasyna bolsada óte sapaly bolady.

1 kýrs dintaný mamandyǵynyń stýdenti: Myras Birjan
Jetekshi aǵa oqytýshy: Týngatova Ý. A.

---