InfoHub Logo

Ýaqyt - bizdiń ómirimizdiń qundy bir baılyǵy jáne bizdiń ótip jatqan ómirimiz. Adamzat ýaqytty eshqashan toqtata, ne keri qaıtara almaıdy. Ýaqyt adamǵa emes, adam ýaqytqa táýeldi. Men ýaqyttan, ýaqyt menen ajyraı almaıdy. Biz jaryq dúnıege kelgennen bastap ómirimizben ýaqytymyzdyń jarysy bastalady. Basqa jaratylystardy aıtpaǵanda, adamzat ómir men ýaqytqa táýeldi ekenine talas joq.

Ýaqyt adam ómirinde, jalpy myna ómirde tez ótetinin múldem baıqamaımyz. Qazirgi tańdaǵy ózekti máselelerdiń biri de osy desem qatelespeımin. Biz bosqa ótken ýaqytymyzdy eshqashan qaıtara almaımyz. Sondyqtan qazirgi kúnmen ómir súrip, ýaqytymyzdy tıimdi paıdalanýǵa tyrysýymyz qajet.  Paıdasy joq istermen óz sanasyn ýlap, ýaqytyn bos isterge qurtqan adam, bul ómirde utylǵan adam. Júsip Balasuǵyn aıtqandaı: «Bul ómirdi beripti ǵoı azapqa – qyzyq qýyp, bos ótkizip azaıtpa», degen naqyl sózi osyǵan dálel.

Adam ómiri qamshynyń sabyndaı qysqa ǵana. Ár kúnińdi, ýaqytyńnyń ár saǵatyn baǵalaı bilgeniń, mándi ómir súrgeniń. Ýaqyt qunyn baǵalaı bilgen adamǵa-qymbat sezilse, baǵalamaǵan adamǵa-arzan  ári mán-maǵynasyz seziletini sózsiz. Meniń osy ýaqytqa deıin túıgenim, osy ýaqyttyń qadiri. Eseıgen saıyn ýaqyttyń tezirek ótetinin baıqaımyz. Qazirgi ózekti jańalyqtyń biri de osy. Sońǵy kezderi aıdyń aptalap, aptanyń kúndep ótip jatqany halyqtyń arasynda alańdaýshylyq týdyrýda. Bireýler buny dinimizdegi qıamet kúnimende baılanystyryp jatyr. Aıtýǵa ońaı árıne, ýaqytty ustap turar adam joq. Sondyqtan myna ótip jatqan ómir men qaıta kelmeıtin ýaqytty baǵalaı bilý qajet. 

Jastyq shaqta biz úshin ýaqyt ótpeıtindeı, ómir taýsylmaıtyndaı kórinedi. Bul aldamshy oılarǵa ermeı, jastyq shaqtyń kúsh qýaty bar kezde, árqashan izdeniste, bilim alýda, ózińdi damytýda ótkizýiń óte mańyzdy. Ýaqytty ózińniń paıdańa jarat. Sol kezde ósesiń, damısyń, armandaryńa jetesiń.

Ál-Farabı atyndaǵy Qazaq Ulttyq Ýnıversıteti.
Dintaný mamandyǵynyń 1-kýrs stýdenti
Kerimjan Araılym Daýletkeldiqyzy
Týngatova.Ý.A.

---