InfoHub Logo

Óskemende 100 oryndyq Qazaqstandaǵy múmkindigi shekteýli balalarǵa arnalǵan alǵashqy «Aq nıet» mektep ınternaty salynýda. Óńir basshysy Danıal Ahmetov oblystyq bilim berý basqarmasynyń basshysy Aıjan Sadyqovamen birge qurylys jumystarynyń barysymen tanysty.

Munda bolashaq ınternatta turatyndar úshin mekteptiń kúlli aýmaǵy boıynsha tosqaýylsyz orta qurylady. Bul pandýstar, keń dálizder,  tabaldyryǵy joq keń esikter, arnaıy jabdyqtalǵan gıgıena bólmeleri. Ǵımarat 5 turǵyn seksıasynan turady, olardyń árqaısysy 20 tárbıelenýshige arnalǵan uıashyqtan turady. Óz kezeginde uıashyq 3 adamnan aspaıtyn syıymdylyqpen turǵyn bólmelerden, úı tapsyrmalary men oqý pánderi boıynsha derbes jumystar bólmesinen, qosalqy, sanıtarlyq-turmystyq úı-jaıdan turady.

Sabaqqa arnalǵan bólmeler lıngafondyq jabdyqpen jaraqtalǵan.

Internatta sondaı-aq dárigerlik arnaıy kabınetterden jáne t.b. quralǵan medısınalyq pýnkt bar. Mektep ınternatta mamandar balalarǵa medısınalyq-psıhologıalyq kómek uıymdastyrady. Qabattarda kóz dárigeri, reflektolog, sýrdolog em kabınetteri kózdelgen. Bir sózben aıtqanda, jobamen erekshe balalardyń jaıly jaǵdaıy úshin qajettiniń bári qarastyrylǵan.  Ári, balalar 9 synyptan keıin qala kolejderinde mamandyq ala alady, dedi ákimge basqarma basshysy.

Onyń aıtýynsha, oblystyń qalalary men aýdandarynda tirek-qozǵaltqysh apparaty, kórý, estý, sóıleý jaǵynan kemistikteri bar balalardy jınaý boıynsha túsindirý jumystary júrgiziledi. Búginde 76 ótinish kelip tústi. 1-2 synyp oqýshylaryn mektep-ınternat bazasynda oqytý josparlanýda. 3-11 synyptarǵa  ınklúzıvti túrde №15, 37, 14 jáne 16 mektepterde ótedi.

Mektep ınternaty jyldyń aıaǵynda paıdalanýǵa berilýi tıis. Qaraý barysynda anyqtalǵandaı, qurylysshylardan jumysty 1 qyrkúıekte aıaqtaýdy ótingen, olar  ýáde bergen. Ókinishke oraı, jumys aıaqtalmady, jyldyń aıaǵynda, ıaǵnı jobalyq merzimde tapsyrylady. Bir jaǵynan jumystyń oryndaý merzimi qujatqa sáıkes keledi. 

---