InfoHub Logo

Dinı týrızm

Dinı týrızm Qazaqstanda kóbinese musylmandyq dinı nysandarǵa barýmen baılanysty. Munda ıslam jolyn qýýshylar áıgili din negizin qalaýshylardyń meshitteri, keseneleri, molalary men qabirlerine bara alady. Mysaly, Qoja Ahmet Iassaýı jáne Arystan bab keseneleri, Shaqpaq-Ata men Beket-Ata jer asty meshitteri jáne taǵy basqalary.

Qazaqstannyń zamanaýı dinı qurylystary qajylyqqa baratyn adamdardy da qyzyqtyrmaı qoımaıdy. Mundaǵy Astana qalasynyń marjany «Qazaq eli» basty alańynda ornalasqan «Haziret Sultan» meshiti bolyp sanalady.

Mádenı-tanymdyq týrızm

Arheologıa, tarıh jáne sáýlet eskertkishteriniń kólemi boıynsha Qazaqstan naǵyz «ashyq aspan astyndaǵy murajaı» bolyp sanalady. Týrıser Uly Jibek joly boıyndaǵy kóne qalalarǵa baryp, qola dáýirindegi Tamǵaly petroglıftaryn nemese áıgili Mańǵystaý qorymdaryn kóre alady.

Ekologıalyq týrızm

İs júzinde tabıǵaty búlinbegen túrde saqtalǵan aýmaqtyń sany men ár túrliligi Qazaqstandy ekologıalyq týrızm áýesqoılary úshin erekshe qyzyqtyratyn bolady. Qazaqstan aýmaǵynda 12 ulttyq tabıǵı park jáne 10 qoryq bar.

Sporttyq týrızm

Qazaqstan kelesideı baǵyttar boıynsha sporttyq týrızm úshin keremet jaǵdaılar usynady: taý shańǵy týrızmi, álpınızm, sý týrızmi, at týrızmi, velotýrızm jáne taǵy basqalary.

Al Shymbulaq taý shańǵy shıpajaı trassalary álem boıynsha eń kúshtiler qataryna kiredi.

Saýyqtyrý týrızmi

Qazaqstan — emdik-saýyqtyrý týrızmi úshin keremet laıyqty jer. Onyń ereksheligi emdik tabıǵı resýrstardy belsendi qoldanýynda: ystyq bulaqtar, emdik qasıeti bar batpaqtar, em bolatyn klımat. Qazaqstanda qymyz terapıasy, mıneraldy sýlardy paıdalaný men pantoemdeý qoldanylady. Sonymen birge zamanaýı qurylǵylarmen jabdyqtalǵan shıpajaılar mundaı emdeýdiń «tabıǵı bazalardyń» týra qasynda ornalasqan.

---